วันจันทร์ที่ 11 เมษายน พ.ศ. 2554

ကရင်ဖါးစည်

အရှေ့ ပိုးကရင် လူမျိုးတို့ ၏ တူရိယာများအနက် ဖါးစည်သည် တမျိုးအပါအ၀င်ဖြစ်သည်။ ကရင်လူမျိုးတို့  ယဉ်ကျေးမှုအမွေအနှစ်တွင် ဖါးစည်သည် အထွတ်မြဆုံးအဖြစ် သတ်မှတ်ထားကြသည်။ ဖါးစည်သည် ကရင်လူမျိုးတို့ ၏ အမျိုးသားအထိမ်းအမှတ်အဖြစ်လည်း သတ်မှတ်၍ အထူးလေးစား မြတ်နိုးကြသည်။

 ဖါးစည်အဓိပ္ပာယ်
ဖါးစည်ကို အရှေ့ ပိုးကရင်လူမျိုးတို့ က “က္လိုး”ဟူ၍ ခေါ်ကြသည်။ ကရင်စကား“က္လိုး”သည် ဦးညွတ်အလေးထားခြင်း၊ ကြည်ညိုခြင်း၊ လိုက်နာခြင်းဟူ၍ အဓိပ္ပာယ် ဖွင့်ဆိုနိုင်သည်။ မြန်မာအခေါ် ဖါးစည်ဖြစ်လာခြင်းမှာ စည်၏မျက်နှာပြင်တွင် ဖါးရုပ်ပါရှိခြင်းကို အစွဲပြု၍ ခေါ်ဆိုဟန်ရှိသည်။
ရှေးအခါက တောတောင်များတွင် နေထိုင်ကြသော ကရင်လူမျိုးတို့ သည် တစ်အိမ်နှင့်တစ်အိမ် အလှမ်းကွာဝေးလျက် ရှိကြသည်။ ရွာသူရွာသားများ စုရုံးရန် လိုအပ်သည့်အခါ ဖါးစည်ကို တီးခတ်အသံပေးခြင်းဖြင့် စုရုံးလာကြသည်။ အကြောင်းကိစ္စတစ်ခုကြောင့်လည်းကောင်း၊ ရန်သူဘေးနှင့် ကြုံတွေ့ ၍သော်လည်းကောင်း ဖါးစည်ကို တီးခတ်၍ လူစုကြသည်။ ဤသည်မှာ ဖါးစည်ကို ဦးညွတ်အလေးထားခြင်း သည်ဟု ဆိုကြသည်။
ကရင်လူမျိုးတို့ ရွာတွင် ရောဂါဘယ ထူပြောသောအခါ ရွာကိုပတ်၍ ဖါးစည်ကို ဆုတောင်းအဓိဌာန်တို့ ဖြင့် တီးခတ်ပြီး မကောင်းဆိုးဝါးများကို နှင်ထုတ်လေ့ရှိသည်။ ဖါးစည်၏ စူးရှမြည်ဟီးသောအသံသည် ရောဂါများ ရှောင်းပြေးသည်ဟူ၍ ယူဆကြသည်။ ဤသည်မှာ ဖါးစည်ကို ကြည်ညိုခြင်း ဆောင်လေသည်။
ဖါးစည်သည် အထွတ်အမြတ် ပစ္စည်းဟူ၍ ဖါးစည်မှပြသောအတိတ်နိမိတ်အရ ပြုဘွယ်ရှိသော ပသမှုကိစ္စကို ချက်ချင်းပြုကြသည်။ ဤသို့ ဖါးစည်သည် လိုက်နာခြင်း သဘောဆောင်သည်။

ကရင်လူမျိူး၏ ဖါးအယူအဆ
ဖါးသတ္တ၀ါသည် သူတထူးအား ရန်မူလေ့မရှိချေ။ အေးချမ်းစွာနေတတ်သော သတ္တ၀ါ ဖြစ်သည်။ သို့ ရာတွင် ဖါးသည် အဆိပ်ပြင်းသောသတ္တ၀ါကို အောင်နိုင်သည်။ ဖါးပြုပ်သည် အဆိပ်ရှိသော သတ္တ၀ါကို မိမိအရေခွံမှထွက်သော အစေးများကို ညှစ်ထုတ်၍ သေစေနိုင်သော သတ္တိရှိသည်။ ဖါးတို့ ၏ ရန်မူခြင်း မရှိတတ်ခြင်း၊ အေချမ်းစွာနေထိုင်ခြင်းကို ပမပြုပြီး ကရင်လူမျိုးတို့ သည် ရိုးသားခြင်း၊ စိတ်ထားဖြူစင်ခြင်း၊ အေးချမ်းစွာ နေထိုင်လုပ်ကိုင်စားသောက်ခြင်းတို့ ဖြင့် နှိုင်းယှဉ်မှု ပြုထားကြသည်။
ဖါးပြုပ်သည် ကတိတည်၍ သစ္စာရှိသည်။ ဖါးပြုပ်အော်လျှင် မိုးရွာသည်။ မိမိဥနှင့်ကလေးကို ပြန်စားလေ့မရှိချေ။ မိခင်စိတ် ပြည့်ဝသည်။ ဖါးပြုပ်အရေခွံကို စားမိပါက မူးဝေအော့အန်၍ သေနိုင်သည်။ သို့ သော် ဖါးပြုပ်အရေခွံသည် ဆေးဖက်ဝင်သည်။ ယားနာ၊ ပွေးနာ၊ မီးလောင်ဒဏ်ရာများကို ဖားပြုပ်အရေခွံနှင့် အုပ်ထားလျှင် ချက်ချင်း ပျောက်ကင်းနိုင်သည်။ ထိုသို့ သော ဖားပြုပ်၏လက္ခဏာထူးကြောင့် ရှေးကရင်လူကြီးများသည် ဖားပြုပ်၏ အရေခွံကို အမြတ်တနိုး သိမ်းဆည်းထားလေ့ရှိ၏။
 ဖားစည်တို့ ၏ သမိုင်းမူလ
ပိုးကရင်လူမျိုးတို့ က “က္လိုး” ဖားစည်သည် မည်သည့်အချိန်မှ စတင်အသုံးပြုခြင်းကိုလည်း သမိုင်း အတိအကျ ဖော်ထုတ်ရန် မလွယ်ကူလှချေ။ ကရင်လူမျိုးတို့ က မည်သည့်အချိန်တွင် ဖားစည်ကို သွန်းလုပ်၍ အသုံးပြုခြင်းကိုလည်း အတိအကျ သမိုင်းအထောက်အထားနှင့် ပြောပြနိုင်သူမရှိပေ။ သို့ ကြောင့် ဖားစည်နှင့်ပတ်သက်၍ အယူအဆ အမျိုးမျိုးရှိကြသည်။ အသုံးပြုခြင်း၊ အမျိုးအမည်၊ တန်ဘိုးသတ်မှတ်ခြင်းလည်း ဒေသအလိုက် ကွဲပြားခြင်းရှိ၏။ သို့ ရာတွင် ဖားစည်ကို အမြတ်တနိုးထားခြင်း၊ လေးစားကြည်ညိုခြင်းတို့ မှာ ကရင်လူမျိုးနွယ်စုတွင် တူညီနေကြသည်။
သမိုင်းအရ ကရင်လူမျိုးတို့ သည် မြန်မာနိုင်ငံသို့ မရောက်မီ တရုတ်ပြည် ယူနန်မြောက်ပိုင်းဒေသတွင် နေထိုင်ခဲ့ဘူးကြသည်။ ထိုဒေသမှနေထိုင်သော လ၀လူမျိုး၊ ၀လူမျိုးတို့ နှင့် ဆက်နွယ်ပြီး ဖားစည်သွန်းလုပ်သော အတတ်ကို တတ်မြောက်လာကြသည်ဟု ဆိုသည်။
မျက်မှောက်ခေတ်တွင် ဖားစည်ကို ကရင်လူမျိုးစုအနွယ်တို့ က အသုံးပြုခြင်းရှိသည့်အပြင် အရှေ့ အာရှ တရုတ်ပြည်နယ်စ ယိုးဒယား၊ မာန်ဂွန်လီးယား၊ လော၊ ကမ္ဘောဒီးယား၊ အင်ဒိုနီးရှားတို့ တွင် ဖားစည်များကို တွေ့ ရှိနိုင်သည်။ ဖားစည်၏ မူလအစ သွန်းလုပ်ရာဌာနမှာ ကမ္ဘောဒီးယားပြည်တွင် ဖြစ်သည်ဟု သုတေသီအချို့ က ဆိုသည်။ မည်သို့ ပင်ဖြစ်စေ ဖားစည်ကို ကရင်လူမျိုးတို့ က လွန်ခဲ့သော နှစ်ပေါင်းနှစ်ထောင်ကျော်က အသုံးပြုခဲ့ကြောင်း တေးကဗျာ၊ လင်္ကာ၊ သီချင်းများ သီကုံးထားခြင်း ရှိလေသည်။

ဖားစည်အမျိုးအမည်
ဖားစည်သမိုင်းအစကို အတိအကျဆိုရန် ခက်ခဲသော်လည်း မျက်မှောက် တည်ရှိနေသော ဖားစည် အမျိုးအမည် အခေါ်အဝေါ်အရ ၀လူမျိုးတို့ က အများအပြား သွန်းလုပ်ကြောင်း ထင်ရှားနေသည်။ မျက်မှောက်ခေတ်တွင် ဖားစည်အမျိုးအမည် ခုနှစ်မျိုးရှိသည်ကို အောက်ပါအတိုင်း တွေ့ ရှိရသည်။
(၁) က္လိုးယူမူး ။ (မဲခေါင်မြစ်ဖျားရှိ အမျိုးသမီးများ သွန်းသော ဖားသည်။) “က္လိုး”မှာ ဖားစည်ဖြစ်ပြီး “ယူမူး”မှာ မဲခေါင်မြစ်ဖျားတွင် နေထိုင်ကြသော အမျိုးသမီးဟူ၍ အဓိပ္ပာယ်ရ၏။
(၂) က္လိုးယူခွါး ။ (မဲခေါင်မြစ်ဖျားရှိ အမျိုးသားတို့  လွန်းသော ဖားသည်။) “ယူခွါး”၏အဓိပ္ပာယ်မှာ မဲခေါင်မြစ်ထျားဒေသရှိ အမျိုးသားများ ဖြစ်ကြသည်။
(၃) က္လိုးက၀ါမူး ။ (၀ အမျိုးသမီး သွန်းသော ဖားစည်။) “က၀ါ”၏ အဓိပ္ပာယ်မှာ ၀လူမျိုး ဖြစ်ပြီး “မူး”မှာ အမျိုးသမီး ဖြစ်၏။
(၄) က္လိုးက၀ါခွါး ။ (၀ အမျိုးသား သွန်းသော ဖားစည်။) “ခွား”၏ အဓိပ္ပာယ်မှာ အမျိုးသား ဖြစ်၏။
(၅) က္လိုးရှိုဝေမူး ။ (ပိုးကရင်အမျိုးသမီးတို့  သွန်းသော ဖားစည်)“ရှို” ပိုးကရင်ဖြစ်၍ “မူး”မှာ အမျိုးသမီးမြစ်၏။
(၆) က္လိုးရှိုဝေခွား ။ (ပိုးကရင်အမျိုးသားတို့  သွန်းသော ဖားစည်) “ခွား”၏အဓိပ္ပာယ်မှာ အမျိုးသားဖြစ်သည်။
(၇) က္လိုးယူကော်တယ် ။ (ရှမ်းပြည်နယ်တွင် သွန်းသော ဖားစည်)
ကရင်ရှေးဟောင်း တေးကဗျာ၊ လင်္ကာ၊ သီချင်းများအရ ကရင်လူမျိုးတို့ သည် မြန်မာနိုင်ငံအတွင်းသို့  ရောက်ရှိ အခြေချခြင်း မရှိမိကပင် ဖားစည်ကို သွန်းလုပ်သုံးစွဲကြောင်း အဆိုရှိသည်။ ကရင်လူမျိုးတို့ ၏ တေးကဗျာ၊ လင်္ကာ၊ ပုံပြင်များတွင် ကရင်လူမျိုးတို့ သည် မံခေါင်မြစ်ဖျားခံရာဒေသတွင် နေထိုင်ခဲ့ဘူးကြောင်းလည်း ရှေးလူကြီးများစကားအရ မှတ်သားခဲ့ဘူးသည်။
ဖားစည်နှင့် ဖားစည်သွန်းလုပ်မှု
ယေဘုယျအားဖြင့် ဖားစည်ကို သတ္တုဖြင့် သွန်းလုပ်ဝကြသည်ဟု နားလည်ထားကြသည်။ ဖားစည်သွန်းလုပ်ခြင်းကို တတ်သိနားလည်သူတို့ က ပဉ္ဇရူပခေါ် သတ္တုငါးမျိုးဖြစ်သော ရွှေ၊ ငွေ၊ ကြေးနီ၊ ခဲနှင့် သွပ်တို့ ဖြင့် သွန်းလုပ်ရသည်ဆို၏။ ဖားစည်၏ မည်ဟီးအသံ သာယာစူးရှမှုအရ ထိုအဆိုသည် မှန်ကန်နိုင်ပေသည်။
ဖားစည်၏အသံသည် သာယာ၍ အေးမြသည်။ ငြိမ့်ညောင်းခြင်းဖြစ်သော်လည်း အသံလှိုင်းများ ဝေးစွာလွင့်၍ပြေးသည်။ လျှိုကြား မြိုင်ကြောတွင် တီးခတ်ပါက အသံပို၍ပြေးသည်။ တောတောင်များ ရှင်းနေလျှင် အသံမှာ ဟိန်း၍ ရှည်လျားနေသည်။ ရှေးအခါက စာဆိုများအရ ဖားစည်သံသည် သုံးယူဇနာ အဝေးကပင် ကြားနိုင်သည်ဆို၏။ ဖားစည်၏လိုချင်သောအသံ၊ အသံလွင်လွင်လေး ဖြစ်စေရန်မှာ ပဉ္ဇရူပခေါ် သတ္တုငါးမျိုးကို အချိုးကျ သွန်းလုပ်နိုင်မှသာ ရရှိနိုင်သည် ဆိုကြသည်။
 ဖားစည်အမှတ်အသား
ကရင်လူမျိုးတို့ ၏ ဖားစည်သည် တဖက်ပိတ် ဖားစည်ဖြစ်သည်။ မျက်နှာပြင်သာ အပိတ်ရှိပြီး ဖင်ပိုင်းတွင် ဖွင့်ထားလေသည်။ ဖားစည်မျက်နှာပြင် ကိုယ်ထည်တို့ တွင် ရောစပ်ထားသော သတ္တုတို့ ဖြင့် သွန်းလုပ်ထားခြင်း ဖြစ်သည်။ ဖားစည်ဟူ၍ မြန်မာအသုံးအနှုန်းအရ ခေါ်ဝေါ်ခြင်းဖြစ်သော်လည်း ဖားသရေတို့ ဖြင့်လည်းကောင်း၊ အခြားသားရေတို့ ဖြင့်လည်းကောင်း ကျက်ထားခြင်း မရှိချေ။
ဖားစည်၏ မျက်နှာအလယ်တွင် လင်းရောင်ခြည် ဖြာတန်းနေသည်ကို တွေ့ ရသည်။ ရောင်ခြည်ခြောက်သွယ်မှ ၁၂ သွယ်အထိ ရှိသည်ကို တွေ့ နိုင်သည်။ ရောင်ခြည်ဖြာတန်းနေသော အပေါ်နားတွင် စက်ဝိုင်းအရစ်များရှိသည်။ စက်ဝိုင်းမှာ ခြောက်ခုမှ ကိုးခုအထိ ရှိတတ်သည်။ စက်ဝိုင်းတစ်ခုနှင့် တစ်ခုအကြားတွင် သွန်းလုပ်သူ ပန်းချီဆရာ၊ ပန်းပုဆရာတို့ က ပြည့်စုံလှပစေရန် ငါးရုပ်၊ ငှက်ရုပ်၊ ပန်းပွင့်များ စိတ်သန်သလို ဖော်လေ့ရှိသည်။ ဖားစည်၏မျက်နှာပြင်ဆိုအပ်သော အနားပတ်လည်တွင် ဖားရုပ်များ လေးနေရာစီ၍ ထားရှိသည်။ ဖားရုပ်များမှာ လက်ယာရစ်၍ တစ်ကောင်နှင့်တစ်ကောင် လိုက်နေဟန် သရုပ်ဖော်ထားသည်။ တစ်ကောင်ထပ် ဖားစည်ဆိုပါက ဖားလေးကောင်ရှိသည်။ သုံးကောင်ထပ် ဖားစည်ဆိုလျှင် ဖားဆယ့်နှစ်ကောင် ရှိမည်ဖြစ်သည်။
ဖားစည်၏ ကိုယ်ထည်ပိုင်းတွင် စက်ဝိုင်းနှင့် အရုပ်အမျိုးမျိုးကို မွမ်းမံခြယ်သထားသည်။ ကိုယ်ထည်အောက်ပိုင်း နှုတ်ခမ်းတွင် ဆင်ရုပ်၊ ခရုရုပ်လုံးများ တပ်ဆင်ထားသည်။ ဆင်ရုပ်အောက်နားတွင် ဆင်ချေးတုံးများကိုလည်း တွေ့ ရတတ်သည်။ အချို့ သော ဖားစည်တွင် ဆင်ရုပ်နှင့် ခရုရုပ်များမှာ အဆင်းပုံဏ္ဍာန်ရှိပြီး အချို့ က အတက်ပုံဏ္ဍာန်ရှိသည်။ အချို့ မှာ မည်သည့်အရုပ်မျှ မပါရှိသည်ကိုလည်း တွေ့ရသည်။ ဤသည်မှာ သွန်းလုပ်သူ ပန်းချီဆရာ၊ ပန်းပုဆရာတို့ အလိုတော်အရ ဖြစ်ဟန်ရှိသည်။
‘ဖားအော်လျှင် မိုးရွာ၊ မိုးရွာလျှင် ငါးကျ၊ ငါးကျတော့ ရေကြီး၊ ရေကြီးမှ ဆင်သစ်ဆွဲ၊ ဆင်သစ်ဆွဲမှ သစ်ကျ၊ သစ်ကျမှ ပြည့်ဝ’ဟူသော စကားစုအတိုင်း ဖားစည်မျက်နှာပြင်နှင့် ကိုယ်ထည်ကို ဖားရုပ်၊ ငါးရုပ်၊ ဆင်ရုပ်၊ အမှတ်အသား ဖြစ်လာသည်ဟု အချို့ လူကြီးများက ဆိုကြပေသည်။
 အရုပ်များ၏အဓိပ္ပာယ်
ဖားစည်မျက်နှာပြင် ကိုယ်ထည်တို့ တွင် အရုပ်များဖော်မှုနှင့် ပတ်သက်၍ထူးခြားချက်အဖြစ် အဓိပ္ပာယ်ဖေါ်၍ ကောက်ချက်ချသည်။ ဖားစည်မျက်နှာပြင် ရောင်ခြည်ဖြာခြင်းသည် ရဲရင့်တည်ကြည်စွာ ရှိနေခြင်းဖြစ်သည်။ ဖားရုပ်မှာ ဖားသတ္တ၀ါတို့ သည် ရေတွင်လည်းကောင်း၊ ကုန်းတွင်လည်းကောင်း ကျက်စားသွားလာနိုင်သည်။ ဖားစည်ကို ပိုင်ဆိုင်သူသည် ကရင်စကားဖြစ်သော ‘လေလေ့ထီ ထီ့ထဘာ၊ လေလေ့ခွန့်  ခွန့်  ထဘာ’စကားအတိုင်းရေလမ်းတွင် သွားလာ၍ဖြစ်စေ၊ ကုန်းလမ်းတွင် သွားလာ၍ဖြစ်စေ စောင်မခြင်းခံရပြီး ဘေးကင်းရန်ရှင်း၍ ကုန်းမြေပိုင်ရှင်၊ ရေမြေပိုင်ရှင်အဖြစ် တိုးတက်ကြီးပွားနိုင်သော အဓိပ္ပာယ်ဆောင်သည်။
ဆင်ရုပ်ကို ဖော်ထားခြင်းသဘောမှာ ဆင်တို့ မည်သည် ကုန်းသတ္တ၀ါတွင် အားအင်အကြီးမားဆုံးဖြစ်သည်။ လူသားတို့ ၏ အကျိုးကို အများဆုံးဆောင်နိုင်သော ရတနာတစ်ပါးဖြစ်သည်။ ဆင်ရုပ်ပါသော ဖားစည်ပိုင်ရှင်သည် သြဇာတိက္ကမရှိပြီး ပစ္စည်းကုံလုံကြွယ်ဝ၍ လူအများ အကျိုးဆောင်နိုင်သော ပုဂ္ဂိုလ်ဖြစ်လာနိုင်၏။
ထို့ အတူ ခရုရုပ်သည် ကုန်း၊ ရေ နှစ်ဌာနတို့ တွင် နေနိုင်သောသတ္တ၀ါဖြစ်သည်။ ရာသီချိန်ခါမရွေး ရှာဖွေရရှိနိုင်ပြီး မျိုးဆက်မပြုန်းနိုင်သော သတ္တ၀ါတစ်မျိုးဖြစ်သည်။ မင်္ဂလာယူရာတွင် ခရုသင်းမှုတ်၍ အသုံးပြုရသကဲ့သို့ ဖားစည်ပိုင်ရှင်သည်လည်း ထာဝစဉ် မင်္ဂလာကျက်သရေတိုးနိုင်သည်ဟု အဓိပ္ပာယ်ဆောင်လေသည်။ အခြားခြားသော အရုပ်ပန်းချီများလည်း သူ့ အဓိပ္ပာယ်နှင့်သူ ဆောင်၍ ရှိနေမည် ဖြစ်၏။
 
ဖားစည်၏ တန်ဖိုး
ကရင်လူမျိုးများ ဖားစည်တန်ဖိုး သတ်မှတ်ချက်သည် ဖားအရေအတွက်ကို အခြေခံထားကြသည်။ ပိုးကရင်စကားတွင်‘က္လိုးလဖလုံး စေသန့် ဖောင်း’ဟူ၍ ရှိသည်။ အဓိပ္ပာယ်မှာ ဖားစည်တစ်လုံး ငွေသုံးရာ တန်ဖိုးထားသည်။ ဖားတစ်ကောင်ထပ် ဖားစည်ကို ငွေသားတစ်ရာ၊ ဖားနှစ်ကောင်ထပ် နှစ်ရာ၊ ဖားသုံးကောင်ထပ် သုံးရာ စသည်ဖြင့် သတ်မှတ်လေ့ရှိသည်။
အချို့ သောဒေသတွင် ဖားစည်မျက်နှာပြင် အကျယ်အ၀န်းကို လိုက်၍ တန်ဖိုး သတ်မှတ်ကြသည်။ ဖားစည်အကြီး၊ အသေး၊ အလတ် တန်ဖိုးထားသည့် သဘောဖြစ်သည်။ ဖားစည်၏မျက်နှာပြင်ကို လက်သီးဆုပ်ဖြင့် တိုင်းတာ၍ လက်သီးဆုပ် နှစ်ဆုပ်မှ ခြောက်ဆုပ်အထိရှိလျှင်’စီမံ’ဖားစည်အဖြစ် သတ်မှတ်ကြသည်။ တချို့ က ဖားစည်သွန်းလုပ်သော ပစ္စည်းတန်ဖိုး အသံသာယာမှုကိုလိုက်၍ တန်ဖိုး သတ်မှတ်ခြင်းလည်း ရှိသည်။ ရှေးအခါက အသံအလွန်သာယာသော ဖားစည်ကို တန်ဖိုးငွေ ၁၀၀၀(တစ်ထောင်)အထိ အလွန်ညံ့ဖျင်းလျှင် တန်ဖိုးငွေ ၁၀၀(တစ်ရာ)အထိ ရှိသည်ဟု ဆိုကြသည်။
ဖားစည်တန်ဖိုး သတ်မှတ်ချက်မှာ အမျိုးမျိုးကွဲပြားလေ့ရှိသော်လည်း အများစု သတ်မှတ်ချက်မှာ ဖားစည်ပေါ်တွင် တပ်ဆင်ထားသော ဖားအရေအတွက်ကိုလိုက်၍ တန်ဖိုး သတ်မှတ်ကြသည်။ အချို့  သောဒေသတွင် ပြစ်ဒဏ်ကျူးလွန်သောသူကို လျေ်ကြေးပေးရာတွင် ဖားစည်တစ်လုံးကို တန်ဖိုးငွေသုံးရာဖြင့်လည်းကောင်း၊ မင်္ဂလာကြေး တင်တောင်းရာမှာလည်း ဖားစည်တစ်လုံးကို ငွေသုံးရာဖြင့်လည်းကောင်း တန်ဖိုး ဆုံးဖြတ်လေ့ရှိသည်။

ကြန်စုံ ဖားစည်
ဖားစည်တစ်လုံးသည် ကြန်စုံလက္ခဏာနှင့် ပြည့်စုံခြင်း ရှိ မရှိကို သိရှိနိုင်ရန် ဖားစည်သွန်းလုပ်ရာတွင် ရောစပ်သော သတ္တုအမျိုးအစား၊ စည်မျက်နှာပြင် ကိုယ်ထည်တို့ တွင် ပါရှိသော အရုပ်များ ပြည့်စုံမှု ရှိ မရှိအပေါ်တွင် သတ်မှတ်ကြသည်။ သို့ ရာတွင် ဖားစည်သွန်းလုပ်ရာတွင် သတ္တုရောစပ်မှုမှာ အချိုးအစား ခွဲထားရန် မလွယ်ကူလှသဖြင့် ဖားစည်ပေါ်တွင်သာ ရှိသော အရုပ်အမှတ်အသားများကို အကဲဖြတ် သတ်မှတ်နိုင်ကြသည်။ ကြန်စုံဖားစည်တွင် ရှိအပ်သော အင်္ဂါရပ်မှာ -
(၁) ဖားရုပ် သုံးကောင်ထပ် အမျိုးအစားဖြစ်ခြင်း၊
(၂) ဖားရုပ်များသည် လက်ယာရစ်၍ တစ်ကောင်နှစ်တစ်ကောင် မျက်နှာပြု လိုက်နေခြင်း၊ အနည်းဆုံး ၁၂ ကောင် ပါရှိခြင်း၊
(၃) ဖားစည်မျက်နှာပြင်အလယ်တွင် ဆယ့်နှစ်သွယ်သော ရောင်ခြည် ဖြာတန်းနေခြင်း၊
(၄) ဖားစည်မျက်နှာပြင် အ၀ိုင်းအရစ်များ အစိပ်အကျဲ မှန်ကန်ခြင်း၊ အနည်းဆုံး စက်ဝိုင်း ခြောက်ခု ရှိခြင်း၊
(၅) ဖားစည်အထက် နှစ်ဖားပေါက်နှင့်တန်း၍ ကိုယ်ထည်ပေါ်တွင် ဆင်သုံးကောင်ရုပ်၊ ခရုသုံးကောင်ရှိခြင်၊
(၆) အသံများလွင်၍ သာယာအေးမြခြင်း စသည်များ ဖြစ်သည်။
ဖားစည်ဖို ဖားစည်မ
အချို့ သောဒေသတွင် ဖားစည်ကို အဖိုအမဟူ၍ ခွဲခြားထားသည်။ သို့ ရာတွင် အဖိုအမကို တိတိကျကျ ခွဲခြားသတ်မှတ်ခြင်းကား မပါရှိချေ။ မျက်နှာပြင်ကျယ်ပြီး အလျားရှည်သော် ဖားစည်ဖိုဟူ၍လည်းကောင်း၊ ပုပုပျပျရှိသော ဖားစည်ကို ဖားစည်မဟူ၍လည်းကောင်း ယေဘုယျသတ်မှတ်ကြသည်။
ဖားစည်ဖိုသည် မျက်နှာပြင်အ၀တွင် ဖားရုပ်များ အပြည့်အစုံရှိသည်။ ကိုယ်ထည်နှင့်ခါးပိုင်းတို့ တွင်လည်း ဆင်ရုပ်၊ ငါးရုပ်များ၊ ခရုရုပ်များရှိသည်။ ဖားစည်အမမှာမူ ရိုးရိုးဖားစည်ကဲ့သို့ ပင် ရှိနေပြီး ကိုယ်ထည်မှာ တပိုင်းပြတ်၍ ဖားစည်ဖိုကဲ့သို့ အလျားရှည်ခြင်းမရှိဟူ၍ အချို့ က ဆိုကြသည်။
အချို့ က ဖားစည် အဖိုအမကို အသံဖြင့် ခွဲခြားခြင်းလည်း ရှိ၏။ ဖားစည်အမသည် အသံလွင်၍ အေးချမ်းသည်။ ဖားစည်အဖိုသည် အသံမှာ ဟိန်း၍စူးရှသည်။ ထိုဖားစည်မျိုးကို စစ်ထွက်ရာတွင် အသုံးပြုလေ့ရှိပြီး စစ်ထွက် ဖားစည်ဟူ၍လည်း ခေါ်ကြသည်။ အချို့ က စစ်ထွက်ဖားစည်ကို ဇေယျာ ဖားစည်ဟုလည်းကောင်း အမည်ပေးထားလျက် ရှိသည်။ ထိုဖားစည်မျိုးသည် နယ်စား မြို့ စားတို့ သာ ထားရှိလေသည်။
 မင်္ဂလာဖားစည်နှင့် အမင်္ဂလာဖားစည်
ဖားစည်အဖို ဖားစည်အမ ခွဲခြားထားရှိသလို မင်္ဂလာဖားစည်၊ အမင်္ဂလာဖားစည်ဟူ၍လည်း သတ်မှတ်ထားခြင်း ရှိပေသည်။ ဖားစည်မျက်နှာပြင်ရှိ ဖားရုပ်များသည် လက်ယာရစ်ပြီး တစ်ကောင်နှစ်တစ်ကောင် မျက်နှာမူ၍ လိုက်နေကြဟန် သွန်းလုပ်ထားခြင်းကို မင်္ဂလာဖားစည်ဟူ၍ သတ်မှတ်ကြသည်။ မင်္ဂလားဖားစည်၏ ဖားရုပ်များ အနေအထားသည် ဦးဆောင်မှုရှိခြင်း၊ ခေါင်းဆောင်မှုပေးခြင်း၊ ညီညွတ်မှုရှိခြင်းကို ပြသည်။ မင်္ဂလာဖားစည်သည် မင်္ဂလာရှိသော နေ့ ထူးနေ့ မြတ်ဖြစ်သည့် ထိမ်းမြားလက်ထပ်ပွဲ၊ ကောက်ဦးစားပွဲ၊ နှစ်သစ်ကူးပွဲတော်၊ လူမှုရေးရာအလှူပွဲတော်များ၊ ပျော်ပွဲရွှင်ပွဲများတွင် တီးခတ်လေ့ရှိသည်။
အမင်္ဂလာ ဖားစည်သည် ဖားရုပ်များ မျက်နှာချင်းဆိုင်နေလျက် ရှိတတ်သည်။ သေါးကွဲနေခြင်း၊ ရန်စောင်နေခြင်းနှင့် ညီညွတ်မှုမရှိခြင်းကို ပြသည်။ အမင်္ဂလာ ဖားစည်ဟူ၍ အမည်တပ်ခေးခြင်းနှင့်အတူ အသုဘများ၊ အရိုးကောက်ပွဲများ အခြားသော အမင်္ဂလာကိစ္စတို့ တွင် တီးခတ်လေ့ရှိသည်။
မင်္ဂလာဖားစည်၊ အမင်္ဂလာဖားစည်ကို အေးသောဖားသည်၊ ပူသောဖားစည်ဟူ၍လည်း ခေါ်ဆိုကြသည်။ အေးသောဖားစည်သည် အိမ်၌သော်လည်းကောင်း၊ ကျောင်း၌သော်လည်းကောင်း မြင့်မြတ်သောနေရာတွင် ချိတ်ဆွဲထားလေ့ရှိပြီး မပြတ်ပူဇော်ပသကြသည်။ ပူသောဖားစည်သည် အိမ်ပေါ်တင်မိလျင် ဘေးဒုက္ခကျရောက်တတ်သည်ဟု ယူဆကြသည်။ ရွာအပြင်ရှိ လုံခြုံသောနေရာတွင် သိမ်းဆည်းထားလေ့ရှိသည်။

အသုံးပြုခြင်း
ကရင်လူမျိုးတို့ သည် ဖားစည်ကို အလွန်ကို တန်ဖိုးထားပြီး အမျိုးသား အထိမ်အမှတ်အဖြစ် သတ်မှတ်သည့်အလျေက် လေးစားစွာ အိမ်ပေါ် မြင့်မြတ်သောနေရတွင် သိမ်းဆည်းထားလေ့ရှိသည်။ ဖားစည်ကို ချိန်ခါမရွေး တီးခတ်ခြင်း မပြုရချေ။ ၀ါခေါင်လ လက်ချည်မင်္ဂလာ(အောင်းလာခေါက်ခိုင်စူး)ပြုလုပ်သည့်အခါ သင်္ကြန်အတာကူးသောအခါ သီတင်းကျွတ်ပွဲတ်ေများ ကျင်းပသောအခါ စသော ဘာသာရေးပွဲတေ်၊ မင်္ဂလာပွဲတော် ကျင်းပသောအခါတွင် တီးခတ်လေ့ရှိသည်။
ထို့ အပြင် ဆိုခဲ့သည့်အတိုင်း မင်္ဂလာကြေး တင်တောင်းရတွင်လည်း ဖားစည်တစ်လုံးကို တန်ဖိုးငွေ သုံးရာကျော် သတ်မှတ်ပြီး အသုံးပြုခြင်းလည်း ရှိသည်။ အချို့ သောဒေသတွင် တရားစီရင် ဆုံးဖြတ်ရာ၌ အမှုငယ် အမှုကြီးအလိုက် ဖားစည်ကို လျော်ကြေးအဖြစ် အသုံးပြုခြင်းလည်း ရှိသည်။
ဖားစည်သည် တန်ဖိုးမြင့်မြတ်ပြီး မင်္ဂလာ စည်တော်ချိန်တစ်မျိုးဖြစ်သဖြင့် ပစ္စည်းဥစ္စာ ဓနကြွယ်ဝသူများ အကြီးအကဲများတို့ သာ ထားရှိနိုင်ကြလေသည်။ အရှေ့ ပိုးကရင်တို့  စကားတရပ်တွင် “ဒေါက်ပိုင်ဒေးက္လိုး ဒေစေ”ငွေကြေးနှင့် ဖားစည်ရတနာ ပြည့်စုံသည်ဟူ၍ တင်စားလေ့ရှိသည်။

ရွှေဖားစည် ငွေဖားစည်
ဖားစည်ကို ရွေဖားစည်၊ ငွေဖားစည်ဟူ၍ ခေါ်ဝေါ်ခြင်းရှိသော်လည်း စင်စစ်တွင် ရွေအတိဖြင့် သွန်းလုပ်သော ဖားစည်၊ ငွေအတိဖြင့် သွန်းလုပ်သော ဖားစည်ဟူ၍ သက်သေမရှိပါချေ။ ဖားစည်ကို သွန်းလုပ်ရာတွင် ရွှေကို အဓိကထားပြီး ဖားစည်၏ အရစ်များကို ရွှေဖြင့် ဖေါ်ထားခြင်းကို ကရင့်အခေါ် “က္လိုးထွန့် ”ရွှေဖားစည် ဖြစ်သည်။ ထို့ အတူ ဖားစည်၏အရစ်များကို ငွေဖြင့်သွန်းလုပ်လျှင်“က္လိုး”ငွေဖားစည် ဖြစ်သည်။
ထို့ အတူ ပဉ္စရူပဖြစ်သော သတ္တုငါးမျိုးဖြင့် အချိုးကျ ရောစပ်ပြီး သွန်းလုပ်သော ဖားစည်ကို “က္လိုးထွန်း” သလွဲဖားစည် (၀ါ) ကြေးဖားစည်ဟူ၍လည်း ရှိပေသည်။ မျက်မှောက်ခေတ်တွင် ကြေးဖားစည်ကိုသာ အများအပြား တွေ့ ရှိနိုင်သည်။

ဖားစည်တီးခတ်နည်း
ဖားစည်တီးခတ်ရာတွင် လက်ယာဖက်လက်က ဖားစည်မျက်နှာပြင်ကို ထုပြီး လက်ဝဲဖက်လက်တွင် တုတ်ပါးပါးတစ်ချောင်း သို့ မဟုတ် နှီးစည်းဖြင့် ဖားစည်တွင်သို့ သျှိုသွင်းပြီး တီးခတ်ရသည်။ လက်နှစ်ဖက်စလုံး တီးခတ်ပါမှသာ တီးခတ်နည်း မှန်ကန်နိုင်သည်။ မင်္ဂလာလည်းရှိသည်။ တီးခတ်နည်း မမှန်ပါက ထိခိုက်တတ်သည်ဟု အယူအဆရှိသည်။ အချို့ သောဒေသတွင် အကြောင်းမရှိဘဲ တီးခတ်ပါက ရွာတွင်းရှိ နေထိုင်ကြသူများ သေကြေပျက်စီးတတ်သည်ဟု အယူအဆရှိပြီး အကြောင်းမဲ့ တီးခတ်ခြင်းမပြုရန် အထူး တားမြစ်ထားကြသည်။
ဒုံးကသောအခါတွင် ဖားစည်၊ လင်းကွင်း၊ မောင်း၊ နှဲတို့ ဖြင့် တွဲဖက်၍ တီးခတ်ကြသည်။ ဤအခါတွင် ဖားစည်သည် ကရင်လူမျိုးတို့ ၏ တူရိယာတစ်မျိုး ဖြစ်သားလေသည်။ ဆယ့်ရှစ်လက်မအရွယ်ရှိသော ဖားစည်၊ ဆယ်နှစ်လက်မ အရွယ်ရှိသော ဖားစည်၊ လင်းကွင်း၊ အ၀ ဆယ့်နှစ်လက်မရှိသော အိုးစည်နှင့် ဆယ်လက်မအရွယ်ရှိသော မောင်းတို့ ဖြင့် တွဲဖက်၍တီးလျှင် လိုက်ဖက်ညီညွတ်ပြီး သာယာသောအသံများ ရှိဟည်ဟု ဆိုကြသည်။
 ဖားစည်၏ အတိတ်နိမိတ်
ဖားစည်သည် တစ်ခါတစ်ရံ အရေများ စိမ့်ထွက်လာတတ်သည်။ ယင်းကို ကရင်လူမျိုးတို့ က ဖားစည် မျက်ရည်ယိုထွက်၍ ငိုသည်ဟု ယူဆကြသည်။ ထိုသို့ ဖြစ်လာလျှင် ဖးစည်ကို ပူဇော်ပသကြသည်။
ဖားစည်ကို အနည်းဆုံး တစ်နှစ်တစ်ကြိမ် ပူဇော်ပသ ကျွေးမွေးရသည်။ အိမ်၌ထားရှိသော ဖားစည်သည် မည်သူမျှ မတီးခတ်ဘဲ အလိုလို မြည်လာပါက ရွာတွင် ရွာသးတစ်ဦးတစ်ယာက် သေဆုံးတေ့မည်ဖြစ်ကြောင်း နိမိတ်ပြသည်ဟု ဆိုလေသည်။ နိမိတ်ပြသည့်အတိုင်း ဖြစ်လေ့ရှိသည်ဟု လူကြီးများက ဆိုကြသည်။ သို့ ကြောင့် ဖားစည် အလိုလို အသံမြည်လာပါက စားသောက်ဖွယ်တို့ ဖြင့် ပူဇော်ပသကြလေသည်။ အချို့ ဒေသတွင် မင်္ဂလာဖားစည်ကို တစ်ခါတီးလျှင် ရွာသား တစ်ယောက် သေတတ်သော ဖားစည် ရှိဖူးကြောင်း ရှေးလူကြီးများက ဆိုကြသည်။ ထိုဖားစည်မျိုးကို ရွာတွင် မထားရှိကြဘဲ ဘုန်းတော်ကြီးကျောင်းများသို့  လှူဒါန်းလိုက်ကြပြီး ဘုန်းတော်ကြီးများက ပရိတ်ရွတ် အစွဲများ ချွတ်ပေးခြင်းဖြင့် ပြန်လည်မွန်မြတ်လာသည့် ဖားစည်များလည်း ရှိကြောင်း သိရှိရသည်။

မျက်မှောက်ခေတ်
မျက်မှောက်ခေတ်တွင် ဖားစည်သည် အလွန်ရှားပါးလာသော အမျိုးသားယဉ်ကျေးမှု အမွေအနှစ် ပစ္စည်းတစ်ခု ဖြစ်လေသည်။ ဖားစည်သွန်းလုပ်ခြင်း အတတ်ကိုလည်း တတ်မြောက်သူများ မရှိသလောက် ဖြစ်နေသည်။ ရှေးအခါက မင်္ဂလာကြေးအဖြစ် တင်တောင်းခြင်း၊ တရားစီရင်ရာတွင် လျော်ကြေးအဖြစ် တန်ဖိုးသတ်မှတ်ခြင်း ရှိသော်လည်း ယခုအခါတွင် ကရင်ရွာတိုင်းပင် ရှာဖွေ၍ မတွေ့ ရှိနိုင်တော့ချေ။ နောင်အခါတွင် ဖားစည်သည် ရှိခဲ့ဘူးခြင်းသာ ကြားသိရပြီး မျက်မြင်ကိုယ်တွေ့  အသုံးပြုခဲ့သော နှောင်းခေတ်လူငယ်များ လက်တွင် တည်ရှိနိုင်တော့မည်မဟုတ်ချေ။
ကရင်လူမျိုးတို့ ၏ အမျိုးသား အထိမ်းအမှတ် ယဉ်ကျေးမှုအမွေအနှစ်အဖြစ် တည်ရှိခဲ့သော ဖားစည်သည် လူမျိုးနှင့်အတူ ဆက်လက်တည်တံ့နိုင်ရန် ကရင်လူမျိုးတို့ က ဆက်လက်ထိန်းသိမ်းခြင်း၊ ဆက်လက်သွန်းလုပ်ခြင်းကို အားထုတ်ပြုလုပ်သင့်ကြောင်း ဆန္ဒပြုလိုပါပေသည်။

မန်းသင့်နောင် (ကော့ကရိတ်)
အရှေ့ ပိုးကရင် သမိုင်းစာအုပ်မှ ကောက်နှုတ်ဖေါ်ပြထားသည်။
ဖါးစည်သံ

အပြည့်အစုံသို့...

အစိုးရအဖွဲ့ ကြေညာချက်

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတရုံးသည် ကြေငြာချက်အမှတ် (၁ /၂ဝ၁၁) ကို ၁၃၇၂ ခုနှစ် တန်ပေါင်းလပြည့်ကျော် ၁၁ ရက်၊ ၂ဝ၁၁ ခုနှစ် မတ်လ ၃ဝ ရက် ဒီကနေ့ရက်စွဲဖြင့် ထုတ်ပြန် ကြေငြာပါတယ်။

အပြည့်အစုံမှာ ပြည်ထောင်စုအစိုးရအဖွဲ့ ဖွဲ့စည်းခြင်း

ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံပုဒ်မ (၂ဝ၂) ပြည်ထောင်စုအစိုးရအဖွဲ့ ဥပဒေပုဒ်မ (၆) ပုဒ်မခွဲ (က)နှင့် (ခ) တို့အရ ပြည်ထောင်စု အစိုးရအဖွဲ့ကို အောက်ပါ ပုဂ္ဂိုလ်များဖြင့် ဖွဲ့စည်းလိုက်သည်။

(၁) ဦးသိန်းစိန် (နိုင်ငံတော် သမ္မတ)
(၂) သီဟသူရ ဦးတင်အောင်မြင့်ဦး (ဒုတိယသမ္မတ)
(၃) ဒေါက်တာ စိုင်းမောက်ခမ်း (ခ) မောင်အုန်း (ဒုတိယသမ္မတ)
(၄) ဗိုလ်ချုပ်လှမင်း (ဝန်ကြီး ကာကွယ်ရေး ဝန်ကြီးဌာန)
(၅) ဒုတိယဗိုလ်ချုပ်ကြီး ကိုကို (ဝန်ကြီး ပြည်ထဲရေး ဝန်ကြီးဌာန)
(၆) ဗိုလ်ချုပ်သိန်းဌေး (ဝန်ကြီး နယ်စပ်ရေးရာ ဝန်ကြီးဌာနနှင့် မြန်မာ့စက်မှု ဖွံ့ဖြိုးရေး ဝန်ကြီးဌာန)
(၇) ဦးဝဏ္ဏမောင်လွင် (ဝန်ကြီး နိုင်ငံခြားရေး ဝန်ကြီးဌာန)
(၈) ဦးကျော်ဆန်း (ဝန်ကြီး ပြန်ကြားရေး ဝန်ကြီးဌာနနှင့် ယဉ်ကျေးမှု ဝန်ကြီးဌာန)
(၉) ဦးမြင့်လှိုင် (ဝန်ကြီး လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန)
(၁ဝ) ဦးဝင်းထွန်း (ဝန်ကြီး သစ်တောရေးရာ ဝန်ကြီးဌာန)
(၁၁) ဦးလှထွန်း (ဝန်ကြီး ဘဏ္ဍာရေးနှင့် အခွန် ဝန်ကြီးဌာန)
(၁၂) ဦးခင်မောင်မြင့် (ဝန်ကြီး ဆောက်လုပ်ရေး ဝန်ကြီးဌာန)
(၁၃) ဦးတင်နိုင်သိန်း (ဝန်ကြီး အမျိုးသားစီမံကိန်းနှင့် စီပွားရေးဖွံ့ဖြိုးတိုးတက်မှု ဝန်ကြီးဌာန နှင့် မွေးမြူရေးနှင့် ရေလုပ်ငန်း ဝန်ကြီးဌာန)
(၁၄) ဦးဝင်းမြင့် (ဝန်ကြီး စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန)
(၁၅) ဦးသိန်းထွန်း (ဝန်ကြီး ဆက်သွယ်ရေး စာတိုက်နှင့် ကြေးနန်းဝန်ကြီးဌာန)
(၁၆) ဦးအောင်ကြည် (ဝန်ကြီး အလုပ်သမားဝန်ကြီးဌာန နှင့် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန)
(၁၇) ဦးသိန်းထိုက် (ဝန်ကြီး သတ္တုတွင်း ဝန်ကြီးဌာန)
(၁၈) ဦးအုန်းမြင့် (ဝန်ကြီး သမဝါယမ ဝန်ကြီးဌာန)
(၁၉) ဦးမြတ်ထွန်းအောင် (ဝန်ကြီး ပို့ဆောင်ရေး ဝန်ကြီးဌာန)
(၂ဝ) ဦးတင့်ဆန်း (ဝန်ကြီး ဟိုတယ်နှင့် ခရီးသွားလာရေးလုပ်ငန်း ဝန်ကြီးဌာနနှင့် အားကစား ဝန်ကြီးဌာန)
(၂၁) ဦးကျော်စွာခိုင် (ဝန်ကြီး အမှတ်(၁) စက်မှုဝန်ကြီးဌာန)
(၂၂) ဦးစိုးသိန်း (ဝန်ကြီး အမှတ် (၂) စက်မှုဝန်ကြီးဌာန)
(၂၃) ဦးအောင်မင်း (ဝန်ကြီး ရထားပို့ဆောင်ရေး ဝန်ကြီးဌာန)
(၂၄) ဦးသန်းဌေး (ဝန်ကြီး စွမ်းအင်ဝန်ကြီးဌာန)
(၂၅) ဦးဇော်မင်း (ဝန်ကြီး အမှတ် (၁) လျှပ်စစ်စွမ်းအား ဝန်ကြီးဌာန)
(၂၆) ဦးခင်မောင်စိုး (ဝန်ကြီး အမှတ် (၂) လျှပ်စစ်စွမ်းအား ဝန်ကြီးဌာန)
(၂၇) ဒေါက်တာမြအေး (ဝန်ကြီး ပညာရေးဝန်ကြီးဌာန)
(၂၈) ဒေါက်တာ ဖေသက်ခင် (ဝန်ကြီး ကျန်းမာရေး ဝန်ကြီးဌာန)
(၂၉) သူရဦးမြင့်မောင် (ဝန်ကြီး သာသနာရေး ဝန်ကြီးဌာန)
(၃ဝ) ဦးအေးမြင့် (ဝန်ကြီး သိပ္ပံနှင့် နည်းပညာ ဝန်ကြီးဌာန)
(၃၁) ဦးခင်ရီ (ဝန်ကြီး လူမှုကြီးကြပ်ရေးနှင့် ပြည်သူ့အင်အား ဝန်ကြီးဌာန)
(၃၂) ဦးသိန်းညွန့် (ဝန်ကြီး သမ္မတရုံး ဝန်ကြီးဌာန)
(၃၃) ဦးစိုးမောင် (ဝန်ကြီး သမ္မတရုံး ဝန်ကြီးဌာန)
(၃၄) ဒေါက်တာထွန်းရှင် (ပြည်ထောင်စု ရှေ့နေချုပ်၊ ပြည်ထောင်စု ရှေ့နေချုပ်ရုံး)
(၃၅) ညွှန်ကြားရေးမှူးချုပ် အစိုးရ အဖွဲ့ရုံး အတွင်းရေးမှူး

ပုံ
သိန်းစိန်
နိုင်ငံတော် သမ္မတ
ပြည်ထောင်စုသမ္မတ မြန်မာနိုင်ငံတော်
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတရုံးသည် ကြေငြာချက်အမှတ် (၂ /၂ဝ၁၁) ကို ၁၃၇၂ ခုနှစ် တန်ပေါင်းလပြည့်ကျော် ၁၁ ရက်၊ ၂ဝ၁၁ ခုနှစ် မတ်လ ၃ဝ ရက် ဒီကနေ့ရက်စွဲဖြင့်ထုတ်ပြန်ကြေငြာပါတယ်။

ထုတ်ပြန်ချက် အပြည့်အစုံမှာ ဘဏ္ဍာရေးကော်မရှင် ဖွဲ့စည်းခြင်း

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံပုဒ်မ (၂၂၉) ပုဒ်မခွဲ (က) နှင့် ပြည်ထောင်စု အစိုးရအဖွဲ့ ဥပဒေပုဒ်မ (၁၁) ပုဒ်မခွဲ (က) နှင့် (ခ) တို့အရ ဘဏ္ဍာရေး ကော်မရှင်ကို အောက်ပါ ပုဂ္ဂိုလ်များဖြင့် ဖွဲ့စည်းလိုက်သည်။

၁။ ဦးသိန်းစိန် (နိုင်ငံတော် သမ္မတ - ဥက္ကဌ)
၂။ သီဟသူရ ဦးတင်အောင်မြင့်ဦး (ဒုတိယ သမ္မတ - ဒုတိယ ဥက္ကဌ)
၃။ ဒေါက်တာ စိုင်းမောက်ခမ်း (ခ) မောင်အုန်း (ဒုတိယ သမ္မတ - ဒုတိယ ဥက္ကဌ)
၎။ ဒေါက်တာထွန်းရှင် (ပြည်ထောင်စု ရှေ့နေချုပ် - အဖွဲ့ဝင်)
၅။ ဦးလွန်းမောင် (ပြည်ထောင်စု စာရင်းစစ်ချုပ် - အဖွဲ့ဝင်)
၆။ ဦးလစ်ချွန်ဝမ်စိုင်း (ဝန်ကြီးချုပ် ကချင်ပြည်နယ် - အဖွဲ့ဝင်)
၇။ ဦးခင်မောင်ဦး (ခ) ဦးဖိုးရယ် (ဝန်ကြီးချုပ် ကယားပြည်နယ် - အဖွဲ့ဝင်)
၈။ ဗိုလ်မှူးချုပ် ဇော်မင်း (ဝန်ကြီးချုပ် ကရင်ပြည်နယ် - အဖွဲ့ဝင်)
၉။ ဦးဟုမ်းနိုင်း (ဝန်ကြီးချုပ် ချင်းပြည်နယ် - အဖွဲ့ဝင်)
၁ဝ။ ဦးအုန်းမြင့် (ဝန်ကြီးချုပ် မွန်ပြည်နယ် - အဖွဲ့ဝင်)
၁၁။ ဦးလှမောင်တင် (ဝန်ကြီးချုပ် ရခိုင်ပြည်နယ် - အဖွဲ့ဝင်)
၁၂။ ဦးအောင်မြတ် (ခ) စဝ်အောင်မြတ် (ဝန်ကြီးချုပ် ရှမ်းပြည်နယ် - အဖွဲ့ဝင်)
၁၃။ ဦးသာအေး (ဝန်ကြီးချုပ် စစ်ကိုင်းတိုင်း ဒေသကြီး - အဖွဲ့ဝင်)
၁၄။ ဦးဖုန်းမော်ရွှေ (ဝန်ကြီးချုပ် မကွေးတိုင်း ဒေသကြီး - အဖွဲ့ဝင်)
၁၅။ ဦးရဲမြင့် (ဝန်ကြီးချုပ် မန္တလေးတိုင်း ဒေသကြီး - အဖွဲ့ဝင်)
၁၆။ ဦးဉာဏ်ဝင်း (ဝန်ကြီးချုပ် ပဲခူးတိုင်း ဒေသကြီး - အဖွဲ့ဝင်)
၁၇။ ဦးခင်ဇော် (ဝန်ကြီးချုပ် တနင်္သာရီတိုင်း ဒေသကြီး - အဖွဲ့ဝင်)
၁၈။ ဦးမြင့်ဆွေ (ဝန်ကြီးချုပ် ရန်ကုန်တိုင်း ဒေသကြီး - အဖွဲ့ဝင်)
၁၉။ ဦးသိန်းအောင် (ဝန်ကြီးချုပ် ဧရာဝတီတိုင်း ဒေသကြီး - အဖွဲ့ဝင်)
၂ဝ။ ဦးသိန်းညွန့် (ဥက္ကဌ နေပြည်တော် ကောင်စီ - အဖွဲ့ဝင်)
၂၁။ ဦးလှထွန်း (ဝန်ကြီး ဘဏ္ဍာရေးနှင့် အခွန်ဝန်ကြီးဌာန - အတွင်းရေးမှူး)
ပုံ
သိန်းစိန်
နိုင်ငံတော် သမ္မတ
ပြည်ထောင်စုသမ္မတ မြန်မာနိုင်ငံတော်


ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတရုံးသည် ကြေငြာချက်အမှတ် (၃ /၂ဝ၁၁) ကို ၁၃၇၂ ခုနှစ် တန်ပေါင်းလပြည့်ကျော် ၁၁ ရက်၊ ၂ဝ၁၁ ခုနှစ် မတ်လ ၃ဝ ရက် ဒီကနေ့ရက်စွဲဖြင့်ထုတ်ပြန်ကြေငြာပါတယ်။

ထုတ်ပြန်ချက် အပြည့်အစုံမှာ ပြည်ထောင်စု တရားလွှတ်တော်ချုပ် ဖွဲ့စည်းခြင်း

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေပုဒ်မ (၂၉၄) ပြည်ထောင်စု အစိုးရအဖွဲ ဥပဒေပုဒ်မ (၉) ပုဒ်မခွဲ (ဂ) နှင့် ပြည်ထောင်စု တရားစီရင်ရေး ဥပဒေပုဒ်မ (၇) တို့အရ ပြည်ထောင်စုတရားလွှတ်တော်ချုပ်ကို အောက်ပါ ပုဂ္ဂိုလ်များဖြင့် ဖွဲ့စည်းလိုက်သည်။

၁။ ဦးထွန်းထွန်းဦး (ပြည်ထောင်စု တရားသူကြီးချုပ်)
၂။ ဦးသာဌေး (ပြည်ထောင်စု တရားလွှတ်တော်ချုပ် တရားသူကြီး)
၃။ ဦးစိုးညွှန့် (ပြည်ထောင်စု တရားလွှတ်တော်ချုပ် တရားသူကြီး)
၎။ ဦးမြသိန်း (ပြည်ထောင်စု တရားလွှတ်တော်ချုပ် တရားသူကြီး)
၅။ ဦးမြင့်အောင် (ပြည်ထောင်စု တရားလွှတ်တော်ချုပ် တရားသူကြီး)
၆။ ဦးအောင်ဇော်သိန်း (ပြည်ထောင်စု တရားလွှတ်တော်ချုပ် တရားသူကြီး)
၇။ ဦးမြင့်ဟန် (ပြည်ထောင်စု တရားလွှတ်တော်ချုပ် တရားသူကြီး)

ပုံ
သိန်းစိန်
နိုင်ငံတော် သမ္မတ
ပြည်ထောင်စုသမ္မတ မြန်မာနိုင်ငံတော်

မဇ္ဈိမသတင်းမှ ကိုးကားသည်။

အပြည့်အစုံသို့...

စိန်ခေါ်မှုများအောက်က အစိုးရသစ်

စည်းကမ်းပြည့်ဝတဲ့ ဒီမိုကရေစီကို ကူးပြောင်းတာပါလို့ဆိုတဲ့ စစ်အုပ်စုရဲ့ အဆင့် ၇ ဆင့်မှာ နောက်ဆုံးအဆင့်ဖြစ်တဲ့ အငြိမ်းစားဗိုလ်ချုပ်ကြီး ဦးသိန်းစိန်ခေါင်းဆောင်တဲ့ အစိုးရသစ်ကို အာဏာလွှဲပြောင်းတာတော့ မတ်လ ၃၀ ရက်နေ့က ပြီးစီးသွားပါပြီ။

စစ်အုပ်ချုပ်ရေးကနေ အရပ်သားအစိုးရ အပြောင်းမှာ ပြည်သူလူထုအတွက် ကောင်းတဲ့ရလဒ်တွေ ရလာမလားဆိုတာကတော့ အများဆုံး မေးခွန်းထုတ်ခံရတဲ့ မေးခွန်းပါပဲ။

အလုပ်အကိုင်သစ်တွေ ဖန်တီးနိုင်ဖို့ သုတေသနနဲ့ ရင်းနှီးမြှုပ်နှံမှုတွေ၊ ပညာရေး၊ ကျန်းမာရေးတွေမှာ နိုင်ငံ့ဘတ်ဂျက်ကို ပိုသုံးတာက ပဋိပက္ခတွေကို လျော့ပါးစေပြီး နိုင်ငံလုံခြုံရေးကို အထောက်အကူ ပြုစေနိုင်တာကို သတိပြုစေချင်ပါတယ်။
အာဏာရှင် ဗိုလ်ချုပ်မှူးကြီးသန်းရွှေကနေ သူရဲ့ လူယုံတဦးဖြစ်တဲ့ ဦးသိန်းစိန်ကို အာဏာလွှဲသွားပြန်တာဖြစ်လို့ စစ်အုပ်စုပဲ အကျိုးဆက်ရှိနေမှာလို့ အများက တွက်ဆကြနေကြပါတယ်။

ဒါပေမဲ့ ဦးသိန်းစိန်အတွက် သမ္မတရာထူးဟာ ဧပြီ ၂ဝ မှာ ပြည့်မယ့် အသက် ၆၆ နှစ်ပြည့်မွေးနေ့အတွက် ပျော်စရာကောင်းတဲ့ မွေးနေ့လက်ဆောင်ချည်းပဲလို့တော့ ပြောလို့ မရပြန်ပါဘူး။

သမ္မတ ဦးသိန်းစိန်အစိုးရမှာ ဗိုလ်ချုပ်မှူးကြီး သန်းရွှေ၏ သြဇာကို မလွန်ဆန်နိုင်ဟု အများက ထင်ကြေးပေး

အစိုးရသစ်အတွက် စိန်ခေါ်မှုတွေက ဒုနဲ့ဒေးပါ။ နိုင်ငံရေးအရ မဖြေရှင်းနိုင်ခဲ့လို့ အမွေကျန်နေခဲ့တဲ့ နိုင်ငံရေးအကျဉ်းသား ၂၁ဝဝ နီးပါး အကျဉ်းထောင်တွေထဲမှာ ရှိနေသေးသလို ဒေါ်အောင်ဆန်းစုကြည် ဦးဆောင်တဲ့ အတိုက်အခံတွေက ထင်ထင်ရှားရှား ရှိနေပါသေးတယ်။ ဒါ့အပြင် မြန်မာပြည် နယ်စပ်တနံတလျားက နယ်ခြားစောင့်တပ် မပြောင်းချင်တဲ့ လက်နက်ကိုင် တိုင်းရင်းသားတပ်ဖွဲ့တွေကိစ္စ ဖြေရှင်းရဖို့ ရှိနေပြီး တိုင်းပြည် စီမံခန့်ခွဲမှု ယန္တရားကနေ လွတ်မြောက်နေခဲ့တဲ့ အခွင့်ထူးခံလုပ်ငန်းရှင်တွေနဲ့ လာဘ်ပေးလာဘ်ယူမှုတွေကို နှိမ်နင်းရေး၊ ဆင်းရဲမွဲတေမှု လျော့ပါးရေးတွေ ရှိနေပါတယ်။

ဗဟိုနဲ့ ဒေသဆိုင်ရာ အာဏာပိုင်တွေကြား အာဏာခွဲဝေမှုအပေါ် ကွဲကွဲပြားပြား သိနားလည်သေးဟန် မရှိသလို စစ်တပ်အာဏာနှင့် အရပ်ဘက်အုပ်ချုပ်ရေး အာဏာတို့ကလဲ ရောထွေးနေဆဲပါ။

ဖွဲ့စည်းပုံ အခြေခံဥပဒေသစ်ကနေ အပ်နှင်းထားတဲ့၊ တကယ့် အချုပ်အချာ အာဏာပိုင်ဖြစ်တဲ့ အမျိုးသားကာကွယ်ရေးနှင့် လုံခြုံရေးကောင်စီကို နောက်ခံထားနေရလို့ သမ္မတရဲ့ အခြေအနေဟာ မလွတ်မကျွတ်ပါပဲ။
သမ္မတရဲ့ ပထမဆုံး မူဝါဒရေးရာ မိန့်ခွန်းအရဆိုရင် အစိုးရသစ်ဟာ တိုင်းပြည်လိုအပ်ချက်နဲ့ တလွဲတချော် ဖြစ်နေပါသေးတယ်။ အစစ်အမှန်မရှိတဲ့ ပြည်ပရန်က အစိုးရသစ်ကို ခြိမ်းခြောက်နေပြီး စစ်တပ်အင်အား တိုးချဲ့ဖို့ချည်း အာရုံစိုက်နေတာကြောင့် ဖြစ်ပါတယ်။

၂ဝ၁၁-၂ဝ၁၂ ဘဏ္ဍာနှစ်အတွက် ဘတ်ဂျက်လျာထားရာမှာ ကျန်းမာရေးစောင့်ရှောက်မှုအတွက် ၁ ရာခိုင်နှုန်းကျော်ပဲ ရှိနေချိန်မှာ စစ်တပ်အသုံးစရိတ်ကျတော့ ၂၅ ရာခိုင်နှုန်းနီးပါး ပေးထားတာဟာဖြင့် စိတ်ပျက်စရာ ကောင်းလှပါတယ်။

၁၁ ဦးပါတဲ့ အမျုိုးသားကာကွယ်ရေးနှင့် လုံခြုံရေးကောင်စီမှာ သမ္မတ၊ ဒုသမ္မတတွေ၊ လွှတ်တော်ဥက္ကဋ္ဌတွေ၊ ကာကွယ်ရေးဦးစီးချုပ်၊ ဒုကာကွယ်ရေးဦးစီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေးဝန်ကြီးနဲ့ နယ်စပ်ရေးရာဝန်ကြီးတွေ ပါဝင်ပါတယ်။

တပ်မတော်အင်အားရှိမှ တိုင်းပြည် အင်အားရှိမယ်ဆိုတဲ့ အယူအဆဟောင်းကို ဆက်လက်ဆုပ်ကိုင်မယ့်အစား အလုပ်အကိုင်သစ်တွေ ဖန်တီးနိုင်ဖို့ သုတေသနနဲ့ ရင်းနှီးမြှုပ်နှံမှုတွေ၊ ပညာရေး၊ ကျန်းမာရေးတွေမှာ နိုင်ငံ့ဘတ်ဂျက်ကို ပိုသုံးတာက ပဋိပက္ခတွေကို လျော့ပါးစေပြီး နိုင်ငံလုံခြုံရေးကို အထောက်အကူ ပြုစေနိုင်တာကို သတိပြုစေချင်ပါတယ်။

ဒါ့အပြင် နိုင်ငံမှာ လျှပ်စစ်နဲ့ သောက်သုံးရေ လိုအပ်ချက် ကြီးကြီးမားမား ရှိနေတာကို လျင်လျင်မြန်မြန် အရေးယူဆောင်ရွက်ဖို့ လိုနေပါတယ်။

မြန်မာပြည်သူတွေထဲမှာ အရှေ့အလယ်ပိုင်းက ဒီမိုကရေစီ လှိုင်းလုံးကြီးတွေကြောင့် အားတက်စိတ်တွေ ဖြစ်ထွန်းနေတာကိုလဲ တွေ့မြင်နေရပါတယ်။
အခြေခံဥပဒေကိုလက်မခံနိုင်တဲ့ အတိုက်အခံတွေကို စိတ်ရှည်မယ့်ဟန်နဲ့ သဘာဝပတ်ဝန်းကျင် ထိန်းသိမ်းရေးကို ဦးသိန်းစိန်က တခုတ်တရ ပြောသွားခဲ့လို့ အမှတ်ပေးစရာအဖြစ် ယူဆပါတယ်။

ဒါပေမဲ့လဲ အံ့သြစရာကောင်းနေပြန်တာက သမ္မတကျမ်းကျိန်ရက်မတိုင်ခင် ရက်သတ္တတပတ်အလိုကမှ ဖြစ်သွားခဲ့တဲ့ အနိမ့်ဆုံး လူ ၇၄ ဦး သေဆုံးခဲ့တဲ့ ရှမ်းအရှေ့ပိုင်း ငလျင်အကြောင်းကို တလုံးတပါဒမှ မဟသွားခဲ့တာပဲ ဖြစ်ပါတယ်။ ဝန်ကြီးချုပ်ဘဝက လူ ၁ သိန်း ၄ သောင်းကျော် သေဆုံးပြီး ၂.၄ သန်း အိုးအိမ်မဲ့ဖြစ်ခဲ့ရတဲ့ နာဂစ်မုန်တိုင်းသင့်သူတွေအတွက် ကယ်ဆယ်ရေးလုပ်ပေးဖို့ထက် အခြေခံဥပဒေ ဆန္ဒခံယူပွဲလုပ်ခဲ့ရတဲ့ အတွေ့အကြုံကြောင့်များ တာလေငလျင်ကို အလေးမထားတာလားလို့ မေးခွန်းထုတ်မိပါတယ်။

စာဖတ်ဝါသနာထုံတဲ့သူ၊ စစ်ယူနီဖောင်းချွတ်တွေကြားမှာ ရှားရှားပါးပါး လာဘ်စားတဲ့ နာမည်ဆိုး ကင်းလွတ်တဲ့သူ၊ နားထောင်ပေးတတ်သူရယ်လို့ ညွှန်းဆိုခံရတဲ့ သမ္မတဦးသိန်းစိန်ရဲ့ မိန့်ခွန်းမှာ ဒီမိုကရေစီဆိုတဲ့ စကားလုံးကို မြိုင်မြိုင်ကြီး ပြောသွားသလို လက်တွေ့အားဖြင့်လဲ ပြသဖို့ လိုနေပါပြီ။

ဝန်ကြီးချုပ်ဘဝက စစ်အာဏာရှင်စနစ်ကြောင့် အစွမ်းပြခွင့်မရခဲ့ဘူးလို့ ဆင်ခြေပေးလို့ ရနိုင်သေးပေမယ့် သမ္မတဖြစ်လာပြီးတဲ့နောက် ဒီအခွင့်အရေး မရတော့ပါဘူး။ မြန်မာပြည်သူတွေထဲမှာ အရှေ့အလယ်ပိုင်းက ဒီမိုကရေစီ လှိုင်းလုံးကြီးတွေကြောင့် အားတက်စိတ်တွေ ဖြစ်ထွန်းနေတာကိုလဲ တွေ့မြင်နေရပါတယ်။

ဒီလိုအခြေအနေမှာ အစိုးရသစ်အတွက် သက်သာရာရစေနိုင်ဖို့က အတိုက်အခံတွေနဲ့ နိုင်ငံရေးအရ ပြေလည်မှု ဘယ်လောက် ယူနိုင်လဲဆိုတဲ့အပေါ်မှာ မူတည်နေပါတယ်။

မဇ္ဈိမသတင်းမှ ကိုးကားသည်။

အပြည့်အစုံသို့...

วันอาทิตย์ที่ 10 เมษายน พ.ศ. 2554

ရိုးရာဓလေ့ ဆင်နွဲ ကျုံဒိုးမီးပုံပွဲ

ခေါင်ဆူလိုင့်

လူနေအိမ်တစ်လုံးသာသာရှိတဲ့ မီးပုံကြီးဟာ နနွင်းရောင် ၀ါထိန်နေတဲ့ သစ်ပုံကြီးကို လောင်ကျွမ်းတောက်နေပါတယ်။ မီးပုံကြီး ရဲ့ ပတ်ပတ်လည်မှာ ရာထောင်ချီတဲ့ လူထုပရိသတ်ကြီးက မိုးပေါ်ထောင်တက်နေတဲ့ မီးညွှန့်ကြီးကိုကြည့်လို့ လာမဲ့နှစ်မှာ မိမိ တို့အတွက် မကောင်းတာတွေ လောင်ကျွမ်းပျက်စီးသွားပြီး နိမိတ်ကောင်းတွေသာ ရောက်ရှိလာတော့မယ်လို့ ယုံကြည်ရင်း စိတ်လက်ချမ်းသာ ပျော်ရွှင်နေကြပါတယ်။
ဒီမီးပုံကြီးကတော့ တနှစ်တခါ ပြုလုပ်လေ့ရှိတဲ့ ကရင့်ရိုးရာ နယ်လုံးကျွတ် မီးပုံပွဲတော်ကြီးပဲ ဖြစ်ပါတယ်။ ပိုးကရင်လို “ဘုံး အောင်တယောင်း”လို့ခေါ်တဲ့ ဒီမီးပုံတော်ကို ကျင်းပလာခဲ့တာ ဒီနှစ်ဆိုရင် ၁၈၅ကြိမ်ရှိနေပြီး ရှေးဘိုးဘွားတွေရဲ့ လက်ဆင့် ကမ်းအပြောအရ ဒီပွဲဟာ ရိုးရာယတြာချေပွဲကြီး ဖြစ်တယ်လို့ အသက် ၅၃နှစ်အရွယ် နန်းတီက ပိုးကရင်စကားနဲ့ အခုလို ပြော ပါတယ်။




“ဘိုးဘွားစဉ်ဆက် ဘုံးအောင်တယောင်းဟာ ယတြာချေတာကြီးတခုပဲ။ တနှစ်တခါ ပြန်လည်ဆုံဆည်းပြီး စုပေါင်းပွဲလုပ်ကြ တယ်။ သစ်ရင်းပင်(ကွာပင်) အကိုင်းကို မိသားစုဝင် ၅ယောက်ဆို ငါးပိုင်းခုတ်ယူ။ ကိုယ့်အရပ်နဲ့တိုင်း၊ ကိုယ့်အရပ်ထက် လက် သုံးလုံးလောက် ပိုတာဖြစ်စေ နနွင်းနဲ့လိမ်းပြီး ပွဲအထိုင်နေရာကို သွားတယ်။ နောက် ယူသွားတဲ့ အမွှေးနံ့သာရည်နဲ့ ပူဇော် ပသပြီး အခုလို ကျမနဲ့ ကျမသားသမီး၊ မိသားစုတွေ ရေကြီးတာဖြစ်စေ၊ မီးလောင်တာဖြစ်စေ မကောင်းတဲ့ ချွတ်ချော်မှုတွေ မရှိအောင် ကိုယ့်ရဲ့ လက်သည်းခြေသည်းနဲ့ ဆံပင်ချည်နည်းနည်းစီးထည့်ပြီး အမွှေးနံ့သာ ပက်ဖြန်းပြီး ဒီအဓိဌာန်မီးပုံကို ရှို့ တဲ့အခါ ကိုယ့်အပေါ်ကျရောက်လာမဲ့ မကောင်းတာ မှန်သမျှ ပါသွားပါစေပေါ့၊”

ဒီပွဲတော်ကို နှစ်စဉ် တပို့တွဲလပြည်နေ့တိုင်း မပျက်မကွက် ကျင်းပပြုလုပ်လေ့ရှိပြီး ထူးခြားတာက ကရင်ပြည်နယ်၊ ကော့က ရိတ်မြို့နယ် ကျုံဒိုးမြို့က ရသေ့ကျောင်း ဘုန်းကြီးကျောင်းဝင်းအနီးမှာပဲ ပြုလုပ်လေ့ရှိပါတယ်။ ကျောင်းဝင်းရဲ့ အရှေ့ဘက်နား က ၅ဧကနီးပါးလောက်ကျယ်တဲ့ မြေပရ၀ုဏ်နေရာမှာပဲ ကျင်းပရတာ ဖြစ်ပါတယ်။ ဒီနေရာဟာ ကြက်၊ ၀က်၊ နွား စတဲ့ အိမ် မွေးတိရစ္ဆာန်တွေ မွေးမြူခွင့် မရှိသလို မီးပုံပွဲပြုလုပ်တဲ့ ယတြာ အောင်ရာအောင်ကြောင်းနေရာမို့ နှစ်စဉ် ဒီနေရာမှာပဲ မပျက်မ ကွက် ကျင်းပကြတာဖြစ်တယ်လို့ နန်းတီက ဗမာစကားနဲ့လည်း အခုလို ပြောသွားပါတယ်။

“အမိုးတို့ အဘိုးအဘွားတွေ ပြောဖူးတာက ဒီရိုးရာက အဲဒီ နယ်နိမိတ်မှာပဲ ရှိတယ်။ တနှစ်တခါ အဲဒီအမိုးတို့ ကျုံဒိုး၊ ရသေ့ ကျောင်းဘေးက အဲဒီနယ်နိမိတ်မှာပဲ အခွင့်အရေး ရှိတယ်။ ဒုံး၊ အငြိမ့်တို့ အကတွေဘာတွေနဲ့ ပျော်တာကတော့ ရိုးရာအငြိမ့် ကတာတို့ ဘာတို့က အမျိုးမျိုးပေါ့နော်။”

ပွဲမတိုင်ခင် လူတိုင်း လာရောက်စုပုံထားတဲ့ သစ်ပုံကြီးကို လပြည့်နေ့မနက်စောစော အရုဏ်မတက်ခင် မီးရှို့မဲ့ ရိုးရာဆရာတွေ က နက္ခတ်အချိန်တွေကို ကြည့်ပြီး မီးရှို့လိုက်ကြပါတယ်။ နက္ခတ်ကို ဘယ်လိုတွက်ချက်ကြသလဲဆိုတာကို မသိရှိတော့ မီးတိုင် လာပုံတဲ့သူတွေက မီးရှို့ချိန်မှာ မတွေ့လိုက်ကြပါဘူး။

မီးပုံကြီး မီးလောင်တဲ့အခါကျမှသာ အဲဒီတောက်လောင်လာတဲ့ မီးညွှန့်တွေရဲ့ အရောင်နဲ့ လောင်ကျွမ်းနေတဲ့ ပုံပန်းသဏ္ဍာန် ကိုကြည့်ရင်း လူတွေက လာမဲ့နှစ်မှာ မိမိတို့ရဲ့ ရပ်ရွာ၊ တိုင်းပြည်အတွက် အကောင်း၊ အဆိုး နိမိတ်ကို အဓိပ္ပါယ် ကောက်ယူ ကြပါတယ်။ သဘာဝဘေးအန္တရာယ်တွေနဲ့ ရောဂါဘယတွေ ကင်းစင်ပပျောက်ဖို့အတွက် လုပ်ဆောင်တာဖြစ်ပေမဲ့ မီးလောင် တဲ့အချိန်မှာ မီးခိုးတွေ အူထွက်နေမယ်ဆိုရင် ရပ်ရွာ၊ တိုင်းပြည် တည်ငြိမ်မှုရှိတယ်လို့ နိမိတ်ကောက်ကြပါတယ်။


၁၈၅ ကြိမ်မြောက် ကရင့်ရိုးရာ နယ်လုံးကျွတ် မီးပုံပွဲတော်ကြီး
ဒီရိုးရာအရ မီးပုံပွဲအလေ့အထကို မလုပ်ဆောင်တဲ့သူ တစ်ယောက်ယောက်အပေါ် ဆိုးကျိုးဖြစ်တာမျိုးတော့ မရှိပေမယ့် ရိုးရာ ကို လုပ်ဆောင်လိုက်ခြင်းအားဖြင့် ကိုယ့်မိသားစုအတွက် ကျန်းမာရေး၊ စီးပွားရေးနဲ့ လုပ်ကိုင်စားသောက်မှုမှာ ကောင်းမွန်ပြီး စိတ်ပေါ့ပါးမှု။ သက်တောင့်သက်သာ ဖြစ်စေတယ်လို့ သက်ဝင်ယုံကြည်ကြကြောင်းကိုလည်း နန်းတီက ဆက်ပြောပါတယ်။



“အဘိုးအဘွားတွေ ပြောချက်အရ ဒီဟာ တနှစ်တခါ လုပ်ရင် ကောင်းတယ်။ စိတ်လည်း ချမ်းသာတယ်။ လုပ်စားကိုင်စားရတာ လည်း ပျော်တယ်တဲ့။ စီးပွားရေးလည်း ကောင်းတယ်။ ကိုယ်မလုပ်လို့ ကိုယ့်ကို ထိခိုက်တာ ဘာတာမရှိဘူး။ အဲဒါပြီးလို့ ပြန် သွားလို့ရှိရင် အဘွားက ပြောတယ်။ နှစ်သစ်ကူးပြီးသွားပြီ။ ဒီဘက်နှစ်ထဲမှာ ဆိုလို့ရှိရင် တို့ တောင်သူလယ်သမား သားသမီး တွေ ဘာပဲလုပ်စားလုပ်စား အောင်မြင်ပြီလို့ ပြောကြတာပဲ။” အရင်ခေတ်ကဆိုရင် အသက် ၅၀ကျော်နဲ့အထက် လူကြီးသူမ တွေပဲ ကိုယ့်မိသားစုအားလုံး ကိုယ်စား သစ်တိုင်လေးတွေကိုယူပြီး ခြေလျင်နဲ့တမျိုး၊ နွားလှည်းနဲ့ တဖုံ သွားကြပေမဲ့ အခု ခေတ်မှာတော့ ကလေးသူငယ်၊ လူငယ်လူရွယ်တွေနဲ့ သံဃာတော်တွေကအစ ပါဝင်ဆင်နွဲလာကြတော့ ဒီနယ်လုံးကျွတ် မီးပုံပွဲ တော်ဟာ အရင်ကထက် ပိုပြီး စည်ကားလာပါတယ်။

မီးပုံပွဲကို ပါဝင်ဆင်နွဲဖူးတဲ့ ကရင်လူငယ် စောကြည်ဝင်းကလည်း သူ့ရဲ့ခံစားချက်ကို အခုလို ပြောပါတယ်။ “အဲဒီမီးပုံပွဲထဲမှာ ကျနော်တို့ တနှစ်မှတခါပဲပေါ့။ ပျော်ကြပါးကြတာပေါ့။ ၀မ်းသာအားရတာပေါ့။ တယောက်နဲ့တယောက် ဆုံတွေ့ကြပြီးတော့ အဲဒီမီးပုံထဲမှာ မီးရှို့တဲ့အချိန်မှာ မကောင်းတဲ့ ကိုယ့်ရဲ့ ယတြာဇာတာတခုခုတော့ အားလုံးပါသွားပြီပေါ့။ ကောင်းတဲ့ဟာ ကျန် တာပေါ့။”
ကရင်လူမျိုးတွေဟာ ဘာသာရေးပွဲတော်၊ ဓလေ့ရိုးရာပွဲတော်တွေ အများကြီးရှိတဲ့အနက် ဒီမီးပုံပွဲတော်ဟာ နောက်ပိုင်းမှာ ပိုး ကရင်၊ စကောကရင် ဗုဒ္ဓဘာသာဝင်တွေသာ အများအားဖြင့် ဆက်လက် လုပ်ဆောင်နေတော့တဲ့အတွက် ဗုဒ္ဓဘာသာပွဲတော် တခုအဖြစ် ခေတ်လူငယ်တွေက သတ်မှတ်လာကြပါတယ်။ တကယ်ဆို ဒီမီးပုံပွဲဟာ ဘာသာမရွေး ဆင်နွဲနိုင်ကြသလို အခြား တိုင်းရင်းသားတွေလည်း ပါဝင်ဆင်နွဲနိုင်တဲ့ ကရင့်ရိုးရာပွဲတော်တခုပဲ ဖြစ်တယ်လို့ ကျုံဒိုးနယ်ခံ ဦးစောမြစိန်က ပြောပြသွားပါ တယ်။

ကိုယ့်ပြည်နယ်ဒေသအတွင်းမှာ နယ်မြေမအေးချမ်းမှုတွေ၊ တိုက်ပွဲတွေ ဘယ်လောက်ပဲ ဖြစ်နေပါစေ ကျုံဒိုးဒေသက ကရင်လူ မျိုးတွေကတော့ ဒီရိုးရာမီးပုံပွဲတော်ကို နှစ်တိုင်း မပျက်မကွက် ပြုလုပ်လေ့ရှိကြပါတယ်။

kic မှ ကိုးကားဖေါ်ပြသည်။

အပြည့်အစုံသို့...

၂၆နှစ်မြောက် KWO နေ့ ကျင်းပပြီးစီး

ဧပြီလ ၅ရက်။ စောခါးစူးညား (ကေအိုင်စီ)

ယနေ့ ဧပြီလ ၅ရက်နေ့၌ ကျရောက်သော ကရင်အမျိုးသမီးအစည်းအရုံး(KWO)၏ ၂၆နှစ်မြောက် တည်ထောင်ခြင်းပြည့် အခမ်းအနားတစ်ခုကို ထိုင်း-မြန်မာနယ်စပ် မဲဆောက်မြို့တနေရာတွင် ကျင်းပခဲ့ရာ လူထုပရိဿတ် ၁၀၀ ၀န်းကျင် တက် ရောက်ခဲ့ကြသည်။
အခမ်းအနားတွင် KWO ဒုဥက္ကဌ နော်ဖောဒေးတိုးမှ အမှာစကား ပြောကြားခြင်း၊ ဥက္ကဌ၏မိန့်ခွန်း၊ အမျိုးသမီးများအဖွဲ့ချုပ် (မြန် မာနိုင်ငံ) WLB ၏ သ၀ဏ်လွှာကို ဖတ်ကြားခြင်း၊ KWO နေ့ ဖြစ်ပေါ်လာပုံနှင့် အဖွဲ့၏ လုပ်ငန်းလှုပ်ရှားမှုများကို ရုပ်သံမှတ် တမ်းဖြင့် တင်ဆက်ပြသခဲ့ကြပြီး လက်ကမ်းစာစောင်များ၊ မဂ္ဂဇင်းနှင့် အစီရင်ခံစာများကို ဖြန့်ဝေထားခဲ့ကြသည်။

အခမ်းအနားတွင် KWO တွဲဘက်အတွင်းရေးမှူး(၁) နော်ဘလူးမင်နိုက်ဇံက ကရင်အမျိုးသမီးများသည် အဖိနှိပ်ခံဘ၀မှ အမျိုး သမီးအခွင့်အရေး ရရှိရေးအတွက် တဖြည်းဖြည်း ကြိုးပမ်းရပ်တည်လာခဲ့ရာ အရေးပါသည့် အခန်းကဏ္ဍသို့ ရောက်ရှိလာပြီဟု ယခုလို ပြောသည်။

“ကျမတို့ အမျိုးသမီးတွေဟာ ဖိနှိပ်ချုပ်ချယ်မှုအောက်ကနေ မလွတ်မြောက်သေးပေမဲ့ ကျမတို့ ကရင်ထဲမှာ အမျိုးသမီးတွေ ဦးဆောင်လာနိုင်မှုတွေ ရှိလာတာကို တွေ့ရတယ်။ ခရိုင်အဆင့်ထဲမှာ၊ ဒုက္ခသည်စခန်းထဲမှာနဲ့ တချို့လည်း နိုင်ငံတကာလှည့် ပြီးတော့ Advocacy ပညာပေးလုပ်ငန်းတွေမှာ အများကြီး ပါဝင်လာနိုင်တာ တွေ့ရတယ်။ ရှေ့လုပ်ငန်းစဉ်ဆိုရင် ကျမတို့အဖွဲ့ ချမှတ်ထားတဲ့ ရည်ရွယ်ချက်နဲ့အတူ (၅)ကြိမ်မြောက် ကွန်ဂရက်မှာ ချမှတ်ထားတဲ့အတိုင်း သွားမှာပါ။”ဟု သူမက ပြောသည်။

KWO အနေဖြင့် ယနေ့ ထုတ်ပြန်ခဲ့သည့် ကြေညာချက်၌ ၂၀၁၀ရွေးကောက်ပွဲနောက်ပိုင်း ဖြစ်ပေါ်လာသည့် စစ်ရေးပဋိပက္ခများ ကြောင့် အမျိုးသမီးနှင့် ကလေးများ ဆင်းရဲဒုက္ခ ရင်ဆိုင်နေရပြီး ကရင်ပြည်နယ်၏ ဒေသများတွင်လည်း စစ်တပ်က အမျိုးသမီး များကို လုပ်အားပေးပေါ်တာအဖြစ် အသုံးပြုမှု၊ အဓမ္မပြုကျင့်မှုများရှိနေပြီး လက်ရှိ လူ့အခွင့်အရေးချိုးဖောက်မှုများမှာလည်း ဆက်လက် ဖြစ်ပျက်နေသည်ဟု ထည့်သွင်းဖော်ပြထားသည်။

မြန်မာပြည်တွင် လူ့အခွင့်အရေးနှင့် ရာဇ၀တ်မှုများ ကျူးလွန်နေသည့် စစ်အုပ်စုသည် ရွေးကောက်ပွဲလွန်ကာလ လွှတ်တော်အ စည်းအဝေး ခေါ်ယူကျင်းပကာ အရပ်သားအစိုးရသစ်ဟူ၍ ရွေးချယ်ဖွဲ့စည်းလိုက်ပြီဖြစ်သော်လည်း အစိုးရသစ်ထဲတွင် အမျိုး သမီးဦးရေနှင့် တိုင်းရင်းသားကိုယ်စားလှယ် အနည်းငယ်မျှသာ ပါဝင်ကာ ကြံ့ဖွတ်ပါတီမှ လွှတ်တော်ကိုယ်စားလှယ်များသာ အစိုးရသစ်အဖွဲ့တွင် ပါဝင်နေခြင်းအပေါ် KWO အနေဖြင့် လက်မခံကြောင်းလည်း ကြေညာချက်တွင် ပါရှိသည်။

၎င်းအပြင် မြန်မာပြည်တွင် ပြည်တွင်းစစ်နှင့် လူ့အခွင့်အရေးချိုးဖောက်မှုများ ချက်ချင်းရပ်တန့်ရေးအတွက် စစ်အာဏာနောက် ခံထားသည့် အစိုးရသစ်အနေဖြင့် လက်တွေ့လုပ်ဆောင်ရန်နှင့် နိုင်ငံတကာ အသိုင်းအ၀ိုင်းမှလည်း အစိုးရသစ်ကို ၀ိုင်းဝန်းဖိ အားပေးပါရန် KWOမှ တိုက်တွန်းထားသည်။

နော်ဘလူးမင်းနိုက်ဇန်က “အခု အစိုးရသစ်နဲ့ပတ်သက်ပြီး ပြောချင်တာကတော့ လူပဲပြောင်းတာ မူကတော့ အရင်အတိုင်းပဲ သွားမှာပဲ။ ကျမတို့ တိုင်းရင်းသူအမျိုးသမီးအပေါ်မှာလည်း အရင်ကလို သတ်ဖြတ်မှု၊ မုဒိမ်းကျင့်မှု၊ လုပ်အားပေးခိုင်းစေမှုစတဲ့ လူ့အခွင့်အရေးချိုးဖောက်မှုတွေ ဆက်လက်ကျူးလွန်အုံးမယ်။ ဒါတွေက ရပ်တန့်ဖို့လိုနေပြီ။”ဟု ပြောဆိုသည်။

ကရင်အမျိုးသမီးများအတွက် စွမ်းရည်မြှင့်တင်ရေးလုပ်ငန်းများ၊ အမျိုးသမီးနှင့် ကလေးသူငယ် အခွင့်အရေး ချိုးဖောက်ခံရမှု များ ပပျောက်စေရန်အတွက် လုပ်ဆောင်ပေးနေသည့် ကရင်အမျိုးသမီးအစည်းအရုံး(KWO)ကို ဖားအံခရိုင်အတွင်းရှိ ကေအဲန် ယူ ဌာနချုပ်ဟောင်း မာနယ်ပလောတွင် ၁၉၈၅ခုနှစ်က ဖွဲ့စည်းတည်ထောင်ခဲ့သည်။

kic သတင်းမှ ကိုးကားဖေါ်ပြထားသည်။

အပြည့်အစုံသို့...