ဇွဲကပင်တောင် ကရင်မောင်နှမ အကြောင်းတစေ့တစောင်း(အပိုင်း ၁)

ဇွဲကပင်တောင်ပေါ်သို့ အနောက်ဘက်တော်ပုံလမ်းမှ တက်လျှင် အထက်ရေတံခွန်စခန်းအလွန်၌ စံစေ့ဖိုးနှင့် နန်မူးဖါန်တို့ စံပျော်ရာ ဓာတ်နန်းရှင် မောင်နှမစခန်းသို့ ရောက်သည်။ ယခုတွေ့မြင်ရသော ဓာတ်နန်းရှင်စခန်းမှာ လွန်ခဲ့သော နှစ်ပေါင်း(၅၀)ခန့်က နောင်းအိမ်ဆိုင်ဆရာတော် ဦးကေတု ဦးဆောင်တည်ဆောက်ခဲ့ခြင်းဖြစ်သည်။ ဇွဲကပင်ဆရာတော် ဦးက၀ိဓဇက ဘုရားဖူးများ အပန်းအဖြစခန်းလည်းဖြစ်၊ သတိရ အောက်မေ့ရာလည်းဖြစ်အောင် ထပ်မံမွမ်းမံခဲ့ခြင်းဖြစ်ပါသည်။ လွမ်းဆွတ်ကြေကွဲဖွယ်ရာ၊ ကြည်နူးပျော်ဖွယ်ရာတို့ ရောပြွမ်းနေသော ဒေသခံတိုင်းရင်းသားများ သိနေကြသည့် ဓာတ်နန်းရှင်နေ မောင်နှမတို့အဖြစ်ကား ကရုဏာသက်စရာကောင်းလှပေတော့သည်။ အထက်ရေတံခွန်စခန်း တောင်စောင်းရှိ တောင်ယာခင်းထဲတွင် သန်မာထွားကျိုင်းသော အမျိုးသားကြီးတစ်ဦးနှင့် လူမမည်ကလေးငယ်နှစ်ယောက် နေပူကို အံတုကာ သီချင်းတကြော်ကြော်ဖြင့် တောင်ယာတွင် မြက်နုတ်နေကြသည်။ အေးမြသောလေနှင့် စိမ်းစိုသောအသီးအပွင့်များကြားဝယ် မပီကလာ ပီကလာ သီချင်းသံလေးက ကြည်နူးစရာထက် သနားစရာပင်ကောင်းနေပေသည်။ သူတို့၏တက်ကြွသော ဟန်ပန်များကလည်း ရင်တွင်းအပျော်ကို ဖုံးကွယ်၍မရနိုင်။ မပျော်ခံနိုင်ရိုးလား၊ စ၀်ဖါ့သန့်(သိုင့်)တစ်ယောက် မကြာခင်မှာပင် ရှင်းလောင်းအဖေ ဖြစ်တော့မည်။ ရှင်သာမဏေ၏ဖခင် ဖြစ်ရဦးတော့မည်။ ဇနီးဖြစ်သူ နန်ဖေါ့ယာ့သည်လည်း မိမိကဲသို့ပင် ပျော်ရွှင်ကြည်းနူးရဦးမည်။ အနှစ်နှစ်အလလက ခြိုးခြံချွေတာပြီး ရိုးရိုးသားသား ကြိုးစားစုဆောင်းခဲ့သမျှ သားကလေးရှင်သာမဏေလောင်းဖြစ်ဖို့ စိတ်တူကိုယ်တူ အလှူကြီးပေးကြရတော့သည်။ စ၀်ဖါ့သန့်(သိုင့်)နှင့်နန်ဖေါ့ယာ့တို့ သားရှင်ပြုပွဲကြီးကို ကူညီဖို့ ရွာကလည်းမျှော်နေကြပြီ။ ထို့ကြောင့်လည်း ယခုနှစ်မှာ ပို၍ ကြိုးစားကြရင်း သားလေး စံစေ့ဖိုးနှင့် သမီးလေး နန်မူးဖါန်တို့ခမျာလည်း ကြည်နူးစိတ်ဖြင့် အဖေသွားရာနောက်က တကောက်ကောက်လိုက်ရင်း နိုင်သရွေ့ ကူညီနေကြရှာသည်။ ရခဲသောလူ့ဘ၀မှာ ပြုနိုင်ခဲ့သည့် သာသနာ့အမွေ ဆက်ခံခြင်းအမှုကို စ၀်ဖါသန့်(သိုင့်)နှင့် နန်ဖေါ့ယာ့တို့ ပြုကြရတော့သည်။ “အဖေ ညီမလေး ဆာလှပြီတဲ့” မြင့်တက်လာသော နေပူကို သမီးလေးနန်မူးဖါန်က ကြံ့ကြံ့ခံနိုင်ပုံက မရရှာ၊ အစ်ကိုဖြစ်သူကို ပူဆာသဖြင့် အစ်ကိုက အဖေ့ကို လှမ်းပြောလိုက်သည်။ “အေးလေ …. ထမင်းစားကြတာပေါ့၊ သွားကြ သွားကြ တဲထဲကိုသွားကြ” မောင်နှမနှစ်ယောက် ယာထဲဆီပြေးကာ တက်ကြသည်။ ထမင်းထုပ်တွေ ဖြေပြီး ပြင်ရင်း အဖေ့ကို စောင့်ကြသည်။ ခရုပီလော၊ နေရာနှောဖုံဖုံ၊ သီးရွက်စုံဟင်းတို့က ဆာလောင်မှုကို အားဖြည့်နေကြသည်။ “ညီမလေးကလဲကွာ၊ အဖေ့ကို စောင့်ဦးမှာပေါ့” အစ်ကိုဖြစ်သူက သတိပေးနေသည့်ကြားမှ နှမငယ်လေးမှာ ဂနာမငြိမ် ဖြစ်နေသည်။ အဖေက တဲပေါ်သို့တက်လာပြီး သားနှင့်သမီးကို ပြုံးရွှင်စွာ ကြည့်သည်။ ထမင်းဟင်းတွေကို ကြည့်သည်။ ပြီးတော့ သောက်ရေအိုးဖုံးကို ဖွင့်သည်။ “ဟာ … သားနဲ့သမီး ခဏနေဦး၊ အဖေ ရေသွားခပ်ဦးမယ်၊ တို့စရာ မြှုပ်စရာလေးလဲ ရှာရင်းပေါ့၊ ခဏနော် မကြာပါဘူးကွယ်” ပြောပြောဆိုဆိုဖြင့် ၀ါးကျည်တောက်လေးကို ဆွဲကာ စမ်းချောင်းဆီသို့ အဖေထွက်သွားသည်။ ဆာလောင်နေသော နှမလေးကို အစ်ကိုက နှစ်သိမ့်ရင်း ကျန်ရစ်ခဲ့သည်။ ဖခင်ထွက်သွား၍ မကြာခင်မှာပင် တောင်ကြားဆီမှ မပီမသ ခေါ်သံလိုလို ကြားမိကြသည်။ အသံမှာ တုန်ရင်လှိုက်လှဲနေသည်မို့ တွေးရ ကြပ်သွားသည်။ ဝေဒနာခံစားနေရသူ၏ ညည်းညူသံလိုလို “သားတို့ သမီးတို့ရေ” ခေါ်သံက ဖခင်အသံတည်း။ သဲကွဲသေချာသွားပြီဆိုတော့ ရုတ်တရက် ၀င်လာသော ပူပန်မှုစိတ်နှင့်အတူ ဖခင်ရှိရာသို့ မောင်နှမနှစ်ယောက် ၀ုန်းခနဲ ခုန်ဆင်းကာ အူးယားဖားယား ပြေးလာခဲ့ကြသည်။ ဆာလောင်သောစိတ်က ပျောက်သွားသည်။ တောင်ယာတဲနှင့် မလှမ်းမကမ်းရှိ ရေခပ်နေကျ စမ်းချောင်းအနီးတွင် လဲကျနေသောဖခင်ကို တွေ့လိုက်ကြရသည်။ စိုးရိမ်ကဲသောရင်ကို ဖိ၍ ဖခင်ကို ပြေးပွေ့ကြသည်။ အော်လို့လည်းမကြား၊ ခေါ်လို့လည်းမထူးတော့။ လည်ပင်းတွင် သွေးတွေက မြင်မကောင်းအောင် စီးကျနေသည်။ အခြေအနေကို ကြည့်ရုံနှင့် မောင်နှမနှစ်ယောက် သိလိုက်ကြသည်။ အဖေ ကျားကိုက်ခံလိုက်ရချေပြီ။ မချိတင်ကဲ ၀မ်းနည်းစွာ အော်ဟစ်ငိုယိုသောအသံလေးများ မြိုင်ယံမှာ ပဲ့တင်ထပ်ခဲ့ချေပြီ။ နောက်ဆုံးတွင် ဖခင်အလောင်းကို ထားခဲ့၍ ရွာထဲက အိမ်မှာ ကျန်ရစ်သောမိခင်ဆီ ဒရောသောပြေးသွားပြီး အကြောင်းစုံကို ပြောပြကြရတော့သည်။ မိခင်ဖြစ်သူ နန်ဖေါ့ယာ့ခမျာ နားရှိလို့သာကြားရသည်။ သိပ်မယုံချင်၊ သို့သော် ရှိုက်ကြီးတငင်ပြောနေသော သားနှင့်သမီးကို ကြည့်ပြီး ယုံခဲ့ရတော့သည်။ အားကိုးအားထားပြုရာ အိမ်ဦးသခင်ချစ်လင်သည် သံယောဇဉ်ပန်းကလေးနှစ်ပွင့်ကို တင့်တယ်အောင်ပင် လုပ်မပေးသွားခဲ့တော့ဘဲ လောကအလယ်မှာ ထားရစ်ခဲ့ချေပြီ။ နှလုံးသားတို့ ကြွေမွမတတ်ခံစားရသည်။ အသိစိတ်တွေ လွင့်ပါးပျောက်ပျက်ကုန်ပြီလား။ သားသမီးတို့ကို သာသနာ့ဘောင်မှာ သွတ်သွင်းဖို့ ကြိုးပမ်းနေတဲ့ သူတော်ကောင်းကြီးကို သမ္မာဒေ၀နတ်အပေါင်း ကယ်ရကောင်းမှန်းမသိတော့ဘူးလား။ ဘယ်လို နတ်ဆိုးမိစ္ဆာများက ရန်ငြိုးစွက်ဖက် ရက်စက်လိုက်ပါလိမ့်။ မိခင် နန်ဖေါ့ယာ့တစ်ယောက် သတိပျောက်ချုပ် ကျောက်ရုပ်ဘ၀မှာ ရင်နာကြေကွဲ မျက်ရည်ရွဲပြီး မြေမှာ ဗုန်းဗုန်းလဲသွားတော့လေသည်။ လူမမယ် မောင်နှမနှစ်ယောက်၏ ငိုသံကား တစ်ရွာလုံးကို လွှမ်းခြုံသွားခဲ့သည်။ လောကတံတွာ ဓမ္မတာ သမုဒ္ဒရာ ဂင်္ဂါအတွက် သူကောငါပါ အတူတူ ရုန်းကန်နေကြရချိန်တွင် အငှားပူကို အများသူငါက ကြာရှည်စွာ မျှယူနိုင်ပါ့မလား။ ဒီလိုယူလို့ကော အပူက ငြိမ်းအေးရိုးထုံးစံ ရှိပါသလား။ အဖေမရှိသော အိမ်ထောင်တစ်ခုမှာ စနစ်ကျနမှု၊ ဝေဆာစိုပြည်မှုဆိုတာ မြဲမြံရိုးထုံးစံကလည်း မရှိနိုင်။ ဖြစ်စေတုန်းကတော့ သောကပူ၊ မောဟပူတွေကြောင့် ချစ်လင်ထားခဲ့သည့် သံယောဇဉ်လေးတွေနဲ့ တောင်ယာစိုက်ခင်းက ဆက်လက်ဝေဆာအောင် ကြိုးပမ်းရင်း လောကဓံကို မတုန်မလှုပ် ရင်ဆိုင်လိုက်မည်ဟု နန်ဖေါ့ယာ့ သတ္တိတွေမွေးခဲ့သည်။ လင်ကို အလွမ်းပြေစရာ သားသမီးတွေရှိသည်ပဲဟု ဖြေခဲ့သည်။ သားကိုသခင်၊ လင်ကို ဘုရားပမာထားပြီး သမီးအတူ ကူဖော်လောင်ဖက် လက်ရုံးတစ်ဖက်ဟု သွေးနားထင်ရောက်ခဲ့သည်။ တကယ်တမ်း ရင်ဆိုင်လာရပြီဆိုတော့ သွားလေသူ ချစ်လင်တာဝန်တွေ၊ တန်ဖိုးတွေ၊ အကျိုးကျေးဇူးတွေကို မိမိအနေဖြင့် အကုန်အစင် မကျေပွန်နိုင်ကြောင်း ဖြည်းဖြည်းချင်း သိလာခဲ့ရသည်။ ဇွဲကပင် ဆံင်တော်ရှင်သမိုင်းစာအုပ်မှ ကောက်နှုတ်ဖေါ်ပြထားသည်။ (ဆက်လက်ဖေါ်ပြပါမည်) ဖါးစည်သံ