ဧပြီ ၁၀၊ ၂၀၁၂
ပြန်ကြည့်ရင် ၄၅ ကျပ်တန်ရော ၉၀ တန်ရော ၉ ကနေ အဆတိုးသွားတဲ့ ကိန်းဂဏန်းတွေပါပဲ။ ၉ ငါးလီ ၄၅၊ ၉ ဆယ်လီ ၉၀၊ ဒီလိုပါ။ လေ့လာသူတွေကတော့ ဒီလို ဂွကျကျ ငွေစက္ကူတွေကိုထုတ်ဖြစ်ဖို့ ဗေဒင်ဆရာတွေက နောက်ကွယ်ကနေအကြံပေးတာလို့ ဆိုကြပါတယ်၊ ဗေဒင်ဆရာတွေဟာ မြန်မာပြည်ကဗိုလ်ချုပ်တွေ တခုခုမလုပ်ခင် ရက်ကောင်းရက်မြတ်ရွေးတဲ့နေရာ၊ အရပ်မျက်နှာ ရွေးချယ်တဲ့အခါ၊ ကိန်းဂဏန်းတွေရွေးတဲ့ အခါမျိုးမှာ အခါတော်ပေးလေ့ရှိပါတယ်။
ဥပမာအနေနဲ့ ၁၉၈၈ ခုနှစ်၊ စက်တင်ဘာလ ၁၈ ရက်နေ့မှာ စစ်တပ်က အာဏာသိမ်းပါတယ်။ ၉ လပိုင်း ၁၈ ရက်နေ့ဖြစ်လို့ ၉ ကနေ အဆတိုးသွားတဲ့ဂဏန်းတွေပါပဲ။ ကိုးဂဏန်းကတော့ မြန်မာတွေအတွက် ကံကောင်း တဲ့နံပါတ်ဖြစ်နေတာ ဘုရားရဲ့ဂုဏ်တော် ၉ ပါးနဲ့ပတ်သက်နေပါတယ်။
“မြန်မာပြည်က ထိပ်တန်းစစ်ဗိုလ်ချုပ်တွေဟာ သေရေးရှင်ရေးကိစ္စတွေမှာ ဗေဒင်ကိုအားကိုးကြတယ်” လို့ တိုကျိုတက္ကသိုလ်၊ ယဉ်ကျေးမှု မနုဿဗေဒဌာန (cultural anthropology) ပါမောက္ခ ကီကို တိုဆာ (Keiko Tosa) က ဆိုပါတယ်။
ဂျပန်ခေတ်မှာလည်း နေပြည်တော်ဟာ
စစ်ဌာနချုပ်ဖြစ်ဖူးတယ်လို့ သူကပြောပါတယ်။
လွတ်လပ်ရေးရခါစက အစိုးရကို ဆန့်ကျင်တိုက်ခိုက်ခဲ့တဲ့ ကွန်မြူနစ်ပါတီကလည်း
ဂျပန်ခေတ် စစ်ဌာနချုပ်ကို ပြန်အသုံးချခဲ့ဖူးတယ်လို့ ဆိုပါတယ်။
နေပြည်တော်မှာ အရှေ့နဲ့အနောက်သွယ်တန်းနေတဲ့ တောင်တန်းရှိပါတယ်။
မြစ်တွေက ၀ိုင်းရံနေပါတယ်။
နေပြည်တော်က စစ်ရေးအမြင်အရ သဘာဝခံတပ်ကြီးတွေရှိတယ်လို့ ဆိုပါတယ်။
မြန်မာပြည်က ခေါင်းဆောင်တော်တော်များများဟာ န၀ရတ်လက်စွပ်ကို ၀တ်ကြပါတယ်။ ပတ္တမြားက အလယ်က၊ စိန်အပါအ၀င် တခြားရတနာ ၈ မျိုးက ဘေးကနေ ၀ိုင်းရံထားတဲ့ လက်စွပ်ပါ။ ကံကောင်းမယ်။ အဆိုးတွေနဲ့ ကင်းဝေးမယ်လို့ ယုံကြည်ကြပါတယ်။ ဒေါ်အောင် ဆန်းစုကြည်ရဲ့ မြန်မာပြည်ကပေးစာတခုမှာ နိုင်ငံရေးသမားတွေ နံပါတ်ကိုးအပေါ်ယုံကြည်ကြတဲ့ကိစ္စဟာ လူရယ်စရာ၊ ခပ်ညံ့ညံ့ပြက်လုံးတခုပါပဲလို့ ရေးခဲ့ပါတယ်။
စစ်အစိုးရရဲ့ နံပါတ် ၁ ခေါင်းဆောင် ဗိုလ်ချုပ်မှူးကြီးသန်းရွှေက မြို့တော်ကိုပြောင်းရွှေ့ဖို့ အမိန့်ပေး လိုက်တာလည်း ဗေဒင်ရဲ့အလိုအရပဲလို့ ယုံကြည်ကြပါတယ်။ မြို့တော်သစ်ကိုမပြောင်းရင် စစ်အစိုးရ ပျက်စီးကိန်းဆိုက်မယ်ဆိုတဲ့ လက်စွဲတော်ဗေဒင်ဆရာရဲ့အလိုအရ ပြောင်းသွားတာလို့ ဆိုကြပါတယ်။
မြို့တော်ကိုပြောင်းလိုက်တာကိုကြည့်ရင်
ဗမာလူမျိုးတွေက နိုင်ငံရေးဦးဆောင်မှုကို
တခြားတိုင်းရင်းသားတွေလက်ထဲကို
ဘယ်တော့မှထည့် မပေးချင်ဘူးဆိုတဲ့လက္ခဏာပါပဲ။
နေပြည်တော်မှာ ကျနော်တည်းခိုတဲ့ ဟိုတယ်ကမန်နေဂျာ အမျိုးသမီးရဲ့အဖေက စစ်တပ်ကအရာရှိလို့ ပြောကြပါတယ်။ နေပြည်တော်ကို ပြောင်းလာတာ ဗေဒင်နဲ့ပတ်သက်မှုရှိသလားလို့မေးကြည့်တော့ သူက “ဗေဒင် – ဟုတ်လား” လို့ သံယောင်လိုက်ပြောရင်း နေပြည်တော် မြေပုံကို ဖြန့်လိုက်ပါတယ်။ မြေပုံပေါ်က လမ်းမကြီးတွေကို လိုက်ရေတွက်ကြည့်တော့ လမ်းမကြီး ၉ သွယ်ကို တွေ့ရပါတယ်။
ဒီလိုနဲ့ မတ်လမှာ ရာထူးက အနားယူသွားတဲ့ ဗိုလ်ချုပ်မှူးကြီးသန်းရွှေ၊ လက်ရှိသမတ ဦးသိန်းစိန်နဲ့ တခြားအရာရှိတွေဟာ တောင်တန်းကြီးရဲ့ အရှေ့ဘက်မှာ အိမ်တွေ အသီးသီးဆောက်ပြီး နေကြပါတယ်။ အရှေ့ဘက်က လွင်ပြင်အထိပေါက်တဲ့ မြေအောက်လှိုင်ခေါင်းတွေကလည်း တော်တော်များများ တူးထားကြတယ်လို့ အဆိုရှိပါတယ်။ တခြားနိုင်ငံတွေက ထောက်လှမ်းရေးအဖွဲ့တွေက မြေအောက်လှိုင်ခေါင်း ဆောက်နေဆဲဆိုတာ အသေအချာယုံကြည်ထားကြပါတယ်။ ကောလဟလမျိုးစုံထဲမှာ နယူးကလီးယား စီမံကိန်းအတွက်ဆောက်တယ်ဆိုတာလည်း ပါဝင်ပါတယ်။
အီရတ်သမတဟောင်းရဲ့နာမည်က ဆာဒမ်ဟူစိန်ပါ။ စိန်ဆိုတာပါတယ်။ ဗိုလ်ချုပ်မှူးကြီးသန်းရွှေနာမည်ကတော့ ရွှေနဲ့ဆုံးပါတယ်။ ဒီလိုနဲ့ အီရတ်ကို အမေရိကန်ကတိုက်ခိုက်ပြီးတဲ့အချိန်မှာ “စိန်ပြီးရင် ရွှေအလှည့်လာမယ်” ဆိုတဲ့ ကောလဟလတွေ ထွက်ပေါ်ခဲ့ပါတယ်။ ဒီကောလဟလကြောင့် မြန်မာပြည်က ဒီမိုကရေစီလှုပ်ရှား သူတွေကိုနှိပ်ကွပ်လို့ အမေရိကန်နဲ့ မဆင်မပြေဖြစ်နေတဲ့ ဗိုလ်ချုပ်မှူးကြီး သန်းရွှေအတွက် အမေရိကန် တပ်တွေဝင်တိုက်မှာကို ထိတ်လန့်သွားပုံရပါတယ်။
“တက္ကသိုလ်တွေကို အခုလိုခွဲလိုက်ရတာ အတော်ဆုံးကျောင်းသားတွေ ဒီမိုကရေစီလှုပ်ရှားမှုထဲမှာ ပါဝင်မလာရအောင် ကြိုတင်ကာကွယ် ထားလိုတဲ့ ရည်ရွယ်ချက်နဲ့ပါပဲ။ တက္ကသိုလ် ပညာရေးအရည် အသွေးတွေကျဆင်းကုန်ရင် တိုင်းပြည်လည်း ပျက်လောက်တယ်။ နောက်ဆုံးမှာ မြို့တော်ကိုပါ ပြောင်းရွှေ့ လိုက်တာကတော့ ကျောင်းသားတွေနဲ့ ၀န်ထမ်းတွေပူးပေါင်းပြီးတော့ အစိုးရယန္တရားကို ဆိုးဆိုးရွားရွား ထိ ခိုက်စေလောက်တဲ့အထိ မငြိမ်သက်မှုတွေလုပ်မလာအောင် ကြိုတင်ကာကွယ်တဲ့အနေနဲ့၊ ငြိမ်ဝပ်ပိပြားရေးအတွက် အစိုးရက အဆုံးစွန် လုပ်ဆောင်ချက်ပဲ။” လို့ ရန်ကုန် အိုင်တီကုမ္ပဏီတခုက ဥက္ကဌက ပြောပါတယ်။
နေပြည်တော်က နာမည်တော်တော်များဟာ ပါဠိအမည်တွေချည်းပါပဲ။ မြန်မာပြည်က တိုင်းရင်းသား တွေအပါအ၀င် အများစုသက်ဝင်ယုံ ကြည်ကြတဲ့ ထေရ၀ါဒဗုဒ္ဓဘာသာကျမ်းတွေမှာ အသုံးပြုတဲ့ ဘာသာစကားဖြစ်ပါတယ်။ အစိုးရက ဗုဒ္ဓဘာသာကို ကာကွယ်စောင့်ရှောက်ခဲ့တဲ့ သာသနာ့ဒါယိကာမင်းတွေကို လေးစားသမှုပြုတဲ့ဆိုတဲ့သဘောမျိုးလည်း ဖြစ်နိုင်ပါတယ်။
နေပြည်တော်က စစ်တပ်နယ်မြေမှာ လေးစားလောက်တဲ့ မြန်မာဘုရင်ကြီး သုံးပါးရဲ့ရုပ်ထုကြီးတွေ ရှိပါတယ်။ နေပြည်တော်ဆိုတဲ့ အဓိပ္ပါယ်ကလည်း မင်းတွေစံမြန်းရာဌာနဆိုတဲ့ အဓိပ္ပါယ်ပါပဲ။
“နေပြည်တော်ဆိုတဲ့ ခေါ်တွင်စေတာကတော့ ဘုရင်ခေတ်ကို ပြန်အသက်သွင်းတဲ့ သဘောပါပဲ”လို့ အမျိုးသားဒီမိုကရေစီအင်အားစုပါတီရဲ့ခေါင်းဆောင် ဦးခင်မောင်ဆွေက ပြောပါတယ်။
မြန်မာဘုရင်တွေခေတ်တုန်းကလည်း ဘုရင်တပါးနန်းတက်တိုင်း မင်းနေပြည်တော်လည်း ပြောင်းတတ် တဲ့အစဉ်အလာရှိပါတယ်။ မြန်မာစစ် တပ်က ခေါင်းဆောင်အတော်များများက ဗမာလူမျိုးတွေကများပြီး၊ တိုင်းရင်းသားတွေရဲ့လက်နက်ကိုင်တပ်တွေက ဗမာတွေကြီးစိုးထားတဲ့ စစ်တပ်ကို ဆန့်ကျင်စိန်ခေါ်ကြပါတယ်။ ဒီလိုနဲ့ မြန်မာပြည်ရဲ့စီးပွားရေးကိုတော့ တရုတ်နဲ့ အိန္ဒိယနွယ်ဖွားတွေက ခြယ်လှယ်နေကြပါတယ်။ မြို့တော်ကိုပြောင်းလိုက်တာကိုကြည့်ရင် ဗမာလူမျိုးတွေက နိုင်ငံရေးဦးဆောင်မှုကို တခြားတိုင်းရင်း သားတွေလက်ထဲကို ဘယ်တော့မှထည့် မပေးချင်ဘူးဆိုတဲ့ လက္ခဏာပါပဲ။
နေပြည်တော်အခြေစိုက် သံတမန်တဦးကတော့ မြန်မာအစိုးရထဲက ထိပ်တန်းခေါင်းဆောင်တွေက ခပ်ညံ့ညံ့ လူတွေမဟုတ်ကြဘူးလို့ပြောပါတယ်။ မြို့တော်ကို မဟာဗျူဟာ ရှုထောင့်၊ အကျိုးသင့် အကြောင်း သင့်စဉ်းစားပြီးမှ ပြောင်းရွှေ့ဖို့ ဆုံးဖြတ်လိုက်တာလို့ ဆိုပါတယ်၊ သူ တို့စဉ်းစားတဲ့ အကြောင်း ပေါင်းများစွာထဲမှာ ဗေဒင်ကိန်းဂဏန်းတွေလည်းပါမယ်ဆိုတာ စဉ်းစားကြည့်လို့ရပါတယ်။ ဒီမိုကရေစီ အင်အားစု တွေထဲမှာလည်း ဗမာလူမျိုးက အများစုပါပဲ။
ဒီမိုကရေစီအင်အားစုတွေက ၁၉၈၈ ခုနှစ် သြဂုတ်လ ၈ ရက်နေ့ ၈ လေးလုံးနေ့မှာ အထွေထွေသပိတ်ကြီး ဆင်နွှဲခဲ့ပြီး၊ ဒေါ်အောင်ဆန်းစုကြည် က လူထုကို ပထမဆုံးမိန့်ခွန်းပြောတဲ့နေ့ကလည်း သြဂုတ်လ ၂၆ ရက်နေ့မှာဖြစ်နေပါတယ်။ ၂ နဲ့ ၆ ပေါင်းရင်လည်း ၈ ပဲ ရပါတယ်။
ဒေါ်အောင်ဆန်းစုကြည်ခေါင်းဆောင်တဲ့ အမျုိးသားဒီမိုကရေစီအဖွဲ့ချုပ်မှာ ဗဟိုကော်မတီဝင်ဖြစ်ခဲ့တဲ့ ဦးခင်မောင်ဆွေကို အတိုက်အခံတွေ အတွက် ၈ ဂဏန်းက ကံကောင်းစေတဲ့နံပါတ်လားလို့ မေးကြည့်ပါတယ်။ ဦးခင်မောင်ဆွေက ၈ ဂဏန်းဆိုတာက ကံကောင်းတဲ့နံပါတ်မဟုတ်တဲ့အကြောင်း၊ ဘုရင်တွေခေတ်တုန်းက နိမိတ်မကောင်းတဲ့နံပါတ်လို့ အယူရှိခဲ့တဲ့အကြောင်း၊ ဒါကြောင့် ၈ ဂဏန်းကိုသုံးပြီး အစိုးရကို ခြိမ်းခြောက်ခဲ့တာလို့ ပြောပြပါတယ်။
စစ်ဗိုလ်ချုပ်တွေ ၉ ဂဏန်းအပေါ် ယုံကြည်တဲ့အပေါ်မှာ ဒေါ်အောင်ဆန်းစုကြည်က ရယ်စရာလို့သဘော ထားခဲ့ပါတယ်။ ဒါပေမယ့် အတိုက်အခံတွေကိုယ်တိုင်ကျတော့လည်း ၉ ဂဏန်းသမားအစိုးရကို ခြိမ်းခြောက်ဖို့ ၈ ဂဏန်းကို အသုံးချနေတယ်ဆိုတာကတော့ ကြားလူတွေရဲ့ အမြင်မှာ လူရယ်စရာပဲမဟုတ်ပါလား။
0 ความคิดเห็น:
แสดงความคิดเห็น