ဦးစည်သူအောင်မြင့် 16.02.2016 01:26 တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကို ၁၉၅၆ ခုနှစ်မှာ မွေးဖွားပြီး အခု ၂၀၁၆ ခုနှစ်မှာ အသက် ၆၀ ပြည့်ပါတယ်။ နိုင်ငံ့ဝန်ထမ်း ဥပဒေ အရ အသက် ၆၀ ပြည့်ပြီဆိုရင် သက်ပြည့် ပင်စင်ယူရမှာပါ။ ပြီးခဲ့တဲ့ ၂၀၁၅ ခုနှစ်တုန်းက ဗိုလ်ချုပ်မှူးကြီးမင်းအောင်လှိုင်နဲ့ သတင်းမီဒီယာကောင်စီ အဖွဲ့ဝင်တွေ တွေ့ဆုံခဲ့စဉ်တုန်းက ကောင်စီဝင် တစ်ယောက်ကနေ ဗိုလ်ချုပ်မှူးကြီးအနေနဲ့ ၂၀၁၆ မှာ တပ်မတော်ကာကွယ်ရေး ဦးစီးချုပ် အဖြစ်ကနေ အငြိမ်းစားယူမှာလား ဆိုပြီး မေးမြန်းခဲ့ဖူးပါတယ်။ ဒီမေးမြန်းမှုနဲ့ ပတ်သက်ပြီး ဗိုလ်ချုပ်မှူးကြီးမင်းအောင်လှိုင်က ယတိပြတ် အဖြေမပေးခဲ့သလို၊ အနားမှာ အတူရှိနေတဲ့ စစ်ဥပဒေချုပ်ကလည်း တပ်မတော်ဥပဒေအရ ဗိုလ်ချုပ်မှူးကြီးအနေနဲ့ တာဝန် ဆက်လက်ရယူနိုင်သေးတဲ့ အခြေအနေရှိတဲ့အကြောင်း ဖြေခဲ့ပါတယ်။ အခုရက်ပိုင်း ထွက်ပေါ်လာတဲ့ သတင်းတစ်ပုဒ်မှာတော့ ဗိုလ်ချုပ်မှူးကြီးမင်းအောင်လှိုင်ဟာ အသက် ၆၅ နှစ်အထိ တပ်မတော် ကာကွယ်ရေးဦးစီးချုပ် တာဝန် ဆက်ယူမယ် လို့ ဆိုပါတယ်။ ဒီသတင်းကို အတည်ပြုလို့ မရသေးပေမယ့် နိုင်ငံရေးသမားတွေရော၊ ပြည်တွင်းက နိုင်ငံခြား သံတမန် အသိုင်းအ၀ိုင်းကပါ အလွန် စိတ်ဝင်စားကြပါတယ်။ ဗိုလ်ချုပ်မှူးကြီး မင်းအောင်လှိုင် အသက် ၆၀ ကျော်သည်အထိ တပ်မတော်ကာကွယ်ရေး ဦးစီးချုပ် တာဝန် ဆက်ယူသွားဦးမလား ဆိုတာ လေ့လာ တင်ပြသွားပါ့မယ်။ လက်ရှိ တည်ဆဲ ၂၀၀၈ ဖွဲ့စည်းပုံ အခြေခံဥပဒေ ဆိုတာ ထူးခြားတဲ့ အခြေခံ ဥပဒေ တစ်ခုလို့ ဆိုရမှာပါ။ တပ်မတော်ဟာ သမ္မတ ဒါမှမဟုတ် အစိုးရအဖွဲ့ လက်အောက်မှာ ရှိနေတာမျိုး မဟုတ်ပဲ သီးခြားတည်ရှိတဲ့ အဖွဲ့အစည်းအဖြစ် ပြဌာန်းထားပါတယ်။ တိုင်းပြည်ရဲ့ အထွဋ်အထိပ် အကြီးအကဲလို့ ဆိုတဲ့ သမ္မတကို ဘယ်နည်းဘယ်ပုံ ရွေးချယ်ရမယ်၊ ဘယ်နည်းဘယ်ပုံ ပြန် ဖြုတ်ချနိုင်တယ် ဆိုပြီး တိတိကျကျ ရေးဆွဲပြဌာန်းထားတာ ရှိပေမယ့် တပ်မတော်ကာကွယ်ရေးဦးစီးချုပ် တစ်ယောက်ကို ဘယ်နည်းဘယ်ပုံ ခန့်အပ်နိုင်တယ်၊ အဲဒီ တပ်ချုပ် ဘယ်အချိန် အနားယူရမယ် ဆိုတာမျိုးကိုတော့ တိတိကျကျ ပြဌာန်းထားတာ မတွေ့ရပါဘူး။ သမ္မတဟာ တပ်မတော်ကာကွယ်ရေးဦးစီးချုပ်ကို ခန့်အပ်ခွင့်မရှိပါဘူး။ အဖွဲ့ဝင် ၁၁ ယောက်ပါတဲ့ နိုင်ငံတော်ကာကွယ်ရေးနဲ့ လုံခြုံရေးကောင်စီ (ကာလုံ) လို့ခေါ်တဲ့ အဖွဲ့ကသာ တပ်မတော်ကာကွယ်ရေး ဦးစီးချုပ်ကို ခန့်အပ်နိုင်တယ် ဆိုပြီး ပြဌာန်းထားတာ ဖြစ်ပါတယ်။ တပ်မတော်ကာကွယ်ရေးဦးစီးချုပ်ကို ခန့်အပ်နိုင်တဲ့ ကာလုံရဲ့ အဖွဲ့ဝင် ၁၁ ယောက်ထဲမှာ တပ်ချုပ် အပါအ၀င် သူကခန့်ထားတဲ့ ဒုတပ်ချုပ်၊ ဒုသမ္မတ တစ်ယောက်၊ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာ ၀န်ကြီး ပေါင်း (၆) ယောက်တောင် ရှိနေလေတော့ တပ်မတော်ကာကွယ်ရေးဦးစီးချုပ် နောက်တစ်ယောက်ကို လက်ရှိ တပ်မတော်ကာကွယ်ရေး ဦးစီးချုပ်ကပဲ ခန့်အပ်နိုင်တဲ့ အဓိပ္ပါယ် သွားသက်ရောက်စေပါတယ်။ တစ်ချိန်တည်းမှာပဲ စစ်ဥပဒေအရ တပ်မတော်ကာကွယ်ရေး ဦးစီးချုပ်ဟာ အသက် ၆၀ ပြည့်သည့်တိုင် ပင်စင်မယူပဲ နေလို့ရတယ် ဆိုထားပြန်လေတော့ တပ်မတော်ကာကွယ်ရေး ဦးစီးချုပ် တစ်ယောက်အနေနဲ့ သူ့ဖာသာသူ အနားမယူမချင်း ဖွဲ့စည်းပုံအရဖြစ်စေ၊ ဥပဒေအရ ဖြစ်စေ၊ သမ္မတ က ဖြစ်စေ အနားယူအောင် လုပ်ကိုင်ဆောင်ရွက်နိုင်ခြင်း မရှိဘူး ဆိုတဲ့ အဖြေ သွားထွက်ပါတယ်။ ဒါဟာ ဒီမိုကရေစီနိုင်ငံက တပ်မတော်တစ်ခုအတွက် ကောင်းမွန်တဲ့ ပုံစံ မဟုတ်သလို၊ ဗိုလ်ချုပ်မှူးကြီးမင်းအောင်လှိုင် တည်ဆောက်ချင်နေတဲ့ Standard Army ပုံစံနဲ့လည်း အံဝင်ဂွင်ကျ မဖြစ်စေပါဘူး။ ဒီနေရာမှာ ဗိုလ်ချုပ်မှူးကြီး မင်းအောင်လှိုင် အနေနဲ့ ဘာလုပ်သင့်လဲ စဉ်းစားရမှာပါ။ နိုင်ငံရေး လေ့လာသုံးသပ်သူတွေကတော့ ရွေးကောက်ပွဲမှာ အင်န်အယ်လ်ဒီ ပါတီ အပြတ်အသတ် အနိုင်ရပြီး ပြည်ခိုင်ဖြိုးပါတီ လုံးဝ အရေးနိမ့်သွားတာမို့ ဗိုလ်ချုပ်မှူးကြီးမင်းအောင်လှိုင်ဟာ နိုင်ငံရဲ့ အမြင့်ဆုံး သမ္မတ တာဝန်ကို မရနိုင်တော့ဘူး၊ တပ်မတော် အစုအဖွဲ့ရဲ့ တင်မြှောက်မှုနဲ့ ဒုသမ္မတ ဖြစ်နိုင်ပေမယ့် ဒီရာထူးလောက်ကိုတော့ လိုချင်မှာ မဟုတ်ဘူး၊ ဒါကြောင့် အသက် ၆၀ ပြည့်သွားတဲ့တိုင် အနားမယူသေးပဲ သမ္မတ နီးပါး သြဇာအာဏာ ရှိတဲ့ တပ်မတော်ကာကွယ်ရေးဦးစီးချုပ် တာဝန်ကိုပဲ ဆက်ပြီး ယူထားလိမ့်ဦးမယ် ဆိုပြီးဖြစ်ပါတယ်။ တကယ်တော့ မြန်မာနိုင်ငံဟာ စစ်အာဏာရှင် စနစ်နဲ့ လမ်းခွဲပြီး ဒီမိုကရေစီ စနစ်ဆီ သွားဖို့ ခြေလှမ်းပြင်ရုံ အဆင့်လောက်ပဲ ရှိပါသေးတယ်။ ဒီမိုကရေစီ စနစ်ရဲ့ အခြေခံအုတ်မြစ်တွေ ချနိုင်ဖို့ လိုသလို၊ အာဏာရှင်စနစ် နောက်တစ်ကြိမ် ပြန်မလာနိုင်အောင် ကြိုးစားနေရတဲ့ အခြေအနေလည်း ဖြစ်ပါတယ်။ ခုဆိုရင် ၂၀၀၈ ဖွဲ့စည်းပုံ အခြေခံဥပဒေကို အခြေတည်ပြီး တိုင်းပြည်မှာ ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်၊ တရားစီရင်ရေး မဏ္ဍိုင် သီးခြားစီဖြစ်အောင် တည်ဆောက်နေဆဲ ကာလပါ။ တစ်ယောက်တည်းနဲ့ တစ်သက်လုံး အာဏာရယူမထားနိုင်အောင် သမ္မတ တစ်ယောက်အနေနဲ့ အလွန်ဆုံး ၅ နှစ်သက်တန်း ၂ ကြိမ် ထမ်းဆောင်နိုင်တယ် ဆိုပြီးတော့လည်း ဖွဲ့စည်းပုံထဲ ပြဌာန်းနိုင်ခဲ့ပါပြီ။ ဒါပေမယ့် အာဏာရှင်စနစ် ပြန်လည် ထွန်းကားမလာရေးအတွက် အရေးကြီးတဲ့ တပ်မတော်ကာကွယ်ရေး ဦးစီးချုပ်တွေဟာ အချိန်တန်ရင် အနားယူရမယ် ဆိုတဲ့ ပြဌာန်းချက် တစ်ခု ရှိမနေသေးတာကတော့ စိုးရိမ်စရာပါ။ အခြားတစ်ဖက်က ကြည့်လိုကပြန်ရင်လည်း တပ်ချုပ် ဗိုလ်ချုပ်မှူးကြီးမင်းအောင်လှိုင် ဆိုတာဟာ အရင် စစ်အာဏာရှင် ဗိုလ်ချုပ်မှူးကြီးသန်းရွှေက တာဝန်ပေးသွားလို့ တပ်ချုပ် ဖြစ်လာသူပါ။ ဒါပေမယ့် သူဟာ စစ်အာဏာရှင် ဗိုလ်ချုပ်မှူးကြီးသန်းရွှေနဲ့ အလွန်ခြားနားပါတယ်။ ၂၀၀၈ ဖွဲ့စည်းပုံကို အခြေခံ၊ သမ္မတ ဦးသိန်းစိန်နဲ့ လက်တွဲပြီး မြန်မာနိုင်ငံ ဒီမိုကရေစီ အသွင်ကူးပြောင်းရေးမှာ တက်တက်ကြွကြွ ပါဝင်ခဲ့သူ ဖြစ်ပါတယ်။ ပြည်တွင်း ငြိမ်းချမ်းရေးရအောင် ကြိုးစားခဲ့သူလို့ ဆိုရင်လည်း မမှားပါဘူး။ သူ့ရဲ့ အဓိက တာဝန်ဖြစ်တဲ့ တပ်မတော် တည်ဆောက်ရေးကိုလည်း စွမ်းစွမ်းတမံ ဆောင်ရွက်ခဲ့သူ ဖြစ်ပါတယ်။ တပ်မတော်ရဲ့ အာဏာရှင် လက်ထက်က ရှိခဲ့တဲ့ လူ့အခွင့်အရေး ချိုးဖေါက်မှု လျော့နည်းအောင် လုပ်တာ၊ တပ်တွင်းမှာ ကလေးစစ်သား ကင်းစင်အောင် ဆောင်ရွက်တာ၊ ပြည်သူတွေကို မြှေမြှုပ်မိုင်းရှင်း အထမ်းသမား ပေါ်တာအဖြစ် အတင်းအားဓမ္မ စေခိုင်းတဲ့ လုပ်ရပ်တွေကို ရပ်တန့်တာ၊ စစ်ဗျူရိုကရေစီ ယန္တယား ကြီးမားအောင် စစ်အရာရှိအများအပြား မွေးထုတ်နေတာတွေကို ကန့်သတ်တာ စသဖြင့် အများကြီး စွမ်းဆောင်ခဲ့သူ ဖြစ်ပါတယ်။ ဗိုလ်ချုပ်မှူးကြီးမင်းအောင်လှိုင် အနေနဲ့ လုပ်စရာ တစ်ခုပဲ ကျန်ပါတယ်။ အလွန်လည်း အရေးကြီးတဲ့ တာဝန်တစ်ရပ်ပါ။ အဲဒါကတော့ တပ်မတော်ကို Standard Army ပီသစွာ တပ်ချုပ်တစ်ယောက်ကနေ နောက်တစ်ယောက်ကို စနစ်တကျ တာဝန်လွှဲပေးသွားခဲ့တာမျိုးပါ။ တပ်မတော်ကာကွယ်ရေးဦးစီးချုပ်တွေဟာ အာဏာကို မမက်မောပဲ အသက်ပြည့်သည်အထိ တာဝန်ထမ်းဆောင်ပြီးတာနဲ့ နောက်တစ်ယောက်ကို တာဝန်လွှဲအပ်ပေးပြီး အငြိမ်းစားယူသွားတာမျိုးပါ။ ဒါကြောင့် ဗိုလ်ချုပ်မှူးကြီးမင်းအောင်လှိုင်အနေနဲ့ တိုင်းပြည်အတွက် အရေးအကြီးဆုံးနဲ့ နောက်ဆုံး တာဝန်ဖြစ်တဲ့ တပ်ချုပ်တစ်ယောက်ကနေ နောက် တပ်ချုပ်တစ်ယောက်ကို စနစ်တကျ တာဝန်လွှဲပြောင်း ပေးအပ်သွားခြင်းကသာလျင် အကောင်းဆုံးဖြစ်ပါလိမ့်မယ်။ အငြိမ်းစားယူပြီးနောက် ဒုသမ္မတ တာဝန်ယူပြီး နိုင်ငံရေးတာဝန်တွေ ဆက် ထမ်းဆောင်ချင် ထမ်းဆောင်သွားနိုင်ပါသေးတယ်။ အဲဒီလိုသာ ဆောင်ရွက်နိုင်ခဲ့ရင် ဗိုလ်ချုပ်မှူးကြီးမင်းအောင်လှိုင်ဟာ တပ်မတော်ကို Standard Army ဖြစ်အောင် တည်ဆောက်ခဲ့သူ ခေါင်းဆောင်ကောင်း တစ်ယောက်၊ တိုင်းပြည် အသွင်ကူးပြောင်းရေးမှာ အကောင်းဆုံး ဆောင်ရွက်ခဲ့သူ တစ်ဦး အနေနဲ့ မှတ်တမ်းတင်ခံရမှာဖြစ်ပြီး နောင် နိုင်ငံ့အထွဋ်အထိပ် သမ္မတဖြစ်ဖို့ကိုတောင် ကြိုးစားနိုင်ပါကြောင်း သုံးသပ်တင်ပြလိုက်ရပါတယ်။
วันอาทิตย์ที่ 21 กุมภาพันธ์ พ.ศ. 2559
ဒုက္ခသည်အရေး အလေးပေးရန် အစိုးရသစ်ကို ကရင်ဒုက္ခသည်ကော်မတီ တောင်းဆို
ဖေဖော်ဝါရီ ၁၉ရက်၊ ၂၀၁၆ခုနှစ်။ စဖန်းရှောင်း မြန်မာနိုင်ငံတွင် တက်လာမည့် အစိုးရသစ်အနေဖြင့် ဒုက္ခသည်အရေးကိစ္စများကို ထည့်သွင်းစဉ်းစားပေးရန် ထိုင်း-မြန်မာနယ်စပ် မယ်လဒုက္ခသည်စခန်းတွင် ဖေဖော်ဝါရီ ၁၈ရက်(ယမန်နေ့)က ကျင်းပပြီးစီးခဲ့သည့် ကရင်ဒုက္ခသည်ကော်မတီ KRC အမှုဆောင် အဖွဲ့ဝင်များ ပြန်လည်ရွေးချယ်ပွဲအပြီးတွင် KRC က တောင်းဆိုလိုက်သည်။ KRC ဥက္ကဌအဖြစ် ပြန်လည်ရွေးချယ်ခံရသည့် စောရောဘတ်ထွေးက “အစိုးရသစ်အနေနဲ့ ဒုက္ခသည်ကိစ္စတွေကို အရေးတယူ လုပ်ဆောင်ပေးဖို့ တောင်းဆိုလိုပါတယ်။ လတ်တလော ပြန်လည်အခြေချဖို့ မဖြစ်နိုင်သေးပေမယ့် တကယ်လို့ နေရပ်ပြန်ရမယ် ဆိုရင် ဂုဏ်သိက္ခာရှိရှိ ပြန်နိုင်ဖို့အပြင် နိုင်ငံသားတစ်ဦးလို ပြန်လည်ထူထောင်နိုင်ဖို့ အခွင့်အရေးတွေ ဖန်တီးပေးဖို့လည်း တောင်းဆိုလိုပါတယ်”ဟု ပြောသည်။ ဒုက္ခသည်စခန်းများကို ရိက္ခာအပြင် အခြားသော နိုင်ငံတကာအကူအညီများ တဖြည်းဖြည်း လျော့ချလာသည့်အတွက် ဒုက္ခ သည်များ ဆက်လက်ရပ်တည်ရန် အခက်အခဲများရှိလာသလို နေရပ်ပြန်လည် ပို့ဆောင်မည့်သတင်းများ ထွက်ပေါ်ခြင်းကြောင့် ဒုက္ခသည်များအကြား စိုးရိမ်မှုဖြစ်ပေါ်နေဆဲ ဖြစ်သည်။ ကရင်အမျိုးသမီးအစည်းအရုံး KWO ဗဟိုလူမှုရေးတာဝန်ခံ ဆရာမနော်ဒါးဒါးက “လောလောဆယ် အခြေအနေအရ ပြန်မပို့ သေးဘူးလို့ ပြောနေကြမယ့် အခုစခန်းတွေမှာ ကျန်းမာရေး၊ ပညာရေးအကူညီ စတာတွေမှာ ဝန်ထမ်းတွေ တဖြည်းဖြည်း လျှော့ ချတာမျိုးတွေ ဖြစ်လာပါတယ်။ ဒီလို ဖြစ်လာတာ ဒုက္ခသည်တွေကို နေရပ်ပြန်ဖို့ ဖိအားပေးတာတစ်ခုပဲလို့ ကျမတို့ မြင်ပါတယ်” ဟု ပြောသည်။ ယခင်မြန်မာအစိုးရမှ ဒုက္ခသည်များ နေရပ်ပြန်ရေးအတွက် ကြိုးပမ်းလုပ်ဆောင်မှုများရှိသော်လည်း ဒုက္ခသည်များ၏ လုံခြုံရေး နှင့် ဘဝအာမခံချက်များ ရရှိရေး အကောင်အထည်ဖော် လုပ်ဆောင်နိုင်ခြင်း မရှိသည့်အတွက် မကြာမီတက်လာမည့် အစိုးရ သစ်အပေါ် ဒုက္ခသည်များက မျှော်လင့်လျှက်ရှိသည်။ “မြန်မာပြည်မှာတော့ ပြောင်းလဲမှုတွေဖြစ်နေပြီ။ အခုတက်လာမယ့်အစိုးရက အရင်အစိုးရလို မဖြစ်ပါစေနဲ့လို့ မျှော်လင့်တယ်။ အစိုးရအသစ်အနေနဲ့ ဒုက္ခသည်တွေရဲ့ လိုလားချက် သဘောထားတွေကို ထည့်သွင်း မစဉ်းစားဘူးဆိုရင် အခုအခြေအနေနဲ့ ဘာမှဖြစ်လာမှာ မဟုတ်ဘူး”ဟု မယ်ရာမိုစခန်း ဒုဥက္ကဋ္ဌ စောယွာဘောက ပြောသည်။ လက်ရှိတွင် ကရင်ဒုက္ခသည်ကော်မတီအနေဖြင့် ပညာရေး၊ ကျန်းမာရေး၊ လူမှုရေး၊ စီမံခန့်ခွဲရေးနှင့် အသက်မွေးဝမ်းကျောင်း စသည့်ဌာနများထားရှိကာ လုပ်ဆောင်နေပြီး ကြိုတင်ပြင်ဆင်မှုတစ်ခုအဖြစ် အသက်မွေးဝမ်းကျောင်းဆိုင်ရာ အတတ်ပညာ သင်ကြားရေးကို ပိုမို လုပ်ဆောင်လာကြောင်း သိရသည်။ ၎င်းအပြင် ဒုက္ခသည်များအရေးကိစ္စများကို တာဝန်ယူဖြေရှင်းပေးနိုင်ရေးအတွက် သုံးနှစ်တစ်ကြိမ် ရွေးကောက်ပွဲပြုလုပ်ကာ ကော်မတီဝင်များကို ပြန်လည်ရွေးချယ်လေ့ရှိပြီး ယမန်နေ့က ကျင်းပပြီးစီးခဲ့သည့် ရွေးကောက်ပွဲတွင်လည်း ယခင် ကော်မတီ ဝင်ဟောင်း အများစု ပြန်လည် ရွေးကောက်ခံခဲ့ရသည်။ KRC ရွေးကောက်ပွဲတွင် ဥက္ကဋ္ဌ စောရောဘတ်ထွေး၊ ဒုဥက္ကဌ စောဂျော့၊ အတွင်းရေးမှူး စောပွယ်စေး၊ တွဲဖက်အတွင်းရေးမှူး စော အယ်ကလူ၊ ဘဏ္ဍာရေးအကြံပေး နော်ဘလူးမင်းနိုက်ဇန်တို့ကို အလုပ်အမှုဆောင်များအဖြစ် ပြန်လည်ရွေးကောက်တင်မြှောက် ခဲ့ပြီး ၎င်းတို့အနေဖြင့် အားလျော့လာသော ဒုက္ခသည်အရေးကိစ္စများကို နည်းလမ်းရှာ ကြိုးပမ်းဆောင်ရွက်သွားမည်ဖြစ်ကြောင်း ပြောသည်။ ထိုင်း-မြန်မာနယ်စပ်တစ်လျှောက်တွင်ရှိသည့် ကရင်ဒုက္ခသည်စခန်း ၇ခုကို စီမံခန့်ခွဲသည့် ကရင်ဒုက္ခသည်ကော်မတီ KRC ကို ၁၉၈၄ခုနှစ်တွင် မာနယ်ပလော၌ စတင် ဖွဲ့စည်းခဲ့သည်။
วันอาทิตย์ที่ 14 กุมภาพันธ์ พ.ศ. 2559
"ပဒိုမန်းရှာ၏ နောက်ဆုံးနေ့ရက်များနှင့် ကျနော် ရဲဘော် ဇော်နောင်" (ပဒိုမန်းရှာ အမှတ်ရ)
အချိန်တွေ ကြာညောင်းလာခဲ့ပြီဖြစ်သော်လည်း ဒီလဒီရက်ကိုရောက်တိုင်း အတိတ်ရဲ့ဖြစ်ရပ်တွေ ကျနော့် အာရုံထဲ အသစ် တဖန် ပြန်ဝင်ရောက်လာပါတော့တယ်။ အချိန်ကာလအနေနဲ့ပြောရရင် ၂၀၀၇ ခုနှစ် နှောင်းပိုင်း ကနေ စရမှာ ဖြစ်ပါတယ်။ အဲဒီအချိန်ကာလမှာ ကေအဲန်ယူခေါင်း ဆောင် များကို လုပ်ကြံမယ် ဆိုတဲ့သတင်း ကေအဲန်ယူအတွင်း ခါတိုင်းထက် ပိုထွက်ပေါ်လာခဲ့ပါတယ်။ အချိန်နှင့်အမျှ သတင်းတွေ တမျိုးပြီးတမျိုး ထွက်ပေါ်လာသော်လည်း လုပ်ကြံခံရမဲ့ စာရင်းထဲမှာ ပဒိုမန်းရှာရဲ့နာမည် အမြဲလို ပါဝင်နေခဲ့ပါတယ်။ ဒါကြောင့် ပဒိုမန်းရှာရဲ့ လုံခြုံရေးအတွက် စိုးရိမ်စရာ အခြေအနေဖြစ် လာခဲ့ပါတယ်။ ဒါပေမယ့် ပဒိုမန်းရှာက တုန်လှုပ်မှုမရှိခဲ့ပါဘူး။ သွားမြဲ လာမြဲအတိုင်း ပုံမှန်ဘဲရှိခဲ့ပါတယ်။ ပဒိုမန်းရှာက အထွေထွေအတွင်းရေးမှူးချုပ်ဖြစ်ပေမဲ့ ခုလို အချိန်မျိုးမှာတောင် သူ့ရဲ့လုံခြုံရေးအတွက် တစုံတခုလုပ်ပေးဘို့ မတောင်းဆိုခဲ့ပါဘူး။ ဒါပေမဲ့ သူ့ရဲ့ ရုံးရှိ ရဲဘော်များက သူ့အပေါ် စိတ်ပူပင်နေခဲ့ကြပါတယ်။ တနေ့ကျနော် သူ့ ရုံးကို ရောက်လာတဲ့အခါ ရုံးရှိရဲဘော်တချို့က ဖြစ်ပေါ်နေတဲ့ အခြေအနေတွေနဲ့  ပတ်သက်လို့  ပြောပြကြပါတယ်။ သူတို့ပြောတဲ့အထဲမှာ ပဒိုမန်းရှာ စီးနေကျကားမှာ လူသိများ နေပြီဖြစ်ကြောင်း၊ ဒါကြောင့် ကားအသစ်တစီးလဲပေးက ကောင်းမည်ဖြစ်ကြောင်းပြောပါတယ်။ တချိန်တုန်းက ဒူးပလာယာခရိုင်မှာ ကျနော်တာဝန်ထမ်းဆောင်ခဲ့ဘူးပါတယ်။ ဒီကိစ္စကို ဖြေရှင်း နိုင်ဖို့  ဒူးပလာယာ ခရိုင်ခေါင်းဆောင်များနှင့် တိုင်ပင်ကာ အဆင်ပြေမယ်လို့ ယူဆမိတဲ့ အပေါ် ဒူး ပလာယာခရိုင်ခေါင်းဆောင် (အထူးသဖြင့် ခရိုင်အတွင်းရေးမှူး ပဒိုလစ္စတန်)နဲ့ တိုင်ပင်ပါတယ်။ ဒူးပလာယာခရိုင်ခေါင်းဆောင်များဘက်ကလည်း အခက်အခဲမရှိဘဲ စီစဉ်ပေးတဲ့အပြင် ပဒိုမန်းရှာ ကိုင်ဆောင်ဘို့အတွက် ပစ္စတိုတလက်ကိုပါ စီစဉ်ပေးခဲ့ပါတယ်။ ဒီကာလမှာဘဲ ပဒိုမန်းရှာကိုယ်တိုင် ကေအဲန်ယူအတွင်းရေးမှူးချုပ်ရုံးကို ကေအဲန်ယူနယ်မြေအ တွင်း ပြန်အခြေချနိုင်ဘို့ ပြင်ဆင်နေချိန်လည်းဖြစ်ပါတယ်။ တပ်မဟာ (၇)နယ်မြေ သေဘေထာ စခန်းမှာ အခြေချဘို့ဖြစ်ပါတယ်။ ကေအဲန်ယူအထွေထွေအတွင်းရေးမှူးချုပ်ရုံး အခြေချနိုင်ဘို့အ တွက် ဗိုလ်ချုပ်ဆာတူဂေါ်က အဆောက်အဦးအတွက် သစ်ရရှိဘို့ ရေပိုက်နဲ့ ရေသွယ်ယူရရှိနိုင် ဘို့နဲ့ အင်တာနက်ရရှိဘို့ အတတ်နိုင်ဆုံး ကူညီပေးပါတယ်။ တနေ့သော် သေဘေထာစခန်းကို ပဒိုမန်းရှာရောက်လာချိန် ရေပိုက်က ရေလိုက်မကောင်းတဲ့အတွက် ကျနော့်ကို ခေါ်ပြီး ချောင်း ဖျားဘက်ကို တက်သွားကြပါတယ်။ ရေစသွယ်တဲ့နေရာကို ရောက်တဲ့အခါ ပဒိုမန်းရှာကိုယ် တိုင် ရေထဲဆင်းပြီး ရေပိုက်ဝမှာ ပိတ်ဆို့ နေတဲ့ အမှိုက်သရိုက်တွေကို နှိုက်ထုတ်ပါတယ်။ ကျနော်က ချောင်းကမ်းနဖူးကနေပြီး လုံခြုံရေးယူပေးပါတယ်။ အဲဒီအချိန်မှာ တောထဲကနေ အင်မတန် ချောက်ခြားစရာကောင်းတဲ့ အသံကြီးတခုပေါ် ထွက်လာပါတယ်။ ပဒိုမန်းရှာက ရေထဲက နေပြီး ကျနော့်ကို လှမ်းကြည့်ပြီး ဘာသံလည်းလို့ မေးပါတယ်။ ကျနော်က မသိဘူးလို့ ပြန်ဖြေတော့ အသံက ကြောက်စရာကြီးဘဲလို့ သူကပြောပါတယ်။ ဟုတ်ပါတယ်။ နှစ်ပေါင်းများစွာ တော ထဲ တောင်ထဲ သွားလာနေထိုင်ခဲ့တဲ့ ကျနော်လည်း ဒီလိုအသံ မျိုးတခါမျှ မကြားခဲ့ပါဘူး။ ထူးခြား တဲ့အသံကြီးပါဘဲ။ ကျနော်တို့ စခန်းကို ပြန်ရောက်တဲ့အခါ ဘာသံတွေကြားသလဲလို့ စခန်းက ရဲဘော်တွေကို မေးပါတယ်။ သူတို့က ဘာသံမှ မကြားဘူးလို့ ပြောပါတယ်။ အခုကျနော်ပြန် စဉ်းစားမိတဲ့အခါ အတိတ်နမိတ်ဆိုးလို့ ပြောရမလို ဖြစ်နေပါတယ်။ ဒီအဖြစ် အပျက်က ပဒိုမန်းရှာ လုပ်ကြံခြင်း မခံရခင် တပတ်အတွင်းကဖြစ်ပါတယ်။ အဲဒီနောက် ကျနော်လည်း ဖယ်ဒရယ်ဖွဲ့စည်းအုပ်ချုပ်ပုံ ဒုတိယမူကြမ်းအတည်ပြုနိုင်ရေး အစည်း အဝေးကို ကေအဲန်ယူကိုယ်စားလှယ်အနေနဲ့တက်ရောက်ဘို့ သေဘေထာကို တခေါက်ပြန်ရောက် သွားပါတယ်။ အစည်းအဝေးပြီးနောက် အတွင်းမှူးချုပ်ရုံးကို ကျနော်ပြန်လာခဲ့ပါတယ်။ ကျနော် ရုံးကို ရောက်နေကြအတိုင်း ရဲဘော်များက ရုံးအောက်ထပ်အခန်းတခန်းမှာ နေရာစီစဉ် ပေး ပါ တယ်။ ပဒိုမန်းရှာက သူ့ရုံးကို ရောက်လာတဲ့ဧည့်သည်တွေကို သူထမင်းစားခါနီး သူနဲ့ထမင်း အတူစားဘို့ လိုက်ခေါ်လေ့ရှိပါတယ်။ ၂၀၀၈ ခုနှစ် ဖေဖေါ်ဝါရီလ ၁၄ ရက် မနက်စောစော ပဒိုမန်းရှာကို တိုက်အပေါ်ထပ်အောက်ထပ် အတက်အဆင်း လှေခါးထစ်မှာ တဦးထဲထိုင်နေတာကို တွေ့ရပါတယ်။ သူ့ကို ကြည့်ရတာ ရွှင် ရွှင်ပြပြ မရှိလှပါဘူး။ ကျန်းမာရေးကြောင့်လား၊ ဒါမှမဟုတ် ညကအိပ်မက်ဆိုးများမက်လို့လား မပြောတတ်ပါ။ သူ့ရဲ့ဆီးချိုရောဂါလည်း တက်နေတယ်လို့ သိရတယ်။ နေနဲနဲမြင့်လာတာနဲ့ ဧည့်သည်များလည်း ရောက်လာပါတယ်။ သူ့ဆီလာတဲ့ဧည့်သည်များကို များသောအားဖြင့် အပေါ် ထပ်မှာ ဧည့်ခံလေ့ရှိပါတယ်။ အဲဒီအချိန်မှာ ကျနော်နဲ့  ပဒိုသမိန်ထွန်း တို့ အောက်ထပ်မှာ စကား ပြောခဲ့ကြပါသေးတယ်။ မွန်းလွဲလောက်မှာ ဗိုလ်ချုပ်မူတူးစေးဖိုး ရောက်လာပါတယ်။ သူတို့နှစ် ယောက်အပေါ်ထပ်မှာ ပြောဆိုပြီးတဲ့နောက် ဗိုလ်ချုပ်မူတူးစေးဖိုးက အောက်ထပ်ကို ဆင်းလာပါ တယ်။ အဲဒီနောက် အိမ်သာထဲခဏ၀င်ပြီး ခပ်သုတ်သုတ် ပြန်ထွက်သွားပါတယ်။ ညနေ (၄)နာရီကျော် ပဒိုမန်းရှာ အပေါ်ထပ်က ဆင်းလာပါတယ်။ နောက် ကျနော်နေတဲ့ အခန်းကို လာပြီး ညစာစားဘို့ခေါ်ပါတယ်။ ထမင်းစားခန်းထဲကို သူနဲ့အတူ ကျနော် လိုက်သွားခဲ့ပါတယ်။ ထမင်းစားခန်းထဲမှာ သူရယ်၊ ကျနော်ရယ် ဖီးသူး(ထမင်းချက်ပြုတ်ပေးသူ) (၃)ဦးဘဲရှိပါတယ်။ ထမင်းစားနေစဉ် သူက ဒီငါးဟင်းကို စားကြည့်ပါလား။ ဦးသန်းထွဋ္ဋ် (NLD,LA)က လာပေး သွားတယ်လို့ ပြောပါတယ်။ ဟင်းကသူ့အတွက် ဆားနဲနဲပေါ့ပုံပေါ်ပါတယ်။ ဒါကြောင့် ဆားပုလင်း ကိုယူပြီး ဟင်းထဲ ဆားနဲနဲ ထပ်ထည့်ပါတယ်။ ထမင်းစားနေစဉ် ကျနော်က “ပဒိုဒေးဗစ်ထောက ကေအဲန်ယူ ဗဟိုအမြဲတမ်းကော်မတီဝင်လည်းဖြစ်တယ်။ ကေအဲန်ယူ ဗဟိုအလုပ်အမှုဆောင် ကော်မတီဝင်လည်းဖြစ်တယ်။ သူက ငါလုပ်တာ ကေအဲန်ယူအတွက်မဟုတ်ဘူး၊ ကရင်လူမျိုး အတွက်ဖြစ်တယ်လို့ လိုက်ပြောနေတာ ကေအဲန်ယူနဲ့ ကရင်လူထုကို ခွဲစည်းရုံးသလိုဖြစ်နေတယ်။ အဲဒါခင်ဗျားတို့ ဘာမှမလုပ်တော့ဘူးလား”လို့ သူ့ကိုပြောပါတယ်။ သူက “ဒီလူက ကျနော်ကို အစည်းအဝေးထဲမှာလည်း သိက္ခာချတယ်၊ အပြင်မှာလည်း သိက္ခာချတယ်၊ ကျနော်အတော်ခံ စားရတယ်လို့” ပြောတယ်။ နောက်ပြီးသူက ဆက်ပြောပြန်သေးတယ်။ တော်လှန်ရေးထဲမှာ တချို့ ခေါင်းဆောင်တွေ အသိအမှတ်ပြုလောက်တဲ့ စွမ်းဆောင်ချက် ဘာတခုမှမရှိဘဲ ခေါင်းဆောင်တက် ဖြစ်နေကြတာတွေ ရှိတယ်လို့ပြောပါတယ်။ သူ့ကို ကြည့်ရတာ ထမင်းစားပေမဲ့ သိပ်ခံတွင်းတွေ့ပုံ မပေါ်ပါ။ ထမင်းဟင်းအနည်းငယ်လောက်ကိုသာ စားတာတွေ့ရပါတယ်။ အဲဒီနောက် သူ့ပန်းကန် သူဆေးပြီး ထမင်းစားခန်းထဲကနေ ထွက်သွားပါတယ်။ ထမင်းစားခန်းထဲမှာ ကျနော်နဲ့ ဖီးသူး (၂)ဦးသာ ကျန်ပါတော့တယ်။ ကျနော်လည်း အတွေးများနှင့်အတူ ထမင်းဆက်စား နေရင်း သိပ်မ ကြာပါ။ ကြီးလေးတဲ့အရာဝတ္ထုတခု အပေါ်ကပြုတ်ကျတဲ့အသံမျိုး ကြားလိုက်ရပါတယ်။ ကျနော်နှင့် ဖီးသူးတယောက်မျက်နှာတယောက်ကြည့်ပြီး ဘာသံလည်းဆိုတာကို ဝေခွဲနေသလို မိမိတို့အိမ် ကလား၊ တခြားအိမ်ကလားဆိုတာ စဉ်းစားနေကြပါတယ်။ တအောင့်လောက်အကြာ အလားတူ အသံမျိုး ထပ်ကြားရပြန်ပါတယ်။ သိပ်မကြာပါ။ အိမ်ပေါ်ထပ်က ငိုသံကြား ရပါတယ်။ မ်ိမိတို့နေတဲ့ အ်ိမ်ကဆိုတာ သေချာသွားပါပြီ။ တိုက်ထဲက သေနတ်သံကို တခါမှ မကြားဘူးတဲ့ ကျနော်က ရုတ်တရက်မို့ ဝေခွဲမရ ဖြစ်ခဲ့ရပါတယ်။ အဖြစ်အပျက်ကလည်း မြန်ဆန်လွန်းလှပါတယ်။ ကျနော် လည်း လက်မဆေးအားတော့ဘဲ ထမင်းစားခန်းထဲကနေ ကမန်းကတန်းပြေး ထွက်လာ ခဲ့ရာ ရဲဘော်ဖထောနဲ့ အောက်ထပ်မှာ ဆုံပါတယ်။ သူက အပေါ်ထပ်က ဆင်းလာ သူဖြစ်ပါတယ်။ သူက အဖိုးကြီးလုပ်ကြံခံရကြောင်း ကိုအေးလွင်ကို ဖုန်းဆက်ဘို့ စေးစေးက ပြောကြောင်း ကရင်လို ပြော ပြပါတယ်။ ကျနော်အပေါ်ထပ်ကို တက်တဲ့အခါ အပေါ်ထပ်လှေ ခါးဝနားမှာ ပဒိုမန်းရှာက အသက် မဲ့ထိုင်လျှက်သားနဲ့  စောစေးစေးက ဖက်လျှက်ငိုရင်း အဖိုးကြီး မရှိတော့ဘူးလို့ ကျနော့်ကို လှမ်း ပြောပါတယ်။ ကုလားထိုင်ရဲ့ရှေ့ ခြေရင်းနားမှာ အိုင်ထွန်းနေတဲ့ သွေးကွက်ကြီး တကွက်ကိုလည်း တွေ့ရပါတယ်။ ကျနော်လည်း ပူထူသွားပါတယ်။ အ်ိမ်နီးနားရှိ ဦးသန်းထွဋ် (NLD,LA)ကို လှမ်းခေါ်ပါတယ်။ သိပ်မ ကြာပါ။ ထိုင်းပုလိပ်များ ကေအဲန်ယူခေါင်းဆောင်များနဲ့  မဟာမိတ်များ ရောက်လာပါတယ်။ ထိုင်းပုလိပ်များက ပထမဦးဆုံး အလောင်းကိုစစ်၊ သေနတ်ကျည်ခွံကို ရှာပါတယ်။ 9 မမ ကျည်ခွံ တခုသာ ရှာတွေ့ခဲ့ပါတယ်။ ပဒိုမန်းရှာထိုင်တဲ့ ကုလားထိုင်နောက်မှီမှာ ကျည်ဆံထိသွားလို့ ကျိုးပဲ့ သွားပါတယ်။ ပဒိုမန်းရှာရဲ့ရင်ဘတ်မှာ သေနတ်ဒဏ်ရာ (၃)ချက် တွေ့ရှိရပါတယ်။ လက်ချောင်း တချို့မှာလည်း ဒဏ်ရာတွေကို တွေ့ရပါတယ်။ လက်နက်ကျွမ်းကျင်သူများရဲ့ အဆိုအရ သေနတ် အမျိုးအစား (၂)မျိုးဖြစ်နိုင်ကြောင်း၊ တမျိုးက ပစ္စတိုဖြစ်ပြီး နောက်တမျိုးက ခြောက်လုံးပြူးဖြစ် ကြောင်း၊ ခြောက်လုံးပြူးက ကျည်ခွံမကျန်ကြောင်း၊ သုံးသပ်ပြောဆိုကြပါတယ်။ ထို့နောက် ထိုင်းပုလိပ်က မျက်မြင်တွေ့ရှိသူများကို ဆက်လက်မေးမြန်းပါတယ်။ မျက်မြင်တွေ့ရှိသူ များမှာ ရဲဘော်(၂)ယောက်နှင့် မိန်းကလေးတယောက်ဖြစ်ပါတယ်။ အခင်းမဖြစ်ပွားခင် ရဲဘော်များ က အိမ်ရှေ့ရှိပန်းအိုးများကို ရေလိုက်လောင်းနေပြီး မိန်းကလေးက ပဒိုမန်းရှာအနားရပ်ပြီး ပဒိုမန်း ရှာနှင့် အတူစကားပြောနေပါတယ်။ မ်ိန်းကလေးက ဖြစ်စဉ်အစအဆုံး မြင်တွေ့ရသူဖြစ်ပါတယ်။ ရဲဘော်(၂)ယောက်က ပစ်ခတ်မှုကြောင့် အိမ်နောက်ဖေးဘက် ရှောင်တိမ်းနေလိုက်ကြပါတယ်။ မ်ိန်းကလေးရဲ့ ပြောပြချက်အရ ပဒိုမန်းရှာသည် ထမင်းစားပြီးနောက် အပေါ်ထပ်သို့တက်လာကာ ရေချိုးခန်းထဲဝင်သွားကြောင်း၊ ထို့နောက် ပြန်ထွက်လာကာ ရေခဲသေတ္တာကိုဖွင့်ကာ ပန်းသီး တလုံးကို ထုတ်ယူလိုက်ကြောင်း၊ နောက်ပန်းသီးလှီး ဓါးတချောင်းနှင့်အတူ ၀ရံတာရှိ ကုလားထိုင် ဆီသို့သွားပြီး ထိုင်ကြောင်း၊ ပန်းသီးစားရင်း သူမနှင့်အတူစကားပြောနေစဉ် ကားအမဲတစီး ခြံတံခါး ၀တွင် ထိုးရပ်လာကြောင်း၊ ကားပေါ်မှ လူ(၂)ယောက် ခပ်သုတ်သုတ်ဆင်းလာပြီး လက်ထဲတွင် သစ်သီးခြင်းတခုကို ကိုင်ဆောင်လာကြောင်း၊ အသားဖြူဖြူ အရပ်မြင့်မြင့် တဦးမှာ လှေခါးထစ် တထစ်နှစ်ထစ်မျှသာတက်ပြီး ရပ်နေကြောင်း၊ အသားညိုညို အရပ်မနိမ့်မမြင့် လက်တွင် ဆေးမှင် ကြောင်ထိုးထားသူမှာ ပဒိုမန်းရှာထိုင်သည့်နေရာအထိ တက်လာပြီး “တီး..ဟားလဲဂေး”လို့ ကရင် လို နှုတ်ဆက်ကာ ခါးတွင်ရှိ မဲမဲရှည်ရှည် သေနတ်တလက်ကို ထုတ်ပြီး ပဒိုမန်းရှာ၏ ရင်ဘတ်သို့ ချိန်ရွယ်ပစ်ခတ်လိုက်ကြောင်း၊ ထို့နောက်ပြန် ဆင်းသွားကြောင်း၊ လှေခါးထစ်တွင် ရပ်နေသူက ပဒိုမန်းရှာကို ဆက်လက်ပစ်ခတ်ပြီးနောက် သူတို့ (၂)ဦး ကားပေါ်သို့ ပြန်တက်ပြီး ကားကို ချက် ချင်းမောင်းထွက်သွားကြောင်းပြောပါတယ်။ ထိုင်းပုလိပ်များက မျက်မြင်တွေ့ရှိသူများရဲ့ပြောပြတဲ့ လူသတ်သမားရဲ့ ပုံပန်းသဏ္ဍာန်များနဲ့ အနီး စပ်ဆုံးတူနိုင်မဲ့လူ(၂)ယောက်ပုံကို ကွန်ပြူတာကို ဖွင့်ပြပါတယ်။ ဒီလူတွေဟုတ်မဟုတ် မေးပါ တယ်။ မျက်မြင်တွေ့ရှိသူ (၃)ဦးစလုံးက အတည်ပြုပြောဆိုနိုင်ခြင်းမရှိပါ။ အိမ်အောက်ထပ်မှာ အိပ် ပျော်နေတဲ့ စောစေးစေးက သေနတ်သံကြားလို့ လန့်နိုးလာပြီး အပြင်ကို ထွက်လိုက်တဲ့အခါ ကား တစီးအရှိန်နဲ့မောင်းထွက်သွားကို မြင်လိုက်ရတဲ့အတွက် ကားနောက်ကိုလိုက်ပြီး ကားနံပါတ်ကို မှတ်ယူနိုင်ခဲ့ပါတယ်။ ကားနံပါတ်အတိုင်း ထိုင်းပုလိပ်များလိုက်ရှာတဲ့အခါ ကားပိုင်ရှင်မှာ ထိုင်း နိုင်ငံသားဖြစ်ပြီး ကားကို ရွှေကုက္ကိုလ်တဖက်ကမ်း ထိုင်းနိုင်ငံဘက်တွင်ရပ်ထားကြောင်း သိရှိရပါ တယ်။ ပဒိုမန်းရှာဟာ လူကိုယ်တိုင် လုပ်ကြံခြင်းမခံရခင် နိုင်ငံရေးအရ လုပ်ကြံမှုကို နှစ်အတော်ကြာ ခံခဲ့ရ ပါတယ်။ အထူးသဖြင့် ပဒိုမန်းရှာကို ကရင်အမျိုးသားရေးထက် ဒီမိုကရေစီရေးကို ဦးစားပေးသူ၊ ကရင့်တော်လှန်ရေးထက် မဟာမိတ်အရေး တပ်ပေါင်းစုအရေးကို ဦးစားပေးသူ၊ ကရင်ပြည်အရေး ထက် ဖယ်ဒရယ်အရေးကို ဦးစားပေးသူ၊ အပြင်းထန်ဆုံးထိုးနှက်တဲ့ စကားလုံးကတော့ ဗမာမ ထ မီကိုဆွဲပြီး လိုက်နေသူလို့ ဂုဏ်သိက္ခာချ ပြောဆိုကြပါတယ်။ (ဒေါ်အောင်ဆန်းစုကြည်)ကို ရည် ညွှန်းခြင်းဖြစ်ပါတယ်၊ နိုင်ငံရေးအရနားလည်သူများက ဝေဖန်သုံးသပ်နိုင်ပေမဲ့ ကရင့်လူ့အဖွဲ့အစည်း အတွင်း နိုင်ငံရေးအားနည်းသူများတဲ့အတွက် နိုင်ငံရေးအားနည်းသူများက ပဒိုမန်းရှာအပေါ် အဆိုး မြင်လာကြပါတယ်။ စစ်အစိုးရနဲ့နီးစပ်တဲ့ ပြည်တွင်းကရင်အသိုင်းအ၀ိုင်းကလည်း ဒီစကားတွေကို အတော်ဖွခဲ့ပါတယ်။ ကေအဲန်ယူဗဟိုကော်မတီတချို့သည်ပင် ဒီစကားအတိုင်းလိုက်ပြောလာကြပါ တယ်။ စစ်အစိုးရက ဒီအခွင့်ကောင်းကိုယူပြီး ဗိုလ်သာရှီး၊ ဗိုလ်လယ်မူးနဲ့ ဗိုလ်ကြည်လင်းတို့ လုပ် ကြံခံရတာနဲ့ပတ်သက်ပြီး ပဒိုမန်းရှာလက်ချက်လို့ ၀ါဒဖြန့်ပါတယ်။ သိသာထင်ရှားတဲ့ အထောက် အထားနဲ့ပြောရရင် ဗိုလ်ကြည်လင်းသေဆုံးပြီးနောက် စစ်အစိုးရရဲ့ ၀ါဒဖြန့်ချိရေး စာရွက်စာတန်း တွေမှာ ပဒိုမန်းရှာလက်ချက်ပါဆိုပြီး ဖေါ်ပြထားပါတယ်။ ပဒိုမန်းရှာလုပ်ကြံခံရပြီးတဲ့နောက် ပြည် တွင်းက လူတဦးရဲ့အမြင်ကို ကျနော် မေးစမ်းကြည့်ပါတယ်။ သူကဘာပြန်ပြောလည်းဆိုရင် “သူ များကို သတ်တော့လည်း သူလည်းပြန်အသတ်ခံရတာပေါ့”လို့ ခပ်ပေါ့ပေါ့ဘဲ ဖြေပါတယ်။ စစ်အစိုး ရနဲ့အတူ အကြံတူသူတွေရဲ့ ပူးပေါင်းဆောင်ရွက်မှုကြောင့် ပဒိုမန်းရှာအသက်ဆုံးရှုံး ခဲ့ရပါတယ်။ ဒါကရင့်တော်လှန်ရေးအတွက် သင်ခန်းစာယူရမှာဖြစ်ပါတယ်။ ပဒိုမန်းရှာလုပ်ကြံခြင်း မခံရခင် ပဒိုမန်းရှာနောက်ဆုံးအနေနဲ့ တက်လိုက်ရတဲ့ ကေအဲန်ယူဗဟို အမြဲတမ်းကော်မတီအ စည်းအဝေး မှာ ပဒိုမန်းရှာက ဗိုလ်သာရှီး၊ ဗိုလ်လယ်မူးနဲ့ ဗိုလ်ကြည်လင်းတို့ သေဆုံးတာနဲ့ပတ်သက်ပြီး ကျနော် ညွှန်ကြားထားတယ်လို့ သတင်းတွေထွက်နေတယ်၊ ဘယ်သူညွှန်ကြားလည်းဆိုတာ အခု ထက်ထိ ကျနော်လည်း မသိသေးဘူးလို့ပြောပါတယ်။ အစည်းအဝေးမှတ်တမ်းများ မပျောက်ပျက် သေးရင် သူပြောခဲ့တဲ့စကား ရှိနေအုံးမှာဖြစ်ပါတယ်။ အချိန်တွေ ဘယ်လောက်ပင်ကြာသော်လည်း မျိုးချစ်ကရင်တိုင်းက ပဒိုမန်းရှာကို မေ့နိုင်ကြမှာမ ဟုတ်ပါဘူး။ ပဒိုမန်းရှာဟာ ထင်ရှားတဲ့ ကရင့်အာဇာနည်တဦးအဖြစ် ကရင့်သမိုင်းမှာ မှတ်တမ်း ၀င်သွားပါပြီ။ ပဒိုမန်းရှာ အသက်ရှင်စဉ်ကာလ စိတ်အနှောက်အယှက်ဖြစ်ရပါတယ်ဆိုတဲ့ ပဒိုဒေးဗစ်ထောလည်း ကွယ်လွန်ခဲ့ပြီးဖြစ်ပါတယ်။ သူတို့(၂)ယောက်စလုံး မမြင်မတွေ့လိုက်ရတဲ့ ဒေးဗစ်ထောခန်းမကို ဦးအောင်မင်းတို့ရဲ့ကောင်းမှုနဲ့ တည်ဆောက်ထားပါတယ်။ ဒါ့အပြင် နော်ဝေးအစိုးရ ရံပုံငွေမှတ ဆင့် ငြိမ်းချမ်းရေးလှုပ်ရှားသူများအတွက် ပညာသင်ဆုကို နော်ဝေးဘုရင်က ဒေးဗစ်ထော ပညာ သင်ဆုလို့ မှည့်ခေါ်ထားကြောင်း နော်ဝေးဘုရင်ဗမာပြည်ခရီးစဉ်မှာ ပြောသွားတာကို သတင်းများ မှာ ဖတ်လိုက်ရပါတယ်။ ကရင့်ခေါင်းဆောင်တဦးဖြစ်တဲ့ ပဒိုဒေးဗစ်ထောရဲ့သမိုင်းကို ဦးအောင်မင်းနဲ့ နော်ဝေးဘုရင်တို့က သတ်မှတ်ပေးခြင်းထက် ကရင်ပြည်သူလူထုက သတ်မှတ်ပေးရမှာ ဖြစ်ပါတယ်။ အခုအချိန်မှာ ပဒိုမန်းရှာနဲ့ ပဒိုဒေးဗစ်ထောတို့ရဲ့ ရုပ်ကြွင်းများ အာဇာနည်ဗိမ္မာန်တခုတည်းမှာ အ တူရှိနေကြပါပြီ။ တယောက်က စစ်အစိုးရလုပ်ကြံသတ်ဖြတ်လို့ အသက်ဆုံးရှုံးသွားတာဖြစ်ပြီး နောက်တယောက်ကတော့ စစ်အစိုးရနဲ့ ဆွေးနွေးရင်း သေဆုံးသွားတာဖြစ်တယ်။ သူတို့နှစ် ယောက် တမလွန်မှာတွေ့ရင် ဘာများပြောဆိုကြမလဲလို့ ကျနော်တွေးနေမိပါတယ်။ ရဲဘော်ဇော်နောင်
ကရင်ပြည်နယ် မြို့တော်တွင် ပထမဆုံးအကြိမ် ကရင်အမျိုးသားနေ့ ကျင်းပ
ဖေဖော်ဝါရီ ၁၂ရက်၊ ၂၀၁၆ ခုနှစ်။ နန့်သွာဖောင် ဆယ်စုနှစ် ခုနှစ်ခုနီးပါး ကရင်အမျိုးသားနေ့ ကျင်းပခွင့်မရသော ကရင်ပြည်နယ် မြို့တော် ဖားအံမြို့တွင် ဖေဖော်ဝါရီ ၁၁ရက်နေ့က ကျရောက်သော (၆၈)နှစ်မြောက် ကရင်အမျိုးသားနေ့ကို ကရင်အမျိုးသား အစည်းအရုံးမှ ဦးဆောင်ပြီး ယမန်နေ့က ပထမဆုံးအကြိမ် ကျင်းပခဲ့သည်။ ဖားအံမြို့ ဇွဲကပင်ခန်းမတွင် ကျင်းပသည့် ၎င်းအခမ်းအနားတွင် ကေအဲန်ယူ ထိပ်ပိုင်းခေါင်းဆောင် ပဒို စောရောဂျာခင်၊ ပဒို စောလှထွန်း အပါအဝင် ဖားအံမြို့ရှိ ဘာသာရေးခေါင်းဆောင်များ၊ နိုင်ငံရေးပါတီများ၊ ပြည်နယ်အစိုးရ ဌာနဆိုင်ရာများ၊ အရပ်ဖက်လူမှုအဖွဲ့အစည်းများ၊ မြို့ခံ ရပ်မိရပ်ဖများနှင့် လူထုများ စုစုပေါင်း ၂၀၀ နီးပါး တက်ရောက်ခဲ့ကြသည်။ ကေအဲန်ယူ ဗဟိုအမြဲတမ်းကော်မတီဝင် ပဒိုစောလှထွန်းက “ကရင်အမျိုးသားနေ့ကို ကရင်တော်တော်များ မသိကြသေးဘူး။ ဒါကြောင့် ကိုယ့်ကရင်ပြည်နယ် မြို့တော်မှာ အခုလို ပထမဆုံးအကြိမ် ကျင်းပခွင့်ရတာ ဂုဏ်ယူတယ်။ ကျင်းပခွင့်ပေးတဲ့ ပြည်နယ်အစိုးရကိုလည်း ကျေးဇူးတင်ပါတယ်။ ဒါပေမယ့် အခုထိ အချို့နေရာ တွေမှာ ကျင်းပခွင့် မရသေးဘူး။ အဲဒီအတွက်လည်း စိတ်မကောင်း ဖြစ်ရပါတယ်”ဟု ကေအိုင်စီသို့ ပြောသည်။ ပြည်တွင်းစစ်ဖြစ်ပွားပြီး နိုင်ငံရေး အခြေအနေ မတည်ငြိမ်မှုကြောင့် ဆယ်စုနှစ်များစွာ မိမိကရင်အမျိုးသားနေ့ကို ကျင်းပခွင့် မရခဲ့သော်လည်း တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) လက်မှတ်ထိုး ပြီးနောက် ပွင့်လင်းမြင်သာမှု ပိုမိုရရှိလာကာ ယခုလို ကရင်အမျိုးသားနေ့ ပြန်လည်သိရှိခွင့်နှင့် ကျင်းပခွင့် အတွက် အခွင့်အရေးကောင်းတစ်ရပ် ဖြစ်လာသည်ဟုလည်း ပဒို စောလှထွန်းက ဆက်ပြောသည်။ အဆိုပါ အခမ်းအနားတွင် ကရင်အမျိုးသားအလံနှင့် ကျဆုံးလေပြီးသော ကရင်အာဇာနည်များအား အလေးပြုခြင်း၊ ကရင်အမျိုးသားနေ့ ပေါ်ပေါက်လာပုံ ပြောကြားခြင်း၊ ၆၈ နှစ်မြောက် ကရင်အမျိုးသားနေ့ အတွက် ကေအဲန်ယူ ဥက္ကဌမှ ပေးပို့သော သဝဏ်လွှာ ဖတ်ကြားခြင်းနှင့် ကရင်အမျိုးသားနေ့ဆိုင်ရာ အကြောင်းအရာများ ပြောကြားခြင်းနှင့် ဖျော်ဖြေရေး စသည့် အစီအစဉ်များ ပါဝင်သည်။ ဖားအံတွင် ကရင်အမျိုးသားနေ့ ကျင်းပခွင့်ရခြင်းအပေါ် ဖလုံ-စဝေါ်ဒီိမိုကရက်တစ်ပါတီ(PSDP)မှ မန်းပြည်အောင်စိုးက “ကေအဲန်ယူက ဦးဆောင်ပြီး ကရင်အမျိုးသားနေ့ကို ကျင်းပပေးတဲ့အတွက် ဝမ်းသာတယ်။ အခြားတိုင်းရင်းသားတွေ သူတို့ရဲ့ အမျိုးသားနေ့ကို ကျင်းပတာပဲ။ ကိုယ့်ကရင်တွေလည်း လုပ်ရမှာပေါ့”ဟု ကေအိုင်စီ သို့ပြောသည်။ ၁၉၄၈ခုနှစ်၊ ဖေဖော်ဝါရီ ၁၁ရက်နေ့က မြန်မာနိုင်ငံအတွင်းရှိ ကရင်လူမျိုး လေးသိန်းကျော်သည် ကရင်ပြည်နှင့် တန်းတူအခွင့်ရေးရရှိရန် ငြိမ်းချမ်းစွာ ဆန္ဒထုတ်ဖော်ခဲ့ကြသည်။ ယင်းနေ့ကို အစွဲပြု၍ ၁၉၅၃ ခုနှစ်၊ နိုဝင်ဘာ ၂၃ရက်မှ ၂၅ရက်နေ့အထိ ဖာပွန်မြို့နယ်၌ ကျင်းပသော ကော်သူးလေ ပြည်လုံးဆိုင်ရာ ကွန်ကရက်တွင် ကရင်အမျိုးသားနေ့အဖြစ် အတည်ပြုသတ်မှတ်ခဲ့သည်။
ဖာပွန်ခရိုင်တွင် ကရင်အမျိုးသားနေ့ လမ်းလျှောက်ဆန္ဒထုတ်ဖော်ပွဲ ၅နေရာ ကျင်းပ
ဖေဖော်ဝါရီ ၁၁ ရက်၊ ၂၀၁၆ခုနှစ်။ စောခါးစူးညား ယနေ့ (ဖေဖော်ဝါရီ ၁၁ ရက်နေ့) ကျရောက်သော (၆၈)နှစ်မြောက် ကရင်အမျိုးသားနေ့၌ ကရင် အမျိုးသားအစည်းအရုံး (ကေအဲန်ယူ)၊ ဖာပွန်(မူတြော်)ခရိုင်တွင် လမ်းလျှောက်ချီတက် ဆန္ဒထုတ်ဖော်ပွဲ ၅ နေရာ ပြုလုပ်ကျင်းပခဲ့သည်။ ၎င်းဒေသရှိ ကေအဲန်ယူ၏ အုပ်ချုပ်ရေးနှင့် တပ်ဖက်ဆိုင်ရာ ခေါင်းဆောင်များ ပူးပေါင်း၍ ဒေးဖိုးနို၊ တိုသေ့ဖူး(ကျွန်းပင်)တို့တွင် ခရိုင်နှင့် တပ်မဟာ ဌာနချုပ်အဆင့်အဖြစ် ကျင်းပပြီး မြို့နယ်အဆင့်အဖြစ် လူသောမြို့နယ် ပနာအေ့ပယ်ခို့၊ ဒွဲ့လိုးမြို့နယ် ကွီးတမာ့(မိချောင်းဝေး)၊ ဘူးသို့မြို့နယ် ဘွားဒဲ စသည့် နေရာတို့တွင် ၎င်းလမ်းလျှောက်ဆန္ဒထုတ်ဖော်ပွဲများကို ကျင်းပခဲ့ကြခြင်းဖြစ်သည်။ တိုသေ့ဖူးရွာတွင် ပြုလုပ်သော ကရင်အမျိုးသားနေ့ကို တက်ရောက်သည့် ကေအဲန်ယူ ဖာပွန်ခရိုင် ဥက္ကဌ စောဒိဂေဂျူးနီယာက “ဒီနေ့ဟာ ကျနော်တို့ ကရင်လူမျိုးတွေ တရားမျှတတဲ့ အခွင့်အရေးရရှိဖို့ တောင်းဆိုချက် ၄ချက်နဲ့ တိုက်ပွဲဝင်တဲ့ နေ့၊ ကရင်အမျိုးသားနေ့ ဖြစ်ပါတယ်။ ပြည်တွင်းပြည်ပနဲ့ မြန်မာတနိုင်ငံလုံးမှာရှိတဲ့ ကရင်တွေ ဒီနေ့ကို ပြန်အမှတ်ရဖို့နဲ့ မျိုးချစ်စိတ် နိုးကြားဖို့ ကျနော်တို့ အခုလို ပွဲ(ချီတက်ဆန္ဒ ထုတ်ဖော်ပွဲ)ကို ကျင်းပတာ ဖြစ်ပါတယ်”ဟု ကေအိုင်စီသို့ ပြောသည်။ တိုသေ့ဖူးရွာ၌ ကရင်အမျိုးသားနေ့ လမ်းလျှောက်ဆန္ဒထုတ်ဖော်ပွဲတွင် ကေအဲန်ယူ ဖာပွန်ခရိုင် ဥက္ကဌ စောဒိဂေဂျူးနီယာ၊ KNLA တပ်မဟာ(၅)မှူး ဗိုလ်မှူးချုပ် စောမူဟဲနှင့်အဖွဲ့တို့ ဦးဆောင်သော အဖွဲ့နှင့် ယင်းဒေသခံရှိ ရွာပေါင်း ၁၆ရွာမှ လူထုများ စုစုပေါင်း ၅၀၀ ကျော်ပါဝင်ပြီး ၎င်းတို့သည် အချိန်တစ်နာရီ ကြာသော တိုသေ့ဖူးရွာမှ ဒေ့ဘောခေါ့ရွာသို့ လမ်းလျှောက် ချီတက်ခဲ့ကြသည်။ ထို့အပြင် ဒေးဖိုးနို ဌာနချုပ်တွင် ပြုလုပ်သော ကရင်အမျိုးသားနေ့ လမ်းလျှောက်ချီတက်ပွဲတွင် ကေအဲန်ယူ တာဝန်ရှိသူများနှင့် ဒေသခံလူထု ၁၅၀၀ ဝန်းကျင်ရှိကြောင်းနှင့် ကျန်မြို့နယ်အဆင့် သုံးခုတွင် စုစုပေါင်း လူဦးရေ (၃၀၀၀)ခန့် ရှိကြောင်း သိရသည်။ ထိုသို့ လမ်းလျှောက်ဆန္ဒထုတ်ဖော်ရာတွင် ကရင်အမျိုးသားတောင်းဆိုချက် လေးချက်ဖြစ်သည့် ကရင်ပြည် ချက်ချင်းပေး၊ ကရင်တကျပ် ဗမာတကျပ် ချက်ချင်းပြ၊ လူမျိုးရေး အဓိကရုဏ်းအလိုမရှိ၊ ပြည်တွင်းစစ် အလိုမရှိ စသည့် ကြွေးကြော်သံပါသော ဆိုင်းဘုတ်များ ကိုင်ဆောင်ခြင်း၊ ကရင်အလံတော် ကိုင်ဆောင်ခြင်းနှင့် ကရင်အမျိုးသား(ကညောဖိုး)ပါသော စာလုံးခေါင်းစီးများကို ခေါင်းပေါ်တွင် ပတ်ထားကြကာ ချီတက်ခဲ့ကြသည်။ ယခုလို ကရင်အမျိုးသားနေ့ ကျင်းပခြင်းအပေါ် တိုသေ့ဖူးရွာသူကြီး စောဘူးလေ့က “ကျနော်တို့ရွာမှာ ကိုယ့်ကရင်အမျိုးသားနေ့ ကျင်းပတာ ပထမဆုံးအကြိမ်ပဲ။ ဒီလို ကျင်းပတာ ဝမ်းသာတယ်။ ကျနော်တို့ ဒေသမှာ လူအများစုက အခုလို ကိုယ့်ကရင်ရဲ့ သမိုင်းဝင်နေ့ကို မသိကြသေးဘူး။ နောက်နှစ်ကျရင် ဒီထက်ကောင်းအောင် လုပ်ဖို့ မျှော်လင့်တယ်”ဟု ကေအိုင်စီသို့ ပြောသည်။ တိုသေ့ဖူးတွင် ပြုလုပ်သည့် ကရင်အမျိုးသားနေ့ ချီတက်ပွဲ၌ ပါဝင်သူလူငယ် စောထူးဂေကလည်း ကရင်အမျိုးသားနေ့ကို ကလေး၊ လူငယ်များသာမက မသိရှိသေးသည့် လူကြီးအများအပြား ရှိသည်ကို တွေ့ရသည့်အတွက် စိတ်မကောင်း ဖြစ်မိကြောင်း၊ သို့သော်လည်း ယခုလို ကျယ်ကျယ်ပြန့်ပြန့် ပြန်လည်ကျင်းပနိုင်သည့်အတွက် ဝမ်းသာကြောင်း ပြောဆိုသည်။ လွန်ခဲ့သည့် ၁၉၄၈ခုနှစ်၊ ဖေဖော်ဝါရီ ၁၁ရက်နေ့တွင် ကရင်ပြည်နှင့် တန်းတူအခွင့်အရေးရရှိရေး အတွက် တစ်နိုင်ငံလုံးရှိ ကရင်လူမျိုး လေးသိန်းကျော်သည် ကြွေးကြော်သံ လေးချက်ဖြင့် ငြိမ်းချမ်းစွာ ဆန္ဒထုတ်ဖော်ခဲ့ကြပြီး ထိုနေ့ကို အစွဲပြု၍ ကရင်အမျိုးသားနေ့ ပေါ်ပေါက်လာခြင်းဖြစ်သည်။ ယနေ့ ကျရောက်သော ၆၈နှစ်မြောက် ကရင်အမျိုးသားနေ့ကို ကေအဲန်ယူ၏ ခရိုင်နှင် တပ်မဟာ (၇)ခုတို့အပြင် ပြည်တွင်း၌လည်း ဟောပြောပွဲ အခမ်းအနားပုံစံဖြင့် ပြုလုပ်မှုအချို့ရှိကြောင်း သိရသည်။
วันศุกร์ที่ 5 กุมภาพันธ์ พ.ศ. 2559
ကရင်ပြည်နယ် လိုင်စင်မဲ့ယာဉ်ဖမ်းမှု ပြန်စဉ်းစားရန် ကရင်အဖွဲ့အစည်းများ တောင်းဆို
ဖေဖော်ဝါရီ ၃ရက်၊ ၂၀၁၆ခုနှစ်။ နန်းဝေဖြိုးဇာ
ကရင်ပြည်နယ်အခြေအနေသည် အခြားပြည်နယ်၊ တိုင်းဒေသကြီးများနှင့် မတူညီသည့်အတွက် လက်ရှိ ပြည်နယ်အတွင်း လိုင်စင်မဲ့မော်တော်ယာဉ်များ ဖမ်းဆီးနေသည့်ကိစ္စကို အစိုးရအနေဖြင့် ပြန်လည်စဉ်းစားရန် လိုအပ်သည်ဟု ကရင်ပြည်နယ်ရှိ ကရင်အဖွဲ့အစည်းများက ဖေဖော်ဝါရီလ ၂ရက်နေ့တွင် တောင်းဆိုလိုက်သည်။
ကရင်ပြည်နယ်ရှိ နိုင်ငံရေးပါတီများ၊ ကရင့်လက်နက်ကိုင်အဖွဲ့စည်းများ၊ အရပ်ဖက်လူမှုအဖွဲ့အစည်းများ၊ ဘာသာရေးခေါင်း ဆောင်များနှင့် ဒေသခံ ရပ်မိရပ်ဖများ စုစုပေါင်း ၄၀ကျော် စုပေါင်းကာ ဖေဖော်ဝါရီ ၂ရက်နေ့က ဖားအံမြို့ သုမေဓာရာမ ကြား တောရ ဘုန်းကြီးကျောင်းတွင် ပြုလုပ်သည့် လူထုတွေ့ဆုံပွဲတွင် တောင်းဆိုခဲ့ခြင်းဖြစ်သည်။
ယင်းတွေ့ဆုံပွဲ တက်ရောက်သူ ဖလုံ-စဝေါ်ဒီမိုကရက်တစ်ပါတီမှ နန်းစေအွာက “လက်နက်ကိုင်အဖွဲ့နဲ့ အစိုးရတို့က လက်မှတ် ထိုးပြီးတဲ့အချိန် ဖြစ်တယ်။ ပြီးတော့ ပြည်သူလူထုတွေနဲ့ ယုံကြည်မှု တည်ဆောက်နေချိန်ပဲ ရှိသေးတယ်။ တစ်ဖက်က ဖမ်းဆီး မယ်၊ သိမ်းဆည်းမယ် အရေးယူဆောင်ရွက်မယ်ဆိုရင် တချို့က တမျိုးမြင်မယ်။ ဒါကြောင့် ဒေသခံရဲ့သဘောကို ပြန်စဉ်းစား သင့်တယ်လို့ ကျမ ယူဆတယ်”ဟု ကေအိုင်စီသို့ ပြောသည်။
ထို့အပြင် တွေ့ဆုံပွဲသို့ တက်ရောက်သည့် ကိုယ်စားလှယ်များ၏ အဆိုပါ တောင်းဆိုချက်များနှင့် တင်ပြချက်များကို ကရင်ပြည် နယ်ဝန်ကြီးချုပ်၊ ပြည်ထောင်စုဝန်ကြီးများနှင့် သက်ဆိုင်ရာ ၀န်ကြီးဋ္ဌာနများထံ ထပ်မံ တင်ပြသွားမည် ဖြစ်သည်ဟု သိရသည်။
ကရင်ပြည်နယ်အတွင်း ယာဉ်များ ဖမ်းဆီးပါက ငြိမ်းချမ်းစရှိနေသည့် ပြည်နယ်၏ဒေသတည်ငြိမ်ဖွံ့ဖြိုးရေးကို အဟန့်အတား ဖြစ် စေနိုင်သည့်အပြင် ဒေသဆိုင်ရာ လက်နက်ကိုင်အဖွဲ့အစည်းများစွာ ရှိနေသောကြောင့် မလိုလားအပ်သော ပဋိပက္ခများလည်း ဖြစ်ပေါ်လာနိုင်သည်ဟု တွေ့ဆုံပွဲ တက်ရောက်သူများက သုံးသပ်ပြောဆိုနေကြသည်။
“ကားဖမ်းမဲ့ကိစ္စက ကျနော်တို့ တိုင်းရင်းသားနဲ့ နယ်လုံ ဦးအောင်လွင်နဲ့ သွားတွေ့တဲ့အခါမှ သူက ဘယ်လိုပြောမလဲ။ ဘယ်အဖွဲ့ အစည်းပဲဖြစ်ဖြစ် ဖမ်းမှာပဲ။ ကျနော်တို့ ဘယ်လိုတင်ပြတင်ပြ အဆင်မပြေဘူး။ နိုင်ငံတော် အခွန်ဘတ်ဂျက်တွေ ထိခိုက်တယ် ပြောတယ်။ ကျနော်တို့ပြည်နယ်က ဖွံ့ဖြိုးစ ပြည်နယ်ဖြစ်တဲ့အတွက် မဖမ်းလို့ မရဘူးလား မေးတော့ မရဘူး ပြောတယ်”ဟု နယ် ခြားစောင့်တပ် တပ်နယ်(၃)မှ စီးပွားရေးတာဝန်ခံ ဗိုလ်မှူးသိန်းဇော်မင်းက နယ်စပ်ရေးရာဝန်ကြီးနှင့် သွားရောက်တွေ့ဆုံခဲ့သည့် အခြေအနေကို ၎င်းတွေ့ဆုံပွဲတွင် ပြောပြခဲ့သည်။
လိုင်စင်မဲ့ယာဉ်များကို ဖေဖော်ဝါရီ ၂ရက်နေ့မှစ၍ ဖမ်းဆီးမည်ဟု သက်ဆိုင်ရာ တာဝန်ရှိသူများက ပြောဆိုထားသော်လည်း လက်ရှိ ဖားအံမြို့တွင် လိုင်စင်မဲ့ယာဉ်များကို ဖမ်းဆီးခြင်းမဟုတ်ဘဲ ဆိုင်ကယ်မောင်းသူများ ဦးထုပ်ဆောင်း မဆောင်းနှင့် ဆိုင်ကယ်နောက်ကြည့်မှန် ရှိမရှိ စသည်တို့ကိုသာ တားဆီးစစ်ဆေးကာ ဒဏ်ငွေရိုက်ခြင်းသာရှိသည်ဟု ဖားအံမြို့ခံများက ပြော ဆိုသည်။
အစိုးရသစ်နှင့် ကေအဲန်ယူအကြား ငြိမ်းချမ်းရေးခရီး ဘယ်လိုဆက်သွားမလဲ
စောသိန်းမြင့် (ဖေဖော်ဝါရီ ၄ရက်၊ ၂၀၁၆)
၂၀၁၅ရွေးကောက်ပွဲကို အနိုင်ရတဲ့ အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်အများစု ပါဝင်တဲ့ ဒုတိယအကြိမ် ပြည် သူ့လွှတ်တော်အစည်းအဝေးကို ဖေဖော်ဝါရီလ ၁ရက်နေ့က စတင်ကျင်းပနေပြီဖြစ်သလို ဒုတိယအကြိမ် အမျိုးသားလွှတ်တော် အစည်းအဝေးကိုလည်း ဖေဖော်ဝါရီလ ၃ရက်နေ့မှာ စတင်နေပြီဖြစ်ပါတယ်။ ပြည်တွင်းငြိမ်းချမ်းရေး၊ တရားဥပဒေစိုးမိုးရေးနှင့် အမျိုးသား ရင်ကြားစေ့ရေးတို့ကို အဓိက ဖော်ဆောင်သွားမယ်လို့ အစိုးရသစ်ကို ဦးဆောင်မယ့် NLD ပါတီက ပြောဆိုထားတာ ကြောင့် NLD အနေနဲ့ ယခင် ငြိမ်းချမ်းရေးလုပ်ငန်းစဉ်ကို လုပ်ဆောင်ခဲ့တဲ့ ကြံ့ဖွံ့အစိုးရက တာဝန်ရှိသူတွေနဲ့ ပူးပေါင်းလုပ်ဆောင် သွားမယ်လို့ ပြောဆိုနေပါတယ်။
ဖေဖော်ဝါရီ ၃ရက်နေ့က အမျိုးသားလွှတ်တော်ဥက္ကဋ္ဌဖြစ်လာသူ ကရင်ပြည်နယ်၊ မြ၀တီမြို့နယ် NLD ပါတီမှ မန်းဝင်းခိုင်သန်း က “ငြိမ်းချမ်းရေးရရှိဖို့၊ တရားဥပဒေစိုးမိုးမှု ရရှိဖို့၊ အမျိုးသားရင်ကြားစေ့ရေးရရှိဖို့ အထူးပဲ လိုအပ်ပါတယ်။ အဲဒီအတွက် ငြိမ်းချမ်း ရေး တရားဥပဒေစိုးမိုးရေးနဲ့ အမျိုးသားရင်ကြားစေ့ရေးတို့ကို ဖော်ဆောင်ပေးမဲ့ တရားဥပဒေတွေ လိုအပ်မှာဖြစ်ပါတယ်။ ကျနော် တို့ရဲ့ အမျိုးသားလွှတ်တော်ကြီးဟာ နိုင်ငံတော်ရဲ့ အာဏာကြီးသုံးသပ်ရဲ့ ဥပဒေပြုရေးအာဏာ ရရှိထားတဲ့အဖွဲ့ကြီး ဖြစ်တဲ့အား လျော်စွာ ငြိမ်းချမ်းရေး၊ တရားဥပဒေစိုးမိုးရေး၊ အမျိုးသား ရင်ကြားစေ့ရေးတို့အတွက် လိုအပ်တဲ့ ဥပဒေများကို ရေးဆွဲပြဋ္ဌာန်းဖို့၊ မလိုအပ်တဲ့ ဥပဒေများကို ပြင်ဆင်ပယ်ဖျက်ဖို့ ဆောင်ရွက်ကြရမှာဖြစ်ပါတယ်״လို့ ဒုတိယအကြိမ် အမျိုးသားလွှတ်တော် အစည်း အဝေးရဲ့ နှုတ်ခွန်းဆက်စကားမှာ ထည့်သွင်းပြောကြားခဲ့ပါတယ်။
ငြိမ်းချမ်းရေးဖော်ဆောင်မှုနဲ့ပတ်သက်ပြီး ကေအဲန်ယူရဲ့ ဥက္ကဋ္ဌဖြစ်သူ ဗိုလ်ချုပ်ကြီးစောမူးတူးစေးဖိုးကတော့ “ကျနော်တို့ ကေ အဲန်ယူအနေနဲ့ကတော့ ရှင်းပါတယ်။ နိုင်ငံရေးပဋိပက္ခဖြစ်တဲ့အတွက် နိုင်ငံရေးနည်းနဲ့ စားပွဲပေါ်မှာ ကျနော်တို့ဆက်သွားဖို့ပဲ ဖြစ် ပါတယ်။ နောက်တက်လာတဲ့ အစိုးရကတော့ သူတို့ရဲ့ ပေါ်လစီတော့ ကျနော်တို့ မသိသေးဘူး။ အဲဒါသူတို့အပေါ်မှာပဲ တည် တယ်။ ကျနော်တို့ကတော့ တွေ့ဆုံဆွေးနွေးရေးကို ဆက်ပြီးတော့သွားမယ်။״လို့ ဇန်န၀ါရီလ ၃၁ရက်နေ့က ကရင်အမျိုးသား လွတ်မြောက်ရေးတပ်မတော်-KNLA တပ်မဟာ(၇)ဋ္ဌာနချုပ်မှာ ကေအဲန်ယူ ဗဟိုအဆင့် ကျင်းပခဲ့တဲ့ (၆၇)နှစ်မြောက် ကရင့်အ မျိုးသားတော်လှန်ရေးနေ့မှာ သတင်းထောက်တွေကို ပြောကြားခဲ့ပါတယ်။
ကေအဲန်ယူဟာ ယခင် ဦးသိန်းစိန် ဦးဆောင်တဲ့ အစိုးရနဲ့ ငြိမ်းချမ်းရေးဖော်ဆောင်မှုကို တစ်နိုင်ငံလုံး အပစ်အခတ်ရပ်စဲရေးစာ ချုပ် လက်မှတ်ရေးထိုးခဲ့ပြီးအဆင့်ထိ သွားနိုင်ခဲ့သော်လည်း မကြာမီ တက်လာတော့မယ့် NLD အစိုးရသစ်နဲ့ ဆက်လက် တွေ့ဆုံ ဆွေးနွေးသွားနိုင်ဖို့က စိန်ခေါ်မှုအချို့ ကြုံတွေ့ရနိုင်တယ်လို့လည်း ဝေဖန်သုံးသပ်သူတွေ ရှိပါတယ်။
လာမယ့် NLD အစိုးရဟာ လုပ်ပိုင်ခွင့်တချို့တ၀က်သာရရှိတဲ့ အစိုးရတစ်ခုသာဖြစ်တဲ့အတွက် အပြည့်အ၀ မျှော်လင့်၍မရ ကြောင်း ကရင်အမျိုးသားလွတ်မြောက်ရေးတပ်မတော်(KNLA) ဒုစစ်ဦးစီးချုပ် ဒုတိယဗိုလ်ချုပ်ကြီးစောဘောကျော်ဟဲကလည်း ကေအိုင်စီ(ကရင်သတင်းဌာန)နဲ့ သီးသန့်တွေ့ဆုံမေးမြန်းစဉ်မှာ သူ့ရဲ့အမြင်ကို ယခုလို ပြောဆိုလိုက်ပါတယ်။
“စစ်အစိုးရက အနှစ် ၂၀အတွင်းမှာ စစ်တပ်ကနေ ကျေးရွာအဆင့်ထိ တသွေး၊ တသံ၊ တမိန့် အစီအစဉ်နဲ့ ကြိုတင်ပြင်ဆင်မှု တွေ လုပ်ထားခဲ့တဲ့အပေါ်မှာ ဒေါ်အောင်ဆန်းစုကြည် အစိုးရက ဘယ်လိုပဲ ပြင်ဆင်မှုတွေ လုပ်ချင်နေပလေ့စေ ရမှာမဟုတ်ဘူး။ ဥပဒေကို ပြောင်းလဲချင်တိုင်း ပြောင်းလဲလို့မရဘူး။ အခက်အခဲ အများကြီးရှိတယ်။ ကျနော်တို့ အနည်းအကျဉ်းလောက်ပဲ မျှော် လင့်လို့ရတယ်״လို့ KNLA ဒုဗိုလ်ချုပ်ကြီးစောဘောကျော်ဟဲက ကရင်လို ပြောပါတယ်။
ဒါ့အပြင် ဒေါ်အောင်ဆန်းစုကြည်အစိုးရကို စစ်အစိုးရက အခွင့်အရေးပေးရင်တောင်မှ အပေါ်ယံ ကြည့်ကောင်းရုံမျှသာ အခွင့်အ ရေးပေးမှာဖြစ်ပြီး အပြည့်အ၀ လုပ်ကိုင်နိုင်တဲ့အဆင့်အထိ ပေးအပ်မှာမဟုတ်ကြောင်းလည်း ဒုဗိုလ်ချုပ်ကြီးစောဘောကျော်ဟဲ က ဆက်လက် ထောက်ပြပြောဆိုပါတယ်။
အလားတူပဲ KNLA စစ်ဦးစီးချုပ် ဗိုလ်ချုပ်ကြီးစောဂျော်နီကလည်း ကရင်အမျိုးသားအစည်းအရုံး(ကေအဲန်ယူ)အနေနဲ့ စစ်အစိုးရ ပဲတက်တက်၊ ဒီမိုကရေစီ အစိုးရပဲတက်တက် မိမိတို့အနေနဲ့ မိမိတို့လူမျိုးရဲ့ အခွင့်အရေးကို တိုက်ယူသွားရမှာဖြစ်တယ်လို့ (၆၇) နှစ်မြောက် ကရင်တော်လှန်ရေးအခမ်းအနားရဲ့ နိဂုံးချုပ် အမှာစကားထဲမှာ ထည့်သွင်းပြောကြားခဲ့ပါတယ်။
၂၀၁၁ခုနှစ်၊ သြဂုတ်လ ၁၈ရက်မှာ စစ်တပ်နောက်ခံ အရပ်သားအစိုးရဖြစ်တဲ့ သမ္မတ ဦးသိန်းစိန်က တိုင်းရင်းသားလက်နက်ကိုင် တော်လှန်ရေးအဖွဲ့တွေကို ငြိမ်းချမ်းရေးလုပ်ငန်းစဉ်အတွက် ကမ်းလှမ်းခဲ့ပါတယ်။ ၂၀၁၂ခုနှစ်အစမှာ အစိုးရနဲ့ တိုင်းရင်းသား လက်နက်ကိုင် တော်လှန်ရေးအဖွဲ့အစည်းတို့ အပစ်အခတ် ရပ်စဲရေးတွေကို ပြည်နယ်အဆင့်၊ ပြည်ထောင်စုအဆင့် စသည်ဖြင့် အသီးသီး လက်မှတ်ရေးထိုးခဲ့ကြပါတယ်။ အပစ်အခတ်ရပ်စဲရေး ငြိမ်းချမ်းရေးဖော်ဆောင်မှု လုပ်ငန်းစဉ် လေးနှစ်တာ ကာလအ တွင်း ရလဒ်က NCA တစ်နိုင်ငံလုံး အပစ်ရပ်စာချုပ်ကို ကေအဲန်ယူ အပါအ၀င် တိုင်းရင်းသားလက်နက်ကိုင်အဖွဲ့ ၈ဖွဲ့က ၂၀၁၅ခု နှစ်၊ အောက်တိုဘာလ ၁၅ရက်နေ့တွင် လက်မှတ်ရေးထိုးခဲ့ပါတယ်။
အဲဒီ NCA စာချုပ်ရဲ့ သဘောတူညီချက်အရ ပြီးခဲ့တဲ့ ဒီဇင်ဘာ ၁၂ရက်က ၁၆ရက်နေ့အထိ ပထမအကြိမ် ပြည်ထောင်စုငြိမ်းချမ်း ရေးညီလာခံကို ကျင်းပခဲ့ပြီး နိုင်ငံရေးဆွေးနွေးပွဲအတွက် နိဒါန်းပျိုးထားခဲ့ပေမဲ့ တိုင်းရင်းသားလက်နက်ကိုင် အဖွဲ့အစည်းအားလုံး မပါဝင်တဲ့အပေါ် စစ်မှန်တဲ့ ငြိမ်းချမ်းရေးညီလာခံ မဟုတ်ဆိုတဲ့ ဝေဖန်သံတွေ မျိုးစုံ ထွက်ပေါ်လာပါတယ်။
NLD ပါတီဥက္ကဋ္ဌ ဒေါ်အောင်ဆန်းစုကြည်က စစ်မှန်တဲ့ ပြည်ထောင်စု ငြိမ်းချမ်းရေး ညီလာခံ (သို့မဟုတ်) နိုင်ငံရေးဆွေးနွေးပွဲကို NLD အစိုးရသစ်လက်ထက်ကျမှသာ ကျင်းပသွားမယ်လို့ ပြောဆိုခဲ့ပါတယ်။ ဒါကြောင့် NLD အစိုးရသစ်ဖြစ်လာရင် ကေအဲန်ယူ အနေနဲ့ အစိုးရသစ်ကို ဘယ်လိုပူးပေါင်းဆောင်ရွက်သွားမလဲဆိုတာ ကရင်လူထုတင်မကဘဲ တိုင်းရင်းသားပြည်သူတွေအားလုံး ကပါ သိချင်လှတဲ့ မေးခွန်းတစ်ခု ဖြစ်နေပါတယ်။
ကေအဲန်ယူ အထွေထွေ အတွင်းရေးမှူးချုပ် ပဒိုစောကွယ်ထူးဝင်းက “ကျနော်တို့ရဲ့အမျိုးသားအရေးကို ပြောဆိုဆွေးနွေးဖို့ ဘယ် အစိုးရအဖွဲ့ပဲဖြစ်ဖြစ် ပူးပေါင်းလုပ်ဆောင်မယ်။ ဦးသိန်းစိန်တက်လာလို့ ဆွေးနွေးမယ်ဆိုရင် ကျနော်တို့ဆွေးနွေးမယ်။ NLD ပါတီ တက်လာလည်း ကျနော်တို့ ဆွေးနွေးမှာပဲ။ ကျနော်တို့ ပူးပေါင်းဆောင်ရွက်ရမယ်။ မြန်မာပြည် ငြိမ်းချမ်းရေးနဲ့ မြန်မာပြည်ရေးရာ တွေအားလုံးဟာ ကျနော်တို့ တိုင်းရင်းသားအားလုံးနဲ့ ဆိုင်ပါတယ်״လို့ ကရင်သတင်းဌာန မေးမြန်းစဉ်က ပြောဆိုခဲ့ပါတယ်။
ကရင်အမျိုးသားတော်လှန်ရေးသမိုင်းကို ပြန်ကြည့်ရင် လက်နက်ကိုင်တော်လှန်ရေး စတင်လာခဲ့တာဟာ စစ်ကို မက်မောလို့မ ဟုတ်ဘဲ ကိုယ်ပိုင်ပြဋ္ဌာန်းခွင့်၊ တန်းတူအခွင့်အရေးကို တောင်းဆိုခဲ့ရာမှာ အုပ်စိုးသူအစိုးရအဆက်ဆက်က မသိကျိုးကျွံပြုကာ အင်အားသုံး အကြမ်းဖက်နှိမ်နင်းမှုကြောင့် လက်နက်ကိုင်လမ်းစဉ်ကို ရွေးချယ်လိုက်ရခြင်းဖြစ်တယ်လို့ ကရင်တော်လှန်ရေးဖခင် ကြီးတွေက ပြန်ပြောင်းပြောဆိုခဲ့ကြပါတယ်။
ကေအဲန်ယူရဲ့ မျှော်မှန်းချက်ဟာ နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းဖို့ဆိုပေမဲ့ အချို့သော ကရင်အမျိုးသားခေါင်း ဆောင်တွေက ငြိမ်းချမ်းရေးဖော်ဆောင်မှုလုပ်ငန်းစဉ်ကို အချိန်မဆိုင်းဘဲ ဆက်လက် လုပ်ဆောင်သွားချင်ကြသလို အချို့ကရင် ခေါင်းဆောင်တွေကမူ ငြိမ်းချမ်းရေးဖော်ဆောင်မှုလုပ်ငန်း ဖြစ်စဉ်သွားနှုန်းဟာ မြန်ဆန်လွန်းတယ်လို့ ရှုမြင်နေကြပါတယ်။
မည်သို့ပင်ဖြစ်စေကာမူ မကြာခင် ဖြစ်လာတော့မယ့် ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်(NLD) အစိုးရအဖွဲ့နဲ့ ကရင်အမျိုးသားအစည်းအရုံး(KNU)တို့ ဆက်လက် ဖော်ဆောင်မယ့် ငြိမ်းချမ်းရေးလုပ်ငန်းစဉ်ဟာ ယခင် အစိုးရ လက်ထက်က လမ်းကြောင်းအတိုင်းပဲ ဆက်သွားမလား၊ ဒါမှမဟုတ် စိန်ခေါ်မှုများစွာနဲ့ လုပ်ထုံးလုပ်နည်းတွေ ပိုမို တင်းကြပ်များ ပြားလာဦးမလားဆိုတဲ့ ပြောင်းလဲမှုတွေကို “သို့လော”များစွာနဲ့ ဆက်လက် ရှုစားသွားရအုံးမှာ ဖြစ်ပါတယ်။
