လူသားဆန်မှုနှင့် ယနေ့ကမ္ဘာ

ယနေ့မျက်မှောက်ကာလ ကမ္ဘာ့ပေါ်ရှိ နိုင်ငံတိုင်းမှ ပြည်သူများ အတောင့်တဆုံးနှင့် အလိုအပ်ဆုံး အရာကား လူသားဆန်စွာ၊ လူပီသစွာ သက်ရှင် နေထိုင်ရေးပင် ဖြစ်သည်။ သို့သော်လည်း လူအများစုကြီး၏ ဆန္ဒကား မပြည့်ဝသေး။ နေရာများစွာတွင် ငြင်းဆန်ခံနေရဆဲ ဖြစ်သည်။ အချို့နေရာများတွင် လူသားတို့အား မျိုးတုံး သတ်ဖြတ်နေသည်ကိုပင် အထင်အရှား တွေ့မြင်နေရသည်။ အိရှီ ဆိုသည့်ဂျပန်လူငယ်လေးသည် တိုကျိုမြို့ အရှေ့ဖက် အရပ်ဒေသမှ ချမ်းသာသော မြေပိုင်ရှင် တဦး၏ သားဖြစ်သည်။ သူသည် ငယ်စဉ်ကတည်းက စာတော်သော ကျောင်းသားတဦး ဖြစ်သည့် အားလျော်စွာ အထက်တန်း အောင်မြင်ပြီးနောက် တိုကျိုဆေးတက္ကသိုလ်သို့ ၀င်ခွင့်ရခဲ့သည်။ သူ၏ ရည်ရွယ်ချက်မှာ ဆရာဝန်ဖြစ်ပြီးသည်နှင့် လူနာတို့၏ အသက်ကို ကယ်တင်ဖို့ရန် ဖြစ်သည်။ အိရှီ အထူးဝါသနာထုံသော ဘာသာရပ်ကတော့ ဇီဝပိုးမွှားများကို လေ့လာခြင်းပင် ဖြစ်သည်။ သို့သော် မည်သည့် အကြောင်းအရင်းက သူ့ကို စေ့ဆော်လိုက်သည်မသိ၊ ဆရာဝန် ဖြစ်လာပြီးနောက် ဂျပန်တပ်မတော်သို့ ၀င်ရောက်အမှုထမ်းခဲ့သည်။ ထို့နောက် ဂျပန်တပ်မတော်မှ သူ့အား ၁၉၂၈ခုနှစ်တွင် ဂျာမနီနိုင်ငံတွင် ဇီဝပိုးမွှားဆိုင်ရာ ဘာသာရပ်များ လေ့လာရန် အတွက် စေလွှတ်ခဲ့သည်။ သည့်နောက် ပထမကမ္ဘာစစ်အတွင်းက ဂျာမန်တပ်မတော်အသုံးပြုခဲ့သည့်အဆိပ်ငွေ့ ဓါတုလက်နက်များ အကြောင်း အထူးပြု လေ့လာခဲ့သည်။ နောင်တွင် သူသည် ဂျပန်တပ်မတော်အတွင်း၌ ဗိုလ်ချုပ် အဆင့်အထိ ရာထူး တိုးတက်လာခဲ့သည်။ ဂျပန်အစိုးရက သူ့အား ထိုအချိန်ကဂျပန်တို့ သိမ်းပိုက်ထားသော တရုတ်ပြည် မန်ချူးကိုး ဒေသအတွင်းရှိ ဟာဘင်ဆိုသောအရပ်၌ ပိုးမွှားလက်နက်များ တီထွင်စမ်းသပ်ရန်အတွက် ဌာနတခုဖွင့်လှစ် လုပ်ကိုင်စေခဲ့သည်။ ၁၉၄၁ ဒီဇင်ဘာလတွင် ဂျပန်တို့ပုလဲဆိပ်ကမ်းကို အငိုက်ဖမ်းဗုံးကြဲတိုက်ခိုက်ခြင်းကြောင့် အမေရိကန်တို့ ဒုတိယ ကမ္ဘာစစ် အတွင်းဝင် ရောက်လာခဲ့သည်။ ဂျပန်တို့ကို လက်တုံ့ပြန်ရန်အတွက် ၁၉၄၂ ခုနှစ်ဆန်းပိုင်းလောက်တွင် အမေရိကန် လေတပ်မှ ဂျပန်ကုန်းမြေကို ပထမဆုံး အကြိမ် စတင် ဗုံးကြဲတိုက်ခိုက်သည်။ သို့သော် အမေရိကန် လေယာဉ်များသည် သူတို့ မူလထွက်ခွါလာသည့် အခြေခံစခန်းသို့ ပြန်ရန် ဝေးလွန်းပြီး လေယာဉ်များအတွက် ဆီမလုံလောက်သောကြောင့် အမေရိကန်နှင့် မဟာမိတ်ဖြစ်သော ချန်ကေရှိတ်၏ တရုတ်တပ်မတော်မှ စိုးမိုးထားသော တရုတ်ပြည်အတွင်း အချို့နေရာများသို့ ဆင်းသက်ခဲ့ရသည်။ ဂျပန်ပြည် ဗုံးအကြဲခံရသည့်အတွက် ဂျပန်အစိုးရ ယမ်းပုံမီးကျဖြစ်ကာ အမေရိကန်တို့ကို လက်တုံ့ပြန်ရန် ချက်ခြင်း ပြင်ဆင်ခဲ့သည်။ သို့သော် အမေရိကန် ကုန်းမြေအထိ သွားရောက်ဗုံးကြဲ ရမည့် ခရီးကား အသွားအပြန် မိုင်ပေါင်း (၁၈, ၀၀၀) ကျော်ရှိသည့်အတွက် ထိုခေတ်က ဂျပန်လေယာဉ်များ အတွက် ဝေးလွန်းလှသည်။ မဖြစ်နိုင်။ ထို့အတွက် အမေရိကန် လေယာဉ်များကို ဆင်းသက်ခွင့်ပေးသော ချန်ကေရှိတ် အစိုးရကို လက်တုံ့ပြန်ရန် ဆုံးဖြတ်လိုက်သည်။ ရိုးရိုး လက်တုံ့ပြန်ခြင်း မဟုတ်။ တချက်ခုတ် နှစ်ချက်ပြတ် ဆိုသလို ဗိုလ်ချုပ်အိရှီ တီထွင်ထားသော ပိုးမွှားဗုံးများကိုလည်း စမ်းသပ်သည့်အနေဖြင့် မန်းချူးကိုးဒေသ တနေရာတွင် ကြဲချလိုက်သည်။ ထိုဗုံးကြဲလေယာဉ်အုပ်စု သည် ဗိုလ်ချုပ်အိရှီ၏ တိုက်ရိုက်ကွပ်ကဲမှု အောက်တွင် ရှိသည်။ အဆိုပါ ပိုးမွှားဗုံးများမှ ကာလ၀မ်း၊ အသဲရောင် အသားဝါ၊ ပုလိပ်ရောဂါ၊ တိုက်ဖွိုက်ရောဂါ အစရှိသည့် ပိုးမွှားများကြောင့် တရုတ်ပြည်သူ (၂၅၀, ၀၀၀) ကျော် သေဆုံးခဲ့ရသည်။ အဆိုပါ ပိုးမွှားလက်နက်ကြောင့် သေဆုံးခဲ့ရသော တရုတ်ပြည်သူတို့၏ သားမြေးများမှ ဂျပန်အစိုးရအား လျော်ကြေးပေးရန် ယနေ့အထိတိုင် တောင်းဆို တိုက်ပွဲဝင်နေဆဲ ဖြစ်သည်။ ထို့အပြင် ဂျပန်စစ်ဝါဒီတို့သည် ကလေးများနှင့် အမျိုးသမီးများ အပါအ၀င် တရုတ်ပြည်သူများကို သိန်းနှင့်ချီ၍ သတ်ဖြတ်ခဲ့သော ၁၉၃၇ ဒီဇင်ဘာလအတွင်းက နန်ကင်းလူသတ်ပွဲအား တရုတ်ပြည်သူတို့ မမေ့သေး။ ဂျပန်စစ်ဝါဒီတို့၏ လက်ချက်ဖြင့် ဒုတိယကမ္ဘာစစ် မတိုင်ခင်နှင့် စစ်ကြီးအတွင်း သေဆုံးခဲ့ရသော တရုတ်ပြည်သူများ၏ အရေအတွက်ကား သန်းပေါင်း (၂၀) ကျော် ရှိခဲ့သည်။ ဂျပန်စစ်ဝါဒီတို့ တရုတ်ပြည်တွင် ထင်တိုင်းကြဲနေသည်ကို ထိုအချိန်က ယဉ်ကျေးပါသည်ဆိုသော အနောက်တိုင်း အစိုးရများမှ သည်အတိုင်း လက်ပိုက် ကြည့်နေခဲ့ကြသည်။ အဘယ်ကြောင့်ဆိုသော် ထိုနိုင်ငံများ အားလုံးကသူတို့ ကိုယ်တိုင် တရုတ်ပြည်မြေကြီးပေါ်တွင် ကိုယ်ထိလက်ရောက် စစ်မခင်းကြသော်လည်း တရုတ်ပြည်ဆိုသည့် အသားတုံးကြီးအား တောခွေးများကဲ့သို့ ရသည့်ဖက်မှ ၀င်ဆွဲမည် ဆိုသော စိတ်ကူးရှိနေသော ကြောင့်ပင် ဖြစ်သည်။ စစ်ကြီးအပြီးတွင် ဂျပန်စစ်အစိုးရအတွင်းရှိ တာဝန်ရှိသူများအား စစ်ကြီးအတွင်း နေရာများစွာတွင် လူသားမျိုးနွယ်တို့ အပေါ် ကျူးလွန်ခဲ့သည့် ရာဇ၀တ်မှုများအတွက် မဟာမိတ်ခုံရုံးမှ သေဒဏ်နှင့် ထောင်ဒဏ်များ အသီးသီး ချမှတ်ခဲ့သည်။ သို့သော် ထိုအထဲတွင် ဗိုလ်ချုပ်အိရှီမပါ။ မပါသည့်အပြင် သူ့အား စစ်ပြီးကာလ အမေရိကန်ပိုးမွှား လက်နက် သုတေသန လုပ်ငန်းတွင် အထူးအကြံပေး အရာရှိအဖြစ် ခန့်ထားခဲ့သည်။ ၁၉၅၇ ခုနှစ်တွင် ဗိုလ်ချုပ်အိရှီ ကွယ်လွန်သည်။ အကျိုးစီးပွါး နှင့် ပတ်သက်လာသော အခါလူသားဆန်မှုကို ချိုးဖေါက်ခဲ့သည့်၊ လူသားတို့အပေါ် ရာဇ၀တ်မှုကြီးများ ကျူးလွန်ခဲ့သည့် အချို့ ရာဇ၀တ်ကောင်များ သည်ပင်လျှင် အကာကွယ်ပေးခြင်း ခံခဲ့ရသည်။ နိုင်ငံတကာ သတင်းမီဒီယာများမှ စစ်ကြီးအပြီး နှစ်ပေါင်းများစွာ အကြာတွင် ဂျပန်စစ်ပြန်ကြီးများနှင့် တွေ့ဆုံမေးမြန်းမှု များ ပြုလုပ်ခဲ့သည်။ အကြောင်းကတော့ ဂျပန်တို့ဘာကြောင့် စစ်ရှုံးခဲ့ရသနည်း။ ဂျပန်စစ်ပြန်ကြီးတို့၏ အဖြေများတွင် ဂျပန်နိုင်ငံစစ်ရှုံးရခြင်း အကြောင်းသည် အချက်အလက်ပေါင်းများစွာ အပေါ်တွင် အမှီပြု၍ ပြောရမည်ဟု ဆိုသည်။ သို့သော် ထိုအထဲတွင် အရေးကြီးဆုံး အချက်ကတော့ ထိုအချိန်က ဂျပန်အစိုးရသည် လူသားဆန်မှု ကင်းမဲ့ခဲ့ကြသည်ဟု ဖြေဆိုခဲ့ကြသည်။ ထိုအချက်သည် ဂျပန်တို့ဘာ့ကြောင့် စစ်ရှုံးခဲ့ရသည်ဆိုသည့် အချက်ပေါင်းမြောက်များစွာထဲမှ အရေးအကြီးဆုံး အချက်ဟုလည်း တင်ပြခဲ့ကြသည်။ လူသားဆန်မှု ကင်းမဲ့သောစိတ်သည် ဖက်ဆစ်စနစ်နှင့် စစ်ဝါဒီ လုပ်ရပ်တို့ကြောင့် ပေါ်ပေါက် ကြီးထွားလာခဲ့ရသည်ဟုလည်း ထိုစစ်ပြန်ကြီးများမှ ဖြေကြားခဲ့ကြသည်။ လူသားဆန်မှု ကင်းမဲ့သည့်လုပ်ရပ်များကို လူ့ယဉ်ကျေးမှု စတင် ပေါ်ပေါက်လာသည့် နှစ်ထောင်ပေါင်းများစွာ ကတည်းက တောက်လျှောက် တွေ့ကြုံလာခဲ့ရသည်။ မိမိအနိုင်ရလိုမှု၊ ပိုင်စိုးလိုမှု၊ ကြီးကျယ်မြင့်မြတ်လိုမှုနှင့် ကြွယ်ဝချမ်းသာမှုတို့ အတွက် အင်အားနည်းသူများ နှိပ်ကွပ်ခံလာခဲ့ကြရသည်မှာလည်း ကနေ့အထိပင်ဖြစ်သည်။ တချိန်က သြစတေးလျတိုက်တွင် ဒေသခံ အဘော်ရီးဂျင်းများသည် လူဖြူတို့၏ တိရိစ္ဆာန်ကဲ့သို့ အမဲလိုက်၍ သတ်ဖြတ်ခြင်းကို ခံခဲ့ရသည်မှာ အမြောက်အများ။ အဘော်ရီးဂျင်း ကလေးများအား မိခင်တို့ရင်ခွင်ထဲမှ လုယူ၍ လူဖြူတို့ စာပေ၊ ယာဉ်ကျေးမှု၊ ဘာသာစကား၊ ကိုးကွယ်မှုတို့အတိုင်း ဖြစ်လာစေရန် လေ့ကျင့်ရေး စခန်းများသို့ ပို့ခဲ့သည်။ ဤသည်များလည်း လူသားဆန်မှုကို ချိုးဖေါက်သော ရာဇ၀တ်မှုများဖြစ်သည်။ သို့သော် သြစတေးလျ လူဖြူအစိုးရအတွင်း ထို့အတွက် တာဝန်ရှိသူ မည်သူတဦးတယောက်မှ အပစ်ပေး အရေးယူခြင်း မခံခဲ့ရ။ တကယ်တော့ သူတို့သည် လူဖြူများ သြစတေးလျတိုက်သို့ လာရောက်အခြေမချခင် နှစ်ထောင်ပေါင်းများစွာ ကတည်းက ရှိနှင့်နေပြီးသော ဒေသခံစစ်စစ်များ ဖြစ်သည်။ သို့သာ် ဒေသခံအဘော်ရီးဂျင်းများသည် ၁၉၆၀ ခုနှစ်များ နှောင်းပိုင်းလောက် အထိမြေယာပိုင်ဆိုင်ခွင့်နှင့် မဲပေးပိုင်ခွင့်မရှိခဲ့။ သြစတေးလျနိုင်ငံသည် ချမ်းသာကြွယ်ဝသော နိုင်ငံဖြစ်သော်လည်း အဘော်ရီးဂျင်းများ သည် ယနေ့အထိ ဆင်းရဲသော၊ ပညာမဲ့သော လူအုပ်စုများသာ ဖြစ်နေသေးသည်။ အမေရိကတိုက်ကို ဥရောပမှလူဖြူများ လာရောက်အခြေချ နေထိုင်ခဲ့ပြီး နောက်ပိုင်း ဒေသခံ ရက်အင်ဒီးယန်းအုပ်စုများ မျိုးတုံး သတ်ဖြတ်ခံခဲ့ရသည်။ ထိုအထဲတွင် ထင်ရှားသော ဖြစ်ရပ်တခုမှာ ရှာရိုးခီးဆိုသည့် ဒေသခံ ရက်အင်ဒီးယန်း အုပ်စုသည် အမေရိကန်စစ်တပ်နှင့် တိုက်ပွဲ အကြိမ်ကြိမ် ဖြစ်ပြီးနောက် ကနေဒါနိုင်ငံနှင့် နယ်စပ်ခြင်း ထိစပ်နေသည့် မြောက်ဖက်ပိုင်းသို့ ထွက်ပြေးဆုတ်ခွါလာခဲ့ရသည်။ ထိုကာလများအတွင်း ကလေးနှင့်အမျိုးသမီးများ အပါအ၀င် အစုလိုက် အပြုံလိုက် အသတ်ခံခဲ့ရသော ရှာရိုးခီးလူဦးရေမှာ (၃၀, ၀၀၀) ကျော်ရှိခဲ့သည်။ အချို့သေးငယ်သော ရက်အင်ဒီးယန်း အုပ်စုများ ဆိုလျှင် ထိုမြေကြီးမှ လုံးဝ ပျောက်ကွယ်သွားခဲ့ကြရသည်။ ခရိုင်စလာ မော်တော်ကား ကုမ္ပဏီမှ ရှာရိုးခီး ဆိုသော နာမည်ဖြင့်ခေတ်မှီ ဂျစ်ကားများ ထုတ်လုပ်၍ ကမ္ဘာတ၀ှမ်းတွင် ရောင်းချနေသည်။ သတ်ဖြတ်ခံခဲ့ရသော ရှာရိုးခီးများကို အမှတ်ရ အောက်မေ့ဂုဏ်ပြုသောအားဖြင့် ထိုအမည်ကို ကင်ပွန်းတပ်ခြင်းဖြစ်သည် ဟုလည်း တချို့က ဆိုကြသည်။ နောက်ကြခဲ့ပြီ ဟုသာဆိုခြင်တော့သည်။ ဂျပန်နိုင်ငံကို သိမ်းပိုက်ရန် ၀င်ရောက်လာသော အမေရိကန်စစ်တပ်များသည် တောင်ဖက်ပိုင်းရှိ အိုကီနာဝါကျွန်းစုကို အရင် တိုက်ခိုက်သိမ်းပိုက်ရသည်။ အမေရိကန်စစ်သား အမြောက်အများကျဆုံးခဲ့၍ အိုကီနာဝါကျွန်းသားနှင့်ဂျပန် စစ်သားများလည်း အများအပြား သေကြေခဲ့ရသည်။ ဂျပန်ကျွန်းမကြီးကို ဆက်လက်သိမ်းပိုက်မည်ဆိုလျင် အမေရိကန် စစ်သားများ သိန်းနှင့်ချီ၍ သေဆုံးနိုင်သလို ဂျပန်အရပ်သူ အရပ်သားများလည်း သန်းဂဏန်းမျှ သေကြေကြလိမ့်မည်ဟု အမေရိကန် အစိုးရမှ တွက်ချက်သည်ဟု ဆိုသည်။ ထို့အတွက် သန်းဂဏန်း လူဦးရေသေကြေမှုကို ရှောင်လွှဲနိုင်၍ စစ်ကြီး အမြန် အဆုံးသတ်နိုင်ရေးအတွက် အနုမြူဗုံးများကို ဟီရိုရှီးမားနှင့် နာဂါစကီမြို့များ ပေါ်သို့ ကြဲချခဲ့ရသည်ဟု အမေရိကန် အစိုးရမှ ဆင်ခြေပေးခဲ့သည်။ ဤသည်လည်း လူသားဆန်မှုကို ချိုးဖေါက်ခြင်းဟု မဆိုနိုင်သလော။ ကိုရီးယားကျွန်းဆွယ်တွင် ဖြစ်ခဲ့သော စစ်ပွဲများ၊ ဗီယက်နမ်နိုင်ငံအပါအ၀င် အင်ဒိုချိုင်းနားဒေသတွင် ဖြစ်ပွါးခဲ့သော စစ်ပွဲများတွင် အမေရိကန်အစိုးရ၏ သြဇာတည်ဆောက်လိုမှု လောဘကြောင့် ထိုနိုင်ငံရှိပြည်သူများ အတုံးအရုံး သေကြေ ခဲ့ရသည်မှာ နှစ်သိပ်မကြာသေး။ ၁၉၇၅ ခုနှစ်တွင် ဗီယက်နမ်စစ်ပွဲကြီး ပြီးဆုံးခဲ့သည်။ တရားဝင်စာရင်းများအရ စစ်ကြီး အတွင်း သေဆုံးခဲ့ရသော ဗီယက်နမ်လူမျိုး တသန်းကျော် ရှိခဲ့သည်။ သို့သော် ပျောက်ဆုံး စာရင်းဝင် ဗီယက်နမ်လူမျိုး အရေ အတွက်ကား (၃) သန်း ရှိသည်။ ဗီယက်နမ်ပြည်သူ (၄) သန်းကျော် အသက်ဆုံးရှုံးခဲ့ရသည်။ ဒုတိယကမ္ဘာစစ်အတွင်းက ဟစ်တလာ၏ နာဇီတပ်ဖွဲ့များက ဂျူးလူမျိုး (၆) သန်းကျော်ကို သတ်ဖြတ်ခဲ့သည်။ သည် အဖြစ်အပျက်ကတော့ အများသိကြသည်။ ပိုလန်လူမျိုးများ၊ ဂျပ်ပစီဟု သတ်မှတ်ခံရသော ရိုမေးနီးယန်းမှ အုပ်စုများ၊ ဟန်ဂေရီ လူမျိုးများနှင့် နာဇီတို့သိမ်းပိုက်ထားသော အခြားနိုင်ငံများမှ လူမျိုးများလည်း အထောင်အသောင်းနှင့် ချီ၍ သတ်ဖြတ်ခံခဲ့ကြရတာက လူသိပ်မသိ။ ထိုထက်မက တိုက်ပွဲတွင် ဖမ်းဆီးခံရသော စစ်သုံ့ပန်းများလည်း သောင်းနှင့်ချီ၍ အသတ်ခံ ခဲ့ကြရသည်။ လူသားဆန်မှုကို ချိုးဖေါက်သော၊ လူသားမျိုးနွယ်တို့ အပေါ်ကျူးလွန်ခဲ့သော ရာဇ၀တ်မှုကြီးများ ဖြစ်သည်။ ထို့အပြင် လူသားဆန်မှု ကင်းမဲ့သော ဖက်ဆစ်တပ်များ၏ ကျူးကျော်မှု အကျိုးဆက်အဖြစ် ရုရှားလူမျိုး သန်းနှင့်ချီ၍ သေဆုံးခဲ့ရသည်။ ၁၉၄၁ တွင်ရုရှားနိုင်ငံကို ဟစ်တလာ၏ ဂျာမန်စစ်တပ်များ စတင် ကျူးကျော်ခဲ့သည်။ ၁၉၄၅ စစ်ကြီး ပြီးဆုံးခဲ့သည်။ ထိုကာလများအတွင်း တိုက်ပွဲတွင် ကျဆုံးသော၊ ဒဏ်ရာအနာတရ ဖြစ်၍ သေဆုံးသော၊ ငတ်မွတ်၍ ကွယ်လွန်ခဲ့သော၊ အစုလိုက်အပြုံလိုက် အသတ်ခံခဲ့ရသော၊ ဂျာမန်တို့၏ အလုပ် အကျဉ်းစခန်းများတွင် ပင်ပန်းဆင်းရဲမှု ဒဏ်ဖြင့် သေဆုံးခဲ့ရသော ရုရှားလူမျိုးစုစုပေါင်း၏ အရေအတွက်သည် (၂၃) သန်းရှိခဲ့သည်။ တောင်အာဖရိက နိုင်ငံတွင်လည်း လူဖြူအစိုးရ၏ ခေတ်အဆက်ဆက်ဖိနှိပ်မှု အောက်၌အာဖရိကန် လူမဲအများအပြား အသတ်ခံ၊ ဖျောက်ဖျက်ခံ၊ ထောင်သွင်းအကျဉ်း ကြခံခဲ့ရသည်။ လူမဲများသည် လူဖြူရပ်ကွက်များ အတွင်းသို့ ပတ်စ်ပို့ မရှိပါက ၀င်ထွက်သွားလာခြင်းမပြုရ။ အမှန်ကတယ်တွင် ထိုလူမဲများသည် ဒေသခံစစ်စစ်များဖြစ်သည်။ မင်ဒဲလားသည် ထောင်ထဲတွင် (၂၇) နှစ်ကျခံခဲ့ရသည်။ ထင်ရှားသော လူမဲခေါင်းဆောင်များစွာ သတ်ဖြတ်ဖျောက်ဖျက် ခံခဲ့ရသည်။ တိတ်တဆိတ် အသတ်ခံခဲ့ရသည့် ခေါင်းဆောင်များထဲတွင် စတိဘီကို ဆိုသည့် လူမဲခေါင်းဆောင်သည် အထူးထင်ရှားသူ ဖြစ်သည်။ နိုင်ငံရေး လှုပ်ရှားသူပေါင်း (၂၅, ၀၀၀) ကျော်သည် ခုံရုံးအတင်မခံရဘဲ ထောင်သွင်း အကျဉ်းချ ခံခဲ့ရသည်။ အခြား အခြားသော အာဖရိကနိုင်ငံများရှိ လူမဲများသည်လည်း လူဖြူအုပ်စိုးသူ ကိုလိုနီအရှင်သခင်များ လက်အောက်တွင် အမြောက်အများ သေဆုံးခဲ့ရသည်။ ဘယ်ဂျီယံကွန်ဂိုတွင် သတ်ဖြတ်နှိပ်စက်ခံရသော လူမဲများ၏ အဖြစ်အပျက်သည် ကမ္ဘာကျော်ခဲ့သည်။ ၁၉၆၀ ကျော်နှစ်များအထိ ဆက်လက်ဖြစ်ပွါးနေခဲ့သည်။ ထိုအဖြစ်ဆိုးများသည် လူမျိုးမတူသူက နောက်လူမျိုးမတူသူများ အပေါ်ကျူးလွန်ခဲ့ကြခြင်းဖြစ်သည်။ သို့သော်လည်း လူမျိုးတူ၊ အုပ်စုဝင်တူသူ အချင်းချင်း လူသားဆန်မှုကို ချိုးဖေါက်ကျူးလွန်သော ရာဇ၀တ်မှုကြီးများလည်း ရှိနေသေးသည်။ ဆိုဗီယက် ရုရှားမှ အာဏာရှင်ကြီး စတာလင် လက်ထက်တွင် သူ့အာဏာကို ထိပါးမည့်သူများဟု သတ်မှတ်ခံရသော ရုရှားလူမျိုး နှစ်သန်းကျော်အား သတ်ဖြတ်ဖျောက်ဖျက် ခဲ့သည်ဟုဆိုသည်။ မြောက်များလှစွာသော ရုရှားများအား “ဂူးလပ်” ဟုခေါ်သော အလုပ်အကျဉ်းစခန်းများ (ရုရှားမဲဇာ) သို့ပို့ခဲ့သည်။ ထိုအလုပ် အကျဉ်းစခန်းများတွင် အဓမ္မ လုပ်အားပေးများ ခိုင်းစေခံရပြီး ရောဂါဘယဒဏ်၊ ရာသီဥတုဒဏ်၊ ငတ်မွတ်မှုဒဏ်နှင့် နှိပ်စက်ညှင်းပမ်းမှု ဒဏ်တို့ကြောင့် ရုရှားလူမျိုးများ သန်းနှင့်ချီ၍ သေဆုံးခဲ့ရသည်။ ၁၉၅၉ တွင် တရုတ်စစ်တပ်များ တိဗက်ပြည်ကို ၀င်ရောက်သိမ်းပိုက်ခဲ့သည်။ တိဗက်လူမျိုး အများအပြား သေဆုံးခဲ့ရ သည်။ ဒလိုင်လားမား ဦးဆောင်သည့် တိဗက်များ သူတို့ကိုယ်ပိုင် တိုင်းပြည်မှ ထွက်ပြေးခဲ့ကြရသည်။ တရုတ်ပြည်တွင် ၁၉၆၆၊ ၁၉၆၇ ယဉ်ကျေးမှု တော်လှန်ရေးအတွင်း တရုတ်ပြည်သူ (၅၀၀, ၀၀၀) ကျော် အသတ်ခံခဲ့ရသည်။ အမြောက်အများ ထောင်သွင်းအကျဉ်းချ ခံခဲ့ကြရသည်။ ယခုအထိလည်း တရုတ်အစိုးရသည် လူ့အခွင့်အရေး ချိုးဖေါက်မှုများကို ဆက်လက် ကျူးလွန်နေဆဲဖြစ်သည်။ အိန္ဒိယနိုင်ငံ လွတ်လပ်ရေးရသည့် ၁၉၄၇ တွင် ပါကစ္စတန်ကို ခွဲထွက်ခွင့်ပေးလိုက်ရသည့်အတွက် ဟိန္ဒူနှင့် မွတ်စလင်များ အကြား သတ်ဖြတ်ခဲ့ကြသည်မှာ လူတသန်းကျော် ရှိခဲ့သည်ဟု ဆိုသည်။ ယနေ့လက်ရှိ ကာလတွင်ပင်လျှင် လူများစု ဟိန္ဒူများက လူနည်းစုမွတ်စလင်များကို သတ်နေသည်ကို အာဏာပိုင်များက လက်ပိုက်ကြည့်နေကြသည်။ အတော်လေး သတ်ဖြတ်ပြီးမှ အာဏာပိုင်များက ၀င်ရောက်ဟန့်တားသည်။ မွတ်စလင်တို့၏ အန္တရာယ် (ပါကစ္စတန် နိုင်ငံ၏ အန္တရာယ်) ရှိနေသည်ဆိုသည့် အချက်ကို ဟိန္ဒူလူများစုကြီး အတွင်းရိုက်သွင်းသည့် သဘောမျိုး ဖြစ်နေသည်။ ထိုအချက်ပေါ်တွင် အခြေခံ၍ ရွေးကောက်ပွဲတွင် မဲပို၍ ရအောင် ဆွယ်ကြသေးသည်။ ဟိန္ဒူဇာတ်မြင့်များက ဇာတ်နိမ့်များနှင့် ဇာတ်မရှိဟု သတ်မှတ်ခံရသော အုပ်စုများကို အနိုင်ကျင့် သတ်ဖြတ်နေကြသည်မှာလည်း ယခုအထိ အတောမသတ်နိုင်သေး။ စနစ်တကျ ကာကွယ်ပေးဖို့ ဆောင်ရွက်နိုင်သော်လည်း ခေတ်အဆက်ဆက် အစိုးရများက ထိုကိစ္စများကို လူမှုရေး ဘာသာရေး ပဋိပက္ခအသွင် သဘောထားကာ သူတို့လည်း ဘာမှမတတ်နိုင် ဆိုသည့်ပုံစံနှင့် လက်ပိုက်ကြည့်နေ ကြသည်။ အမှန်တော့ နိုင်ငံရေးသမားများက သူတို့၏အာဏာ အကျိုးစီးပွါးအတွက် ဖုံးကွယ်ရုပ်ဖျက်ထားခြင်းသာ ဖြစ်သည်။ ကမ္ဘောဒီးယားနိုင်ငံတွင် ပိုပေါ့ဦးဆောင်သော ခမာနီတို့ ရက်စက်မှုကြောင့် သေဆုံးခဲ့ရသော နိုင်ငံသားတို့မှာ နှစ်သန်းကျော် ခဲ့သည်။ ပိုပေါ့ သေဆုံးသွားပြီ ဖြစ်သော်လည်း လူသားမျိုးနွယ်တို့အပေါ် ကျူးလွန်ခဲ့သော ရာဇ၀တ်မှုကြီးများ အတွက် အခြား တာဝန်ရှိသူတို့ အခုအထိ အပစ်ပေး အရေးယူမခံရသေး။ ၁၉၇၄ တွင် အာဖရိကတိုက်မှ ယူဂန္ဒာနိုင်ငံတွင် အာဏာရှင် ဗိုလ်ချုပ်ကြီး အီဒီအာမင် အာဏာသိမ်းခဲ့သည်။ သူ့လက်ထက်တွင် အတိုက်ခံများနှင့် အတိုက်ခံ အားပေးသူများကို သတ်ဖြတ်ခဲ့သည်မှာ သိန်းဂဏန်းအထိရှိခဲ့သည်။ ရ၀မ်ဒါ နိုင်ငံတွင် ၁၉၉၄ တုံးက ဟူတူနှင့်တူစီ လူမျိုးတို့ အချင်းချင်း သတ်ဖြတ်ခဲ့ကြသည်မှာ တသန်းကျော်။ လတ်တလော ဖြစ်နေသည့် ဆူဒန်နိုင်ငံမှ လူမျိုးတုံး သတ်ဖြတ်မှုများ သည်လည်း ကြောက်ခမန်းလိလိ။ လူဦးရေ နှစ်သန်းကျော် ထွက်ပြေးရကာ ဒုက္ခသည်များအဖြစ် နေထိုင်နေရဆဲဖြစ်သည်။ ယနေ့အထိလည်း အာဖရိကတိုက်တ၀ှမ်းလုံး၌ ပဋိပက္ခ ဖြစ်နေသော၊ သတ်ဖြတ်နေသော နေရာပေါင်းများစွာ ရှိနေသေးသည်။ အဓိက လက်သည်များကတော့ စက်မှုဖွံ့ဖြိုး တိုးတက်ကာ ချမ်းသာနေသော နိုင်ငံများဖြစ်သည်။ သူတို့ တိုးတက်ဖို့အတွက် အာဖရိက ဒေသသားများ အချင်းချင်း သတ်ဖြတ်နေရသည်။ ဘော့စနီးယား ဟာဇီဂိုဗီးနားတွင်လည်း အချင်းချင်း သတ်ဖြတ်ခဲ့ကြသည်မှာ အမြောက်အများ။ ခရိုရေးရှန်း နိုင်ငံသား အချို့သည် ယနေ့အထိ ဥရောတိုက်ရှိ ချမ်းသာတိုးတက်နေသော နိုင်ငံများအပေါ် ခံစားချက်မကောင်းကြ။ ခရိုရေးရှန်း ခရစ်ယန်တို့သည် မွတ်စလင်များ ဥရောပတိုက်သို့ မလွှမ်းမိုးနိုင်စေရန်အတွက် နှစ်ရာပေါင်းများစွာ သူတို့ခံတိုက် ပေးခဲ့ရသည်။ ခရိုရေးရှားဒေသသည် ဥရောပ ခရစ်ယန်များ အတွက်ရှေ့တန်းအကျဆုံး ခံကတုပ်အဖြစ် တာဝန်ယူခဲ့ရသည်။ နောက်ဆုံးတော့ သူတို့သာ သည်နေ့ခေတ်၌ မွတ်စလင်များနှင့် ထိပ်တိုက်ဖြစ်ခဲ့၍ နာမည်ဆိုးဖြင့် ကျန်ရစ်ရသည်။ လူပေါင်းများစွာလည်း နှစ်ဖက် သေကြေခဲ့ရသည်။ ဤသည်ကား ခရိုရေးရှားနိုင်ငံသား အချို့၏ခံစားချက် ဖြစ်သည်။ ထိုပြဿနာများ၏ မူလဖန်တီးရှင်မှာ မည်သူနည်း။ ဥရောပတိုက်တွင် ကနေ့ချမ်းသာနေသော နိုင်ငံကြီးများ ဖြစ်သည်။ သို့သော် ထိုနိုင်ငံတို့သည် သူတို့တွင် တာဝန်ရှိကြောင်း ထုတ်ဖေါ်ဝန်ခံခြင်းမရှိ။ အရှေ့တောင် အာရှဒေသ နိုင်ငံများအတွင်း နှစ်များမကြာမှီက ဖြစ်ခဲ့သော လူသားဆန်မှုကင်းမဲ့သည့် လုပ်ရပ်များ ရှိခဲ့သည်။ ၁၉၇၅ ခုနှစ်တွင် ပေါ်တူဂီတို့ လက်အောက်မှလွတ်လပ်ရေး ရရှိခဲ့သော အရှေ့တီမောနိုင်ငံအား အင်ဒိုနီးရှား နိုင်ငံမှ ၀င်ရောက် ကျူးကျော်သိမ်းပိုက်ခဲ့သည်။ ထိုသို့ မသိမ်းပိုက်မှီ ကျူးကျော်သူ အင်ဒိုနီးရှား အစိုးရအား အမေရိကန်နှင့် ဗြိတိသျှ အစိုးရများမှ ၀င်ရောက်သိမ်းပိုက်ပါက သူတို့အနေဖြင့် မကန့်ကွက်ဟု မီးစိမ်းပြခဲ့သည်။ သြစတေးလျ အစိုးရမှ လည်း သူတို့နှင့်မဆိုင်ဟု သဘောထားကာ လက်ပိုက်ကြည့်နေခဲ့သည်။ ၂၀၀၀ ခုနှစ်တွင်အရှေ့ တီမောနိုင်ငံသည် အင်ဒိုနီးရှားတို့ လက်အောက်မှ လွတ်လပ်ရေး ရခဲ့သည်။ ထိုကာလများအတွင်း အင်ဒိုနီးရှား အစိုးရ၏ ဖိနှိပ်သတ်ဖြတ်မှုကြောင့် အရှေ့တီမော ပြည်သူ (၂၀၀, ၀၀၀) ကျော်သေဆုံးခဲ့ရသည်။ လူဦးရေ၏ သုံးပုံတပုံကျော် သေဆုံးခဲ့ရသော ကြောက်မက်ဖွယ် အဖြစ်ဆိုးကြီးဖြစ်သည်။ မြန်မာပြည်မှာကော လူသားဆန်မှုကို ချိုးဖေါက်ခြင်းမရှိသလော။ ရှိသည်။ ရှိသည်မှ လွတ်လပ်ရေး မရခင်ကလည်း ရှိခဲ့သည်။ လွတ်လပ်ရေး ရပြီးကတည်းက ကျူးလွန်နေခဲ့သည်မှာလည်း ယခုတိုင်ဟုဆိုနိုင်သည်။ အုပ်စိုးသူများက မြန်မာ အချင်းချင်းကိုလည်း နှိပ်စက်သတ်ဖြတ်သည်။ မိမိထက် လူဦးရေနည်းသော၊ အားနည်းသော တိုင်းရင်းသားများကိုလည်း နှိပ်စက် သတ်ဖြတ်သည်။ အစိုးရစစ်တပ်၏ မုဒိမ်းကျင့်ခြင်းခံရသော တိုင်းရင်းသူ အမျိုးသမီးများမှာ မရေမတွက် နိုင်အောင်ရှိသည်။ အချို့သေးငယ်သော တိုင်းရင်းသားအုပ်စုများ အတွက်ကား စိုးရိမ်ဖွယ် ဖြစ်သည်။ ဖိနှိပ်မှုများအောက်၌ ကြာလျှင် ပျောက်ကွယ် သွားနိုင်သောကြောင့် ဖြစ်သည်။ သိန်းနှင့်ချီသော တိုင်းရင်းသား ဒုက္ခသည်များ အိမ်နီးချင်း နိုင်ငံများတွင် ခိုလှုံနေရသည်။ နှစ်သန်းကျော် အရေအတွက်ရှိသော မြန်မာနိုင်ငံသားများ ထိုင်းနိုင်ငံတွင် တရားမ၀င် အလုပ်သမားများ အဖြစ် လုပ်ကိုင်နေကြသည်။ ထို့အပြင် မြန်မာပြည်တွင် ယုံကြည်ချက်ကြောင့် အကျဉ်းကျခံနေရသော လူပုဂ္ဂိုလ်များလည်း အများ အပြားရှိနေသည်။ အချို့သည် ယုံကြည်ချက်တခုကို ကိုင်စွဲမိ၍ လူမြင်ကွင်းမှ ပျောက်ကွယ်သွားခဲ့ကြရသည်။ လူများစုကြီးကတော့ ပညာရေး၊ ကျန်းမာရေး၊ စီးပွားရေးနှင့် လူမှုရေးက အစ ဆုံးရှုံးနေရဆဲလည်း ဖြစ်သည်။ လူသားဆန်မှုကင်းမဲ့သော အစိုးရတရပ် တည်ရှိနေသည့်အတွက် ပေါ်ပေါက်လာသည့် ဆိုးကျိုးများပင် ဖြစ်သည်။ လူသားဆန်မှု ကင်းမဲ့ခြင်းသည် နောင်တွင် လူသားမျိုးနွယ်တို့ အပေါ် ပိုမိုကြီးမားသော ရာဇ၀တ်မှုကြီးများ ကျူးလွန်ရန်အတွက် တွန်းအား ဖြစ်လာစေသည်ကို မမေ့သင့်။ လူသားဆန်မှုကို ချိုးဖေါက်ခြင်းသည် လူမျိုးမတူသူများ အကြားတွင်လည်း ဖြစ်ပွါးသည်။ လူမျိုးတူအုပ်စုတူ သူများအကြား၌လည်း ဖြစ်သည်။ နိုင်ငံတနိုင်ငံနှင့် တနိုင်ငံစစ်မက် ဖြစ်ပွား သတ်ဖြတ်ကြခြင်းအားဖြင့်လည်း တွေ့နိုင်သည်။ ထို့အပြင် မိသားစုတစုအတွင်း၌ပင် တွေ့ရတတ်သေးသည်။ ကျနော်တို့ မြန်မာပြည် လူနေမှုပတ်ဝန်းကျင်တွင် ရံဖန်ရံခါ တွေ့နေရသည်ကတော့ မိဘက သားသမီးကို ဆုံးမခြင်းဆိုသည့် ကိစ္စများလည်း အကျုံးဝင်နေသည်။ “ရိုက်လိုက်တာကွယ်၊ ကလေးကို ဆုံးမနေတာနဲ့ မတူတော့ဘူး တိရိစ္ဆာန်တကောင်ကို ရိုက်နေသလိုပဲ”။ ကိုယ်ကိုတိုင် မမြင်ဘူးရင်တောင်မှ ထိုစကားမျိုး ကြားဖူးကောင်း ကြားဖူးနိုင်ပါသည်။ မိဘသည် အင်အားကြီးသည်။ ကလေးသည် အင်အားနည်းသည်။ ထိုအင်အားနည်းသော ကလေးသည် မိဘကို ပြန်လည် မခုခံနိုင်။ ထို့အပြင် အဟိတ်တိရိစ္ဆာန် တကောင်ကဲ့သို့ မိဘ၏ ရိုက်ခံနှက်ခြင်း ခံရသောကလေးသည် သူ၏ လူသားဆန်မှု ဆုံးရှုံးရသည်။ သူ့ရွယ်တူ ကလေးများ အကြားတွင် ထိုကလေးအနေဖြင့် အရှက်တကွဲ အကျိုးနဲ ခံစားရသည်။ မိဘအပေါ် ကြောက်စိတ်ဝင်လာသည် သာမက ထိုအကြောက်တရားသည် စိတ်ဒဏ်ရာ ဒဏ်ချက်ကဲ့သို့ အသွင်ကူးပြောင်းသွားနိုင်၍ ကလေး၏အနာဂတ် ဖွံ့ဖြိုး တိုးတက်ဖို့အတွက် အတားအဆီးကြီးလို ဖြစ်လာနိုင်သည်။ မိမိမွေးထားသည့် ကလေးဖြစ်၍ မိမိကြိုက်သလို ဆုံးမနိုင်သည်ဟု အချို့သော မိဘများက ယူဆသည်။ ဆုံးမတာ ကလေးကောင်းဖို့ဟု ဆင်ခြေပေးကြသည်။ ဆုံးမနည်း ကောင်း-မကောင်းကို သတိမထားတော့။ အခြားသိမ်မွေ့သောနည်းများဖြင့် ဆုံးမ၍ ရနိုင်သည် ဆိုသည်ကို မမြင်နိုင်ခြင်းသည် (သို့မဟုတ်) လက်မခံခြင်းသည် နောက်ဆက်တွဲ ဆိုးကျိုးများကို ဆက်တိုက် သယ်ဆောင်လာလေ့ရှိ သည်။ အီရတ်ကို အမေရိကန် ၀င်တိုက်တာကြည့်ပါ။ ပျော့ပြောင်းသည့် သြဇာကိုသုံး၍ ဆောင်ရွက်ရမည့်အစား သြဇာမာ သုံး၍ (စစ်ခင်း၍) ဆောင်ရွက်နေသည်။ အီရတ်တွင် ဒီမိုကရေစီဘယ်တော့ အမြစ်တွယ်မည် ဆိုတာကိုတော့ ဘယ်သူမှ ဟောကိန်း မထုတ်နိုင်။ ထိုကြားထဲတွင် လူပေါင်းများစွာ သေဆုံးနေရသည်။ ထို့အတွက် အမေရိကန်ပါမောက္ခ တဦးဖြစ်သူ ဂျိုးဆက်နိုင်းက အမေရိကန် အစိုးရသည် ဒုတိယကမ္ဘာစစ် အောင်ပွဲနှင့် စစ်အေးတိုက်ပွဲ အောင်ပွဲအတွင်း ယစ်မူးနေဆဲ ဖြစ်သည်ဟု ဝေဖန်ထားသည်။ ဒီမိုကရေစီ ထူထောင်ဖို့အတွက် သြဇာမာသုံး၍ ဆောင်ရွက်သည်ကို မှားသည်ဟု ထောက်ပြ ထားသည်။ မြန်မာပြည်မှာလည်း စစ်တပ်က ဦးဆောင်ပြီး စည်းကမ်းရှိသည့် ဒီမိုကရေစီကို ထူထောင်နေသည်ဟု အာဏာရှင်တို့ ကြွေးကျော်နေတာ နှစ်အတန်ကြာခဲ့ပြီ။ တုတ်မိုး၍ အကောင်အထည်ဖေါ်သော ဒီမိုကရေစီသည် သြဇာမာကို သုံးခြင်းဖြစ်၍ ဘယ်လိုလုပ် ကောင်းနိုင်ပါ့မည်နည်း။ ဒီမိုကရေစီကို တည်ဆောက် ကျင့်သုံးသည့် နေရာတွင် လူသားဆန်မှုကို မျက်ကွယ်ပြု၍ စစ်သားဆန်ဆန် ဆောင်ရွက်ခြင်းသည် လူများစုကြီးအတွက် အကျိုးမရှိ။ ယနေ့ မြန်မာပြည်သူတို့ လူသားဆန်စွာ ဂုဏ်သိက္ခာရှိစွာ မနေနိုင်ကြ။ လူသားဆန်မှုကို ချိုးဖေါက်နေသည့် အာဏာရှင်များ လက်အောက်တွင် ညှိုးငယ်စွာ သက်ရှင်နေကြရသည်။ သည်နှစ် ၂၀၀၇ စက်တင်ဘာလက ဖြစ်ခဲ့သော သံဃာတော်များ ဦးဆောင်သည့် ငြိမ်းချမ်းစွာဆန္ဒပြခဲ့ သူများအား ရက်ရက်စက်စက် သွေးမြေကျနှိမ်နင်းခဲ့ခြင်းသည် အလွန် အရုပ်ဆိုး အကျဉ်းတန်သော ဖြစ်ရပ်ဟု ဆိုပါရစေ။ ပို၍ ဆိုးသည်မှာ လူများအား လမ်းပေါ်တွင် ရိုက်နှက်ပစ်ခတ်ခဲ့ရုံ သာမက ဘုန်းတော်ကြီး ကျောင်းများ၊ နေအိမ်များအား အချိန်မတော် ၀င်ရောက် စီးနင်းပြီး လူများ၊ သံဃာတော်များအား ဖမ်းဆီး ချုပ်နှောင်နှိပ်စက်ခြင်းသည် လူသားဆန်မှုကို ပြောင်ကျကျ ချိုးဖေါက်ခြင်းသာဖြစ်သည်။ ထိုကဲ့သို့ လူသားဆန်မှုကို ချိုးဖေါက်နေသော အုပ်စိုးသူများအား အိမ်နီးချင်း တရုတ်အစိုးရက သက်ဇိုးရှည်အောင် ပံ့ပိုး ပေးနေသည်။ ထိုသို့ ပံ့ပိုးပေးသည့်အတွက် အပြန်အလှန်အားဖြင့် စီးပွားရေး အကျိုးအမြတ်များ တရုတ်အစိုးရ ရရှိနေသည်။ တချိန်က ဂျပန်တို့ တရုတ်ပြည်သူများ အပေါ် လူသားဆန်မှု ကင်းမဲ့စွာ ပြုမူခဲ့သည်ကို တရုတ်တို့ မမေ့သေးဟု ဆိုပါက၊ ယနေ့ မြန်မာပြည်သူတို့ လူသားမဆန်စွာ သက်ရှင်နေထိုင် နေရသည်ကိုလည်း ကိုယ်ချင်းစာနာစိတ် ရှိဖို့တော့ ကောင်းသည်။ လူသားဆန်မှု ကင်းမဲ့စွာ ရပ်တည် နေထိုင်နေရသော မြန်မာပြည်သူတို့ ကိစ္စသည် မိမိတို့နှင့် မဆိုင်ဟု တရုတ်အစိုးရက လစ်လျူရှုထားသည်။ ထို့ကြောင့် မိမိစီးပွါးရေး ဖွံ့ဖြိုးတိုးတက်မှု တခုတည်းကိုသာ ဦးစားပေးနေ သော၊ မြန်မာ စစ်အာဏာရှင်တို့ကို ကျားကန်ပေးနေသော တရုတ်အစိုးရ၏ ပေါ်လစီကို ပွင့်ပွင့်လင်းလင်း ထောက်ပြ ဝေဖန်ရန် အချိန်တန်ပြီဟု ဆိုခြင်သည်။ တိုင်းနိုင်ငံများ ဖွံ့ဖြိုးတိုးတက်ရန် ဆောင်ရွက်ရာတွင် နည်းလမ်းပေါင်းစုံ၊ နည်းပညာမျိုး စုံသုံး၍ အကောင်အထည် ဖေါ်ကြခြင်းမှာ မဆန်း။ သို့သော်လူသားဆန်မှုကို လစ်လျှူမရှုရန်နှင့် လူသားဆန်မှု မကင်းမဲ့စေရန်လည်း တဖက်တွင် သတိထား ဖို့လိုသည်။ အကြောင်းကား ဤကမ္ဘာကြီးသည် ကျောက်တုံးကျောက်ဆိုင်များနှင့် ဖွဲ့စည်းထားခြင်း မဟုတ်ဘဲ သက်ရှိလူသားတို့နှင့် ဖွဲ့စည်းထားသောကြောင့်ပင် ဖြစ်သည်။ ရည်ညွန်း ၁၈ ရက် အောက်တိုဘာ ၂၀၀၇ ခုနှစ် ဇော်မင်း (လူ့ဘောင်သစ်)